البوراااااااااااااااااااااااااااااااااك من مطبخي بطريقتي الخاصة

kakinova · 2013-01-16, 15:55

بسم الله الرحمن الرحيم

هادي طريقتي الخاصة فالبوراك ما نحبش البصلة فالبوراك تجي ثقيلة و ميدمة و بدل ما نعمل البطاطا وحدها نخلط بطاطا و روز حتى ما تجيش ثقيلة كيما البطاطا وحدها
البوراك نتاعي ماكانش لي ما يحبوش و كون الواحد ياكل 10 حبات منو ما يتخم ما يشبع لا خاطر بيييييين و خفييييييييييييييف

المقادير :

2 حبات بطاطا مقشرة و مغلية في ماء سخون مملح ثم تصفى جيدا و تتهرس مع نصف ملعقة طماطم مصبرة

كاس روز متوسط يغلى في ماء سخون مع كمية مليحة من الملح لما يغلي الماء نحركوه جيدا ثم ننقص النار و نخليه يطيب في راحتو حتى يطيب مليح و تبقا كل حبة وحدها , لما يطيب نصفيوه و نشللوه بكاس ماء بارد و نخليوه يقطر

كمشة زيتون اخضر مقطع رقيق
بيضة واحدة
لحم مرحي نقليوه في شوية زيت مع فلفل اسود و ملح على نار قوية باه تغير لونو بسرعة و ما يطلقش الماء و اللحم المرحي على قد ما طوليلو الطياب يولي قاسي

جبن طري
و الباقي بالشرح مع الصور

نضيف البيضة للمكونات السابقة

نخلط المقادير مع بعض و شوف لا خاصها ملح نزيد

الخطفة نلفها على بعضها و نقسم فالمنتصف

ندهن الحاشية بشوية جبن و نطبق الحاشية الدائرية

نحط ملعقة كبيرة فقط من الحشو و فوقها الجبن و نغلق و ننلف بشكل مثلث

هاذي الحبة لما نخلصو شكلها مثلث

و نكمل بنف الطريقة حتى نكمل جميع الكمية و نبدا فالقلي

نحط الزيت في مقلاة و نخليه يسخن ثم نضع الحبات لازم الزيت يغطيها حتى يطيبو لحواشي مليح و نقليها على نار قوية لأنو كلشي طايب و البيضة راح تطهى بفعل الحرارة العالية

من جهة اخرى نحضر صفاية و نغطيها بورق ماص لمص الزيت الزائد

لما تتحمر من الاسفل قليلا نقلبها على الوجه الاخر حتى تطهى متساوية و مرة على مرة نقلبها حتى تطهى ذهبية محمرة و يكون لونها جميل

نحوها من المقلة مباشرة فوق الورق حتى يمتص الزيت الزائد ثم نقدمه

هاذا البوراك واجد اممممممممممممم الريحة تهبل و القرررررررررررررمشة

هاذا ليك اختي nousa 06 بصحتك

دعوة خيييييييييييييييييييرإذا عجبكم خخخخخخ و 2 دعوات خير إذا ما عجبكمش

كوزينة هديل · 2013-01-16, 17:04

merci a toi ma soeur

أم ياسين الزهراء · 2013-01-16, 17:31

ياسيدي دبرتيها ديتي مني 2 دعوات هههههههههههههههه راني نتمسخر معاك حنونة يعطيك الصحة حتى انا نحب الشكل المثلث بصح نقلك الصح مليت من البوراك هبلوني ولادي بيه ييييييييييييييييييييييييييييي واذا شافو موضوعك راح يهبلونيييييييييييييييييييييييييييييييييي كثر واكثر ييييييييييييييييييييييييييييييييي يعطيك الصحة

شلال فرح · 2013-01-16, 17:33

يعطيك الصحة الله يبارك

انا اول مرة نشوف بوراك بالروز

شلال فرح · 2013-01-16, 17:42

يعطيك الصحة الله يبارك

انا اول مرة نشوف بوراك بالروز

kakinova · 2013-01-16, 18:04

اقتباس:

المشاركة الأصلية كتبت بواسطة كوزينة هديل

merci a toi ma soeur

العفو اختي شكرا لمرورك

miri_27 · 2013-01-16, 18:08

ربي يبارك فيك أولا و ربي يخليك ثانيا و ربي يحفظلك صحتك ثالثا بزاف و لا أنزيد ندعيلك ههههههه ايا الرابعة خليها في قلبي هههههههههه تحياتي يالشاطرة

kakinova · 2013-01-16, 18:13

اقتباس:

المشاركة الأصلية كتبت بواسطة شلال فرح

يعطيك الصحة الله يبارك

انا اول مرة نشوف بوراك بالروز

الله يسلمك اختي

كل واحد كيفاش يحبو انا جربت الروز في مكان البطاطا الخفيف و الذوق احسن

انا ما نحبش خلاااااااااااااااااااااص بوراك البطاطا و تبقى مسألة ذوق

kakinova · 2013-01-16, 18:24

اقتباس:

المشاركة الأصلية كتبت بواسطة أم ياسين الزهراء

ياسيدي دبرتيها ديتي مني 2 دعوات هههههههههههههههه راني نتمسخر معاك حنونة يعطيك الصحة حتى انا نحب الشكل المثلث بصح نقلك الصح مليت من البوراك هبلوني ولادي بيه ييييييييييييييييييييييييييييي واذا شافو موضوعك راح يهبلونيييييييييييييييييييييييييييييييييي كثر واكثر ييييييييييييييييييييييييييييييييي يعطيك الصحة

خخخخخخخخخخخخ و زيديلي وحدة ربي يرزقني حتى انا طفل نسميه ياسين

الله يسلمك لعزيزة

نظن غير البوراك و البتزا و البرغر لي ما يتملوش

انا عائلتي تكره العجائن و تكره المراقي بزاف لازم الواحد ينوع

خليهم يشوفو خخخخخخخخخ علاه خسارة فيهم مساكن يغيظو لولاد غير ياكلو برك

faizarbh · 2013-01-16, 18:32

مممممممممممممممممممممم الله يبارك تحفة و وين راه حقي ؟
ربي يعطيك الصحة وواش تتمناي و تنجحي في حياتك و ان شاء الله ربي ينولك اللي فبالك
ايا راني دعيتلك بعثيلي البوراك هههههههههههههه