مشكلتي

[مشكلتي]

بغيت نسولكم
لبارح خطبني شخص وحالني نبطل خدمتي زنا مبدئيا عاجبني بصح لقيت معارضة من اهليوصاحلاتي شعل درت جريمة
هل هذا الامر مقبول ولا نا متالية زيادة

السؤال 2،
هل لمرا من تتزوج لازم تحبس مواقع تواصل اجتماعي ولا عاديي

[محارب الحمق]

حسب ما فهمت من مشكلتك الغير واضحة انه أعجبك شخص بطال و أهلك رفضوه. إذا رفض الولي فهو لمصلحتك ولاداعي لعصيانه لمجرد اعجاب اعتراك. اما بخصوص الفيسبوك, هذا الّأسبوع فقط سمعت عن احداهن تطلقت وهي حامل ولها ثلاث أولاد لا لشيء الا لأن زوجها اكتشف أن أحدهم أرسل لها رسالة بالفيسبوك وهي ردت عليه (قالتلوا أنا متزوجة وعندي دراري) وهو رجعلها (هاك النمرو).... الزوج طلقها على الفور وساندته عائلتها (معهم حق)

[toulay]

السلام عليكم
مفهمتش انا علاش يروحوا يخطبوا المراة العاملة ويشرطوا عليها تحبس خدمتها كان من الاحسن يروح يخطب وحدة ماكثة بالبيت وفرات بما انه راهو allergique للمراة العاملة
في ميزك انت هذا السيد يستاهل ضحي بخدمتك على جاله
يا اختي قرايتك وخدمتك هوما سلاحك متدريش واش مخبي وكيما يقولوا الاحتياط واجب
وصحا اهلك علاش رافضين واش السبب هل كاين سبب مقنع ولا رافضين من اجل الرفض وفقط
واش نقولك اهلك ساعفهم لانهم يحبولك الخير وتاني صلي استخارة وان شاء الله خير
وفيما يخص السؤال الاخر هل ياترى الرجل مين يتزوج يحبس الفاايسبوك تبانلي يزيد يولي مدمن عليه اكثر
شغل عليه حلال وعلى المراة حرام
يانساء ربي يعيشكم مكلاه تقدموا تنازلات لانو اذا تنازلتوا مرة راح تبقوا حياتكم كاملة وانتم تتنازلوا وانتم ماجايبين خبر
عندك شروط عندو شروط تفاهمتوا اللهم بارك متفاهمتوش ربي يعوضكم ومشي نهاية العالم
بالتوفيق

[رندة.]

ماقُلتيلناش علاه أهلك رافضين هذا الخاطب؟؟
بالنسبة لمواقع التواصل بعد الزواج، أصلا كي تتزوجي مايكونش عندك الوقت لمواقع التواصل لأنو راح تزيد مسؤولياتك تدريجيا خاصة مع قدوم الأبناء.

[محمد جديدي التبسي]

الأمر مقبول هو لم يضع سكينا في رقبتك لتتوقفي عن العمل
انت مخيرة بين قبول شرطه او رفضه
مواقع التواصل بعد الزواج لا تختلف عما قبله المهم مراعاة الحلال والحرام
وترتيب الأولويات فالمتزوجة لديها مسؤوليات أكثر من العازبة.

[الفتاة السعيدة]

اختي.هل.هذا.رجل.على.قدر.المسوليه حتى.تخلي.خدمتك.على.خاطرها.صلي.صلاه استخارة

[زهرة جوري]

اتقيو الله لاه معظمين مواقع التواصل الاجتماعي

[سفير الأيام]

انت حرة في صنع مستقبلك اما موقع التواصل الاجتماعي بالنسبة لي لا اقبل استعماله بعد الزواج ولا اسمح لزوجتي باستعماله لانه اكبر باب يدخل منه الشيطان وكل شخص ورايه يحترم اعلم ان الصالحة تبقى صالحة ولو ادخلتها في مليون دئب لكن علينا تجنب الشبهات

[عثمان الجزائري.]

أولا أختي حكاية العمل هو سلاحك و بلابلابلا هي حكاية فارغة فسلاحك هو ديبلومك نهار دور الدنيا تقدري تخدمي بيه الباقي كل فارغات، أما إذا كنت ممن رزقهن الله القناعة و تقدم من ترضون دينه و خلقه فتزوجي، في أيامنا هذه أصبح داء كلب المال منتشر كثيرا عافانا الله و إياك، مواقع التواصل الإجتماعي إبتلاء كبير و مضيعة للوقت كنت عزباء أو متزوجة.

[zalatan]

عادي
هذه الأيام أعجبتني فتاة سأتقدم إليها إن شاء الله وأشترط عليها التوقف على العمل
بالنسبة لمواقع التواصل الاجتماعي لا ارى حرجا في استعماله بعد الزواج

[blanche rose]

تعجبني ردود اختي
Toulay
تبرد القلب👍

تتنازلي على خدمتك لاجل ماذا؟!!!
لاجل الزواج؟!!!
الزواج شيء مقدس نعم.. لكن من كثر حالات الطلاق اللي راني نشوف فيهم..
نخبرك انو في بلادنا الزواج لم يعد مقدس الا عند القلة القليلة جدا..
والاغلبية مش محتاجين زوجة..محتاجين خادمة لاهاليهم..
خادمة ببلاش..
وكيما قالت اختي toulay ما تتنازليش بزاف الا عند الضرورة
وراني طرحت موضوع فالقسم الخاص بالنساء فقط
شوفيه..
لانك كل ما تنازلتي تحطم قلبك..
وكي تلقاي المعاملة بالعكس رايحة تنصدمي..
اي شخص تعوديه على التنازلات ..يعتبرها من حقو وهو اللي وصل مجتمعنا للحالة اللي رانا فيها..
التنازل لازم يكون من الطرفين..ماشي من طرف فقط..
اذا عجبتيه صح..يتمسك بيك خدامة او لا..
واذا كيما انت كيما غيرك بالنسبة ليه..رايح يروح لغيرك..
لا
والغريب..
عجبتيه خدامة..
وحابك تقعدي فالدار؟!!
المفروض كيما عجبتيه يتقبلك..ما يبدلكش..
سينو يروح للقاعدات فالدار وخلاص كيما قالت اختي toulay
الا خدمتك..
ممنوع التفريط بها..
كوني جوهرة يتمناوك الرجال كامل..
وما تتنازليش باش تتزوجي وفقط
ربي يسعدك