دزيريات على شكل marguerittes خطوة خطوة

[fella food art]

واش راكم توحشتكم بزاف اسمحولي طولت عليكم كنت مشغولة بزااااااااااااف
بزاف لي طلبو هادي الوصفة اسمحولي كي طولت عليكم

المقادير:

العجينة:
*4كيلات فرينة
*1كيلا ايدام (سمن و زبدة)
*1حبة بيض
*قرصة ملح
*1ملعقة صغيرة لافاني
*ماء و ماء الزهر

الحشو.....la farce
*3كيلات لوز بيض مرحي رقييييق و مصير في الصيار رقم 14 ولا 16
*1كيلا سكر نص سكر عادي و نص سكر تسكار
*بيض حسب اللازم
*لافاني
*zest de citron .......قشور القارص

الشاربات
*1كيلو سكر
*3كيسان ماء
*قد حبة تع الحميصة شب و لا برج قارص

طريقة التحضير


************************************************** ************************************************** ********

كيلت بهادا

1تدوبي الزبدة و السمن و تكيلي كيلا و خليه يدفا شوية



2 ديري 4كيلات فرينة صيريهم بالصيار


3هاديك القرصة تع الملح دوبوها في شوية ماء حتى تدوب كامل باش كي تحلو لعجينة في المشينة ماتنثقبش




وجدوهم هكدا من بعد ابداو تخدمو في العجينة


1الفرينة+لافاني

+الايدام


دخلي مليح الايدام بيدك

+حبة البيض

+الملح لي مدوب في شوية ماء

و بلي بالاماء الزهر و الماء حتى تنطم العجينة


غطيها بشكارة و خليها تريح ....................مسكينة عيات ههههههههه انا لي نريح ماشي هيا mdr


دوكا الحشو

ارحي اللوز رقيييييييق

من بعد صيريه انا عندي صيار رقم 16

شوفو يلزم يكون رقيق

كيلو 3 كيلات لوز

من بعد 1 كيلا سكر نص كيلا سكر عادي

و نص كيلا سكر تسكار

من بعد قشور القارص ( zest) و لافاني

خلطي المكونات الجافة ملييييييييح

من بعد ابداي تبلي بالبيض بشوية حتى ينطم اللوز يولي كي لعجينة


ديريها في شكارة تريح

كي تخليوها تريح جي فوووووووور انا نبلهم فليل و نخدمهم غد من داك و لا نبلهم الصباح و نخدمهم لعشيا كاين فرق كبير لوكان ماتخليوهمش يريحو مايجيوش بنان كيما الي مريحين و الله انا جربتها

من بعد كيلي بالباطة تع لافاني باش يجيو علا حبة ماكاااااااش لي معندهاش باينا بوووووه



اها هادي المرحلة ماصورتهاش نسيتها بوه عليا
حلي العجينة في الماشينة تع الرشتة في الاول حليها 2 مرات في رقم 4 من بعد زيدي حليها مرة و حدة في رقم 7
و قطعي دوائر و حطيهم في لي موال تع الدزيريات



من بعد............خلي الصور تحكيلكم


بالبوشونة تع الماء



ديري حبة لوز دخليها ملييييييح في الوسط


كاين لي يدير 4

و كاين تع 5

كاين لي يدير 6 كل واحد واش يحب انا نحب الساهلة و الشابة تع 4

************************************************** *************************
دخليهم يطيبو في فرن متوسط الحرارة و يكون مسخن مسبقا كي يحمارو نحيهم من الكوشة
غير تنحيهم ارميهم في الشربات تكوم باردة و هما سخونين و لا العكس هما باردين و الشربات سخونة

كي تشربيهم اثقبيهم من تحت شوية باش يشربو مليح يجيو مشربين الله الله ووووووووووووواو وحد البنة بزاااااااااااااااف امممممممممممممممممممم
خليهم في الشربات حوالي 5 دقايق يلزم يكونو مشربين


من بعد خليهم يقطرو


و شهية طيبة ..................ان شاء الله تكونو فهمتو

bye bye

الدرس السابق :https://www.djelfa.info/vb/showthread.php?t=1148243

[*بيتي مملكتي*]

عودة ميمونة عزيزتي
إن شاء الله اللي حكمك علينا خير كثير ليك و لعايلتك

الشكل رااااااااااااااااائع يعطيك ألف صحة عزيزتي

[hadjer mascara]

قطو في قمة روعة تسلم ايادي من فضلك و[FONT="Arial Black"][/FONT]صفة

[ام ولي]

بارك الله فيك في الانتظار

[fella food art]

المشاركة الأصلية كتبت بواسطة hadjer mascara

قطو في قمة روعة تسلم ايادي من فضلك و[font="arial black"][/font]صفة

راهي في الطريق

[zeyyan]

[أمـــــــــــــــيرة]

السّلام عليكم

بارك الله فيك أعمالك روعة

بالإنتظار

[faizarbh]

يعطيك الصحة فلة جاوك يهبلو ما شاء الله راني نستنى في لا سويت

[alison dilaurentis]

سلام
واخيراا عدتي اختي والله المنتدى بلا بيك سامط وماشي فوور خلاص ههه

متزيديش طولي علينا بليييز حنونتي

[fella food art]

شكرا لكي اختي ♥

[fella food art]

راني كملت جوزوووووووووووووووو

[نسيم التفائل]

بارك الله فيك

سلمت على الموضوع الجميل

[زليخة بنت الحاج]

شكرا اخت فلة و اخيرا رجعتي انا سجلت في المنتدى علا جالك شكرا الوصفة باهية

[rafik abdo]

يعطيك الصحة يا اختي فللة

[fella food art]

المشاركة الأصلية كتبت بواسطة نسيم التفائل

بارك الله فيك

سلمت على الموضوع الجميل

المشاركة الأصلية كتبت بواسطة زليخة بنت الحاج

شكرا اخت فلة و اخيرا رجعتي انا سجلت في المنتدى علا جالك شكرا الوصفة باهية

شكرا جزيلااااااااا