ورشة الشريرات

لحن الحياة. · 2013-06-10, 16:41

نبداو على بركة الله و كل وحدة حابة تنضم نضيف اسمها
1-شموسة الجزائر
2-وليد المولودية
3-ام ريانو
4- jill
5-ilhemaya
6-ام رتاج سرين
7-وردة زمن
والبقية تاتي هههههه

نحتاجو 6 كبات خيط مسلك نخدمو بيه مدوبلي ونحتاجو احجار للتزيين كل فراشة 4 حجرات كبيرة

نعملو 6 سلسلة ونغلقهم و نعمروهم ب 17 عمود بلفتين معناتها دوبل بغيد

نغلق و نطلع ب 4 سلسلة

نعمل 3 دوبل بغيد في نفس العمود من السطر السابق + 3 سلسلة+ 3 دوبل بغيد كيما الصورة

ثم نخلو عمود ونعملو في اللي بعدو 3دوبل بغيد+3سلسلة+3دوبل بغيد

ونكرر العملية حتى نكمل السطر كيما في الصورة

هاكذا نحصلو على 8 ثقوب
نعملو 3 غرزات حشو باش نوصلو لاول ثقب نعملو فيه 6دوبل بغيد +3سلسلة+6دوبل بغيد ثم 1 حشو كيما في الصورة

نفس الشيء في الثقب الثاني
بصح في الثقب الثالث و الرابع نعملو 5دوبل بغيد+2سلسلة + 5 دوبل بغيد

ثم في الثقب الخامس و السادس 6دوبل بغيد+3سلسلة+6دوبل بغيد
وفي الثقب السابع و الثامن 5دوبل بغيد+2سلسلة+5 دوبل بغيد و طبعا ما تنساوش الحشواااااااااات

كي نكملو نطبقوها على زوج نحصلو فراشة ونعملوالفراشة الثانية بنفس الطريقة و اثناء العمل نلصقوهم بالكروشي او تخدمو كل فراشة وحدها و نلصقوهم بالابرة

في انتضار بقية البنات نروح نكمل باش نصورلكم التلصيقو انتم اشتغلو بالتوفيق

نكملو الفراشة الاولى تم نلصقو فيها التانية قبل ما تكمل كيما في الصورة

تم نكملوها وهي لاصقة

و هاكذا نكملو 10 فراشات لاصقين بالنسبة للعدد تقدرو تزيدو على حساب لاطاي بصح ادا زدتو لازم تزيدو بزوج فراشات باش ما يجيش الصدر معوج

كي تكملو دورو على الفراشات بغرزات الحشو كيما الصور

و يبقى التزيين بالاحجار راني رايحة نشرييييييييييهم ههههههههه

فرحوني بتطبيقات كثييييرة

crono · 2013-06-10, 16:56

بارك الله فيك
وفي حراير الجلفة

يثبت الموضوع لأهميته

لحن الحياة. · 2013-06-10, 16:59

اقتباس:

المشاركة الأصلية كتبت بواسطة crono

بارك الله فيك
وفي حراير الجلفة

يثبت الموضوع لأهميته

مشكووووووووووووووووووووووووووورة مشكووووووووووووة فرحتيني بالتثبيت حسيت روحي ربحت في المسابقة ههههههههههههههههه

يويويويوي ووووووووووووووووووي

انضمو يا بنااااااااااااااااااااات الى العمل

kakpop · 2013-06-10, 18:55

يعطيك صحة و جعلها الله في ميزان حسناتك

شريرة خيرتي اسهل صدر ياك هههههههههههههه

نتمسخر معاك تستاهلي الف بوسة

نهال13 · 2013-06-10, 19:10

مبروك افتتاح الورشة صدر يهبل كون يكفنى الوقت نخدم واحد جزاكى الله كل خير

نايليةوافتخر · 2013-06-10, 21:01

ياشريرة ماقلتيلناش على الورشة
والله هذا وين حسيت الحماس رجع للقسم
مبروك التثبيت

ilhemaya · 2013-06-10, 22:30

السلام عليكم احسبوني معاكم غدوة نشري الخيط نبدي معاكم ومشكورين الله يبارك فيكم

تاج النور@ · 2013-06-10, 23:16

ووفق كل الفحلات
والعقبا ليا

ام ريانو · 2013-06-10, 23:44

رااااااااااااااااااائع أحتي جيل وراني بديت انطبق أول فراشة هههههههه لكن حبيت نسأل برك خدمت بالكروشي رقم 20 وما حكمليش زوج خيوط دائما خيط واحد وتعبني ممكن نخدم بالكروشي رقم 10 ثانيا هل بعد الحشو نصعد كذالك بثلاثة حشوات ام نكمل الست اعمدة مباشرة بعد الحشوة الاولى
ومشكورة على المجهود

لحن الحياة. · 2013-06-11, 07:26

اقتباس:

المشاركة الأصلية كتبت بواسطة ام ريانو

رااااااااااااااااااائع أحتي جيل وراني بديت انطبق أول فراشة هههههههه لكن حبيت نسأل برك خدمت بالكروشي رقم 20 وما حكمليش زوج خيوط دائما خيط واحد وتعبني ممكن نخدم بالكروشي رقم 10 ثانيا هل بعد الحشو نصعد كذالك بثلاثة حشوات ام نكمل الست اعمدة مباشرة بعد الحشوة الاولى
ومشكورة على المجهود

اخدمي بالكروشي لي يناسبك المهم الخيط لازم يكونمدوبلي
وبالنسبة للاعمدة ما تطلعيش ب3 حشوات اخدمي الاعمدة مباشرة

لحن الحياة. · 2013-06-11, 07:27

مرحبا بكل منانظمت برك اصبروكي نجي من الخدمة نجاوب كل التساؤلات باااااااااااااااااااااااااااااااااي

sofiane2075 · 2013-06-11, 08:43

وليد مولودية · 2013-06-11, 09:25

كان عندي عرس راني مكسرة بصح معلش راح نكون ضمن الشريرات و نطبق استنايني ههههههههههه

بالتوفيق لبنات

وشكرا جييييييييييييل رديتي لنا الحيوية

sakura be · 2013-06-11, 09:26

مبروووووووووووووووووووووووووووووووووووووووووك التثبيت نتاع ورشتك جيييييييييييل الف الف مبروك بالتوفيق ليكم في العمل ******عجبتني ورشة الشريرات ههههههه *****

لحن الحياة. · 2013-06-11, 12:49

ياااااااااااااااااااااااااا سلااااااااااااااااااااام بديتو تشتغلو ههههههههههههه
مرحبا ام سفيان لبارح برك كنت نسقسي عليك ياك خير انشاء الله لاباس

ilhemaya راني اضفتك مرحبااااااااااا