عيفتني في حياتي - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

إضافة رد
 
أدوات الموضوع انواع عرض الموضوع
قديم 2018-06-17, 08:34   رقم المشاركة : 1
معلومات العضو
مشكلتي
العضوية خاصة
 
إحصائية العضو









افتراضي عيفتني في حياتي

سلام
بعد كل مرة تقيسني فيها أم زوجي نبيض قلبي وروح لدارها ندير الواجب والآن رحت في العيد ورانا نسكنوا بعيد على ولايتها بحوالي 120 كلم
قبلها كان زوجي يبحث عن العمل مدة عام لأنه توقف عن العمل راكم علابالكم الخاص والعمل فيه بعد صبر كبير انتقل أخي للعمل في تلك الولاية ونتم كاين مناصب عمل شاغرة شاف لزوجي وقاله كاين منصب كذا وكذا لكنه أقل شوي من مستواك يعني مثلا هو مهندس والمنصب تقني سامي والشركة تاع الدولة
زوجي فرح وقبل ورانا نحمدوا في ربي والحمد لله خصوصا أنه ارتاح من عمله السابق اللي كان فيه شق يتعاملوا مع البنوك
لا علينا عجوزتي كي سمعت باللي خويا اللي لقاله العمل خاطر أخي تاني انتقل لنفس الولاية ورانا ساكنين نتم البارح سمعتني كلام سيء جدا وقاتلي هذا مش مستوى ولدي وراه يتعب بزاف وهادي مش خدمة يخدمها هبطولو المستوى طولت بالي وشرحتلها كيفاش الخدمة وكيفاش يقدر يطلع في التعيينات عادي لكنها تتكلم معايا بطريقة هجومية كنت رح نهز روحي ونروح وهدا كل زوجي مزال مدخلش للدار لأنه كان يهدر مع جيرانه وانا سبقته وقاتلي نعلبوا اللي يحتاج الناس تسما تلعن في والدينا قولولي يا ناس وش ندير معاها راني حكمت في روحي كنت رح نخلط الدنيا في بعضها
مفهمتش وش درتلها ساعات نخمم تجيني هدرة في رأسي نخليوها ولدها ونروح ندير كلش لوجه الله معاملة واحترام مكانش مقتلتش تحبني طالبة حاجة وحدة تحترمني وقررت منزيدش نروحلها مبقاتش هدرة معاها راني قريب 5'سنين زواج استنفدت كل الطرق عيفتني في الزواج مكنتش حالتها هك كل منسى ونسامح اللي ميطلبوش السماح نزيد تعطيني كف تفطنني
راني بين شعرة الحق والباطل كون نمشي خطوة نولي الشر بذاته لهذا قررت الابتعاد النهائي







 

رد مع اقتباس
مساحة إعلانية

قديم 2018-06-17, 16:24   رقم المشاركة : 2
معلومات العضو
amoulette
عضو مجتهـد
 
إحصائية العضو










افتراضي

بغض النظر عن واش غدقالت ياك تعرفي الحماة و الكنة دايما ما يتفاهموش انت كي تروحي تزوريها تدي اجر و هذه والدة زوجك لازم تحترميها
و انت باححترامك لها تظهرين اخلاقك و تربيتك و ان والديك احسنا تربيتك فلا تتخلي عن مبادئك في لحظة غضب وملاحظة ههه كي قاتلك نعلبو الي يحتاج للناس راهي تعاير في ولدها هههه ثم ان ولدها ليس بطفل اجبره اخوك على العمل عنده فعلا غريب تفكير هذه المرأة و لكن تأكدي ان كل ما في الامر هو غيرة فهي تعتبرك اخذت منها ابنها







رد مع اقتباس
قديم 2018-06-17, 21:55   رقم المشاركة : 3
معلومات العضو
ابو سليمان10
عضو فعّال
 
إحصائية العضو










افتراضي

120 كلم يعني لن تلتقيا كثيرا...بما انه لا مشاكل بينكي و بين زوجك....احتملي الامر....







رد مع اقتباس
قديم 2018-06-17, 23:57   رقم المشاركة : 4
معلومات العضو
نبض قلبي
مؤهّل منتديات التّرفيه و التّسلية
 
إحصائية العضو










افتراضي

اختي مادام انت و زوجك عادي عايشين بدون مشاكل لاه ديري راسك براسها هيا تهدر و انت قوليلها اووكي نلقاولها حل
قوليلها هيه عندك حق و خليها
اول حاجة راها ام زوجك و ماعندك ماديريلها
ثاني حاجة موش راح تخربي عشك كيما يقولو بسببها و الاهم انك عايشة بعيدة عليها يعني ماكان حتى حرج
كي تهدر خليها تهدر ياخي الهدرة باطل
ظالمة موش ظالمة حاجتها و تتحاسب عليها عند ربي هذي هيا
ربي يعينك ان شاء الله







رد مع اقتباس
قديم 2018-06-18, 07:29   رقم المشاركة : 5
معلومات العضو
survivor-Dz
عضو مشارك
 
إحصائية العضو










افتراضي

مرة في الزمان ما فيها والو ...هذذى يسموها بهارات الزواج ،نتي حابة تعيشي حياتك دايما في هدوء ؟؟ لازم مرة على مرة تذوقيي المرار هههههه
ومهما كان هذي أمه اتحمليها على خاطر زوجك







رد مع اقتباس
قديم 2018-06-18, 10:16   رقم المشاركة : 6
معلومات العضو
رندة.
عضو مميّز
 
إحصائية العضو










افتراضي

عجوزتك كانت متمنية تكونو ساكنين معاها أو على الأقل في نفس المدينة تاعها، والكلام إلي تقول فيه ليك مجرد فضفضة عن مكبوتاتها ماتعيريه حتى إهتمام، اسمعي واسكتي راهي تهدر برك وماذابيها يكون ولدها مرتاح ومتهني، كبرّي بالك وأصبري عليها مهما قالت خاصة أنك تروحيلها ضيفة فقط، أمالا دايما خلّي وراك أثر طيب وما تسمعّيها حتى كلمة تزّعفها ولا تقلقها وهي راح تقدرّلك الشيء هذا. ربي يوفقك ويسعدك ان شاء الله.






رد مع اقتباس
قديم 2018-06-18, 10:47   رقم المشاركة : 7
معلومات العضو
فاصلة
عضو مميّز
 
الصورة الرمزية فاصلة
 

 

 
إحصائية العضو










افتراضي

يا أختي عامليها بالحسنى وخلي ربي بيناتكم. تهدر وما دير والو بما أنك تسكني بعيد عليها وما تزوريهاش بزاف علاش تعمري راسك . كاين لي يندمو من بعد لي تفرقهم الموت. أنا عن نفسي ندمت بزاف كنت ندافع على روحي ونهدر على حقي زكي ماتت عجوزتي تمنيت الأيام ترجع ومدير فيها الخير وهي ما عليش تظلمني ونسامحها مع العلم أني ما ظلمتهاش. الله يرحمها . ديري الخير ويجب نهار وتستعرف بيك وتشوفك الإنسانة الطيبة المسامحة الكريمة .







رد مع اقتباس
قديم 2018-06-18, 18:00   رقم المشاركة : 8
معلومات العضو
سيرين راجي
عضو مشارك
 
إحصائية العضو










افتراضي

في الحقيقة هذي المشاكل في كل البيوت الا قليل ربي يصلح الاحوال







رد مع اقتباس
قديم 2018-06-18, 18:45   رقم المشاركة : 9
معلومات العضو
*** عبق الزهور ***
عضو مميّز
 
الصورة الرمزية *** عبق الزهور ***
 

 

 
إحصائية العضو










افتراضي

في رايي اقتليها بالبارد يعني ماتقابحيهاش وتوصليهاش لا بحركة ولا بكلمة خليها تهدر وتعبر وتشعر كيما تحب وانت طنش تعش فتنتعش
اكسبي راجلك وطيعيه وهي ليها لي يتولاها واش راهي دير يجيبلها ربي لي يديرلها فيها والا في بناتها
ربي معاك اخية







رد مع اقتباس
قديم 2018-06-22, 11:03   رقم المشاركة : 10
معلومات العضو
123boutheina
عضو نشيط
 
الصورة الرمزية 123boutheina
 

 

 
إحصائية العضو










افتراضي

وعليكم السلام
ما تقصيلها ما تبرريلها بزاف ما دخلي روحك فمتاهه وتجيبي الكلام والوجع لراسك







رد مع اقتباس
قديم 2018-06-24, 10:52   رقم المشاركة : 11
معلومات العضو
مومي23
عضو مميّز
 
إحصائية العضو










افتراضي

ماهذا التفكير يا اختي المشكلة فيك انتي مش فيها هي
دعها تتكلم بما تريد المهم انت و زوجك متفاهمين روحيلها على خاطر زوجك قومي بالواجب وروحي للدارك قالت كلام مليح او سيئ لا تتكلمي امام زوجك
و كيف تبنينا بيتك يا اختي هل تريدين الحياة وردية لا مشكل ابدا

هي راهي مش دايمة احنا والدين راهم في القبر الدوام لله







رد مع اقتباس
قديم 2018-06-24, 14:17   رقم المشاركة : 12
معلومات العضو
بيسة26
عضو مميّز
 
الصورة الرمزية بيسة26
 

 

 
إحصائية العضو










افتراضي

ربي معاك و شكرا







رد مع اقتباس
قديم 2018-09-08, 23:15   رقم المشاركة : 13
معلومات العضو
soz soz
عضو جديد
 
إحصائية العضو










افتراضي

انا نشوف مهوش سبب يخليك تروحي وتخلي زوجك وبيتك وثم من وكتاه لقيتي لعجوزة ساكتة الا من رحم ربي الا ماش شغل الدار تحواس ولا مش تحواس تقلك بعدتي ولدي عليا وووووو مهم
مديريش على كلامها (متدمريش بيتك ) حاولي التحكم في اعصابك اختي







رد مع اقتباس
قديم 2018-09-26, 09:02   رقم المشاركة : 14
معلومات العضو
عادل عبد الله
عضو مميّز
 
إحصائية العضو










افتراضي

اختي انصحك بأن تتجاهلي كلامها بالعامية متعمريش راسك بيها ساعفيها ، لأنك لن تستفيدي اي شيئ من هذا غير أن ترهقين نفسك وتفكيرك ، هذا هو الحل الأنسب وهو تجاهل كلماتها المؤذية .






رد مع اقتباس
قديم 2018-09-30, 12:29   رقم المشاركة : 15
معلومات العضو
نهال 12
عضو جديد
 
إحصائية العضو










افتراضي

ربي يصبرك ويأخد بيدك







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 21:53

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2018 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc