قراتان البسباس

[Oum yousra]

مساءالخير هاذي ثاني مشاركة حبيت نحطلكم طريقتي في قراتان البسباس امممممم انا نحبها و كل واحد و ذوقو نبداو على براكة الله أولا نعطيكم طريقتي في لاصوص بلونش لأني مانحبش نحط اللحم مع البصل ونقلي ماتجينيش بنينة انا دائماً نحمر ساع اللحم أو الدجاج كيما الروطي نتاع الكوكوت و من بعد نحط البصل و باقي التوابل نقلي امليح ومن بعد نمرق و ندير كفتة او طاجين الزيتون او جلبان او اي طاجين بصوص بلونش تجئ روعة . و قراتان البسباس يجئ بالدجاج نحمرو امليح ومن بعد نحط البصل مقطع رقيق ماترحيهش مايبانش من بعد نقليه امليح و نزيد الثوم و الدبشة و الملح و الفلفل أكحل ماتحطيش راس الحانوت مايجيش بنين و زيدي قليه امليح و ضيفيلو شويا ماء ماشي بزاف خاطر البسباس راهو يطلق الماء و حطي البسباس مقطع بحيث الماء مايغطيش البسباس كيما في الصورة و حطيه يطيب .منبعد صفيه وقطريه أمليح و فتتي الدجاج خلطيه معاه و حطيه في البلا و خلطي البيض 4 أو 5 على حسب الكمية الي عندك و زيديلهم شويا صوص و صبي هم فوق البسباس و كاينة حاجة أخرى حابة نوريهالكم هي كي ديري ليقراتان الي بالبيض ديما زيدي خلطي حبة بيض في الأخير مع شويا دبشة و مشيها غير بالفرشيطة يجئ شباب من فوق هاذا الي ماعندوش الفروماج رابي ولا مايحبوش كيما بنتي الصغيرة هي و خوها الصغير مايحبوش الفورماج كي نخرجو من الفور نص نديرلو الفروماج و نص لالا و نخليكم مع الصور نتمنى نكون قدرت نشرح لكم. . . . . . . . . . . . . . . . . . . . . . . . . .

[رزان.]

يعطيك الصحة
بارك الله فيك

[أم تسنيم 2017]

مممممممممممممممممممممممم جزاكي الله كل خير

[touta2010]

مممممم. روعة. يسمي. يسلمو.

[ome loudjeine]

يعطيك الصحة روعة.

اممممممممممممممممم هاااااااايل روووووووووووووووووعة بوركتي على الوصفة حبيبتي ام يسرى وتاني افكارك يسلموووووووووو

[wahibaazel]

نموت على البسباس، ربي يحفظك روووووووووووووعة

[omaymen]

ممممممم هايل يعطيك الصحة
احسن تقييم من عندي

[مرام 1987]

واااااااااااااو روووووووووووووووعة رووووووووووووووعة سوغتو كي عادت ما فيهاش بيشاميل هاااااااااااااايلة والفروماج من فوق زاد فيها بالنص
بارك الله فيك حنونة ودمتي متألقة في أطباقك ومواضيعك
يسلمووووووو
لا إله إلا الله سبحانك أنِّي كنت من الظالمين

[تنهنان تي تي]

444444444444444444444444444

[أم ماجد]

اممممممممممممممممممم ماشاء الله
نحب البسباس رغم انه عائلتي ماتحبوش لكم نديرو ليا اممممممممممممممممممم

[ام الهضاب]

اممممم انا ثاني نحب البسباس صحي و بنين و القراتان خرج روووووووووعة يعطيك ما تتمناااااي يا أحلى ام يسرى في العالم

[أم ريمة*]

ما شاء الله لقراتان جاك يشهى وشكرا على المعلومة فى ميزان حسناتك امين

[maryouma46]

يعطيك الصحة باسن فيه بنين فكرة جديدة للبسباس

[Oum yousra]

شكرًا و ألف شكر لكن حبيبات قلبي و أخواتي والله فرحتوني بردودكم هاذا من لطفكم و لباقتكم ربي يحفظكم حنونات