احتاج مساعدة وخاصة صانعات الحلويات

TOFNINE · 2015-10-02, 08:40

اريد مقادير قاطو كرات الثلج
حابة وصفة تكون مضمونة لعرس حبيبة ليا
وسؤال اخر ندير طلية بيضاء بالبيض احسن تكون هشيشة او طلية السكر الناعم وماء الزهر والليمون
انتظر مساعدتكن على احر من الجمر راني معولة غير نلقا جواب نبدا فيه
وسؤال ايضا واش ممكن نزيد فيه كراميل من اجل انكهة

Oum Habouba · 2015-10-02, 09:44

سلام اختي قاطو كرات الثلج الي تحوسي عليه وينه مرمد في الشوكولا البيضا ولا نوات كوكو ولا القلاصاج
بالنسبة للقلاصاج اختي نتاع السكر والليم والمء الزهرو الشربااااات الي هي سر بقاء القلاصاج طري بالتوفيق

TOFNINE · 2015-10-02, 10:34

ممكن اختي تعطيني وصفة الكلاساج نتاع الشاربات
بالنسبة لكرات الثلج اريد كرات تترمد بالكلاساج ومن بعد الواد كوكو وشكرا لك على الرد

Oum Habouba · 2015-10-02, 14:05

شوفي اختي هدي الوصفة نتاع القاطو راه ناجح انا نديره250دهان من الاحسن صول+كاس زيت +كاس سكر عادي+2صفار بيض+حبة بيض كاملة+شكارة خمارة +لفاني قوي منها نتاع الغبرة فرينة حتى تتلم
تتحصلي على عجينة ديريها دي بول كيما تبغي في الحجم دخليها تطيب كي تشوفيها تشققت اعرفي بلي نجحتلك
خلاص ونتي كملي شتا راكي باغية تديري
الالقلاصاج ملعقة كبيرة بياض البيض مع ملعقة ك ماء الزهر مع م ك عصير ليمون معكاس اتاي شربات ولمي بالسكر الرطب وضيفي ملون اللي تبغي
بالتوفيق دعوة منك تكفيني

TOFNINE · 2015-10-02, 15:32

شكرا لك على المساعدة بدات في التحضير الان وكي نكمل نقولك على واش تحصلت

raboha · 2015-10-02, 22:23

ختي عندي وصفة غير بالنواة كوكو و تجي تهبل
2 كيلات نواة كوكو
1 كيلة لحظة (حليب غبرة)
نصف كيلة سكر رطب
البيض مكاش عبر لخطرش خطرة ديري حبة كاملة خطرة الصفار فقط
نصف باكي خمارة قاطو
ارحي النواة كوكو مع السكر ميش بزاف غير شوية ثم ضفي السكر و الخمارة و البيض كيما قتلك خطرة حبة كاملة طرة الصفار برك حتى تتلم العجينة
ديري كرات بحجم حبة الجوز أنا نحبهم كبار تقدري تصغريهم ثم طيبيه ملزمش يطول فالفرن كي يطيب خليه يبرد
أنا نطليه فالشيكولا البيضاء لخطرش بنينة ثم نرمدو فالنواة كوكو
هذي وصفتي نتمنى تعجبك