صعوبة الفطام

[omseheil]

طفلي تجاوز السنتين ولكن عجزت عن فطامه ما العمل المشكل ان الفطام صعب علي انا ايضا هل لكن تجارب كسف تتعاملين معه

[sousourose]

Salam alikom khti andek lhak houwa s3iib chwiya mais lazem dirai courage ana ftamt benti ki kanet 8 mois wallah tabka tabki WMA na3tihach sadri na3tiha biberon mathablich wwalit khayfa 3liiha kachma yasralha goult nzid nosbor wakhlaas walit nhatamlha biberon hiya tabki wana nabki wahd 4 jour hakdek bdaat tanssa wenti waldek rah kbir rabi barek hawli tlahih wkoul ma ygoulek diri rouhek machi fahmatou wlahih bhaja okhra wrabi ykadrek

[ariija7lam]

ماتفطميش مباشرة بالتدريج قطعي رضاعة اﻷيل ثم في النهار بداي تنقصي حتى تفطمي نهائ و ربي معاك حتى انت غادية تعاني لكن راجعي طبيبة تمدلك وصفة لتجاوز الالم و تنشيف الحليب

[om romaissa]

الله يكون في عونك

[أم عبد الكريم]

اختي نحكيلك التجربة نتاعي
فطمت ى بنتي كان عندها 11 شهر والله لم ارد ذلك لكن كنت حامل كان يجب علي...
أولا نحيتلها الرضاعة في النهار و كنت نرجعلها في الليل و استعملت الحنة على صدري
كنت نرضعها في الليل لمدة أسبوع من بعد نحيتلها ايضا في الليل كي تنوض نعطيلها البنان لأنها كانت تحبوا و كانت تبكي بغات صدري ندير فيه الحنة و نعطيهولها و تبكي مسكينة بشدة و كنت نهزها انا و باباها حتان تسكت ر و والفت و بقات مدة تنوض لي في الليل كنت نعيطلها تفاحة أو بنانة لأنها مبغاتش ترضع البيبرون و في النهار نعطيلها الحليب بالمغرف حتان تعودت على كأسها
انا تألمت ليوم واحد فقط و درت دوش ساخن كمدت فيه صدري باش يخرج الحليب الزائد والحمد لله

[ام سنونو]

السلام عليكم و صحا رمضانكم الفطام صعيب عليك و علي الصغير انا عانيت كذالك مع الفطام والان الحمد لله إبني عندو 20 شهرا وكان متمسك بالرضاعة بزاف و خاصة في الليل بديت نقصلو في النهار لمدة اسبوع ثم نحيتهالو كامل مدة 3ايام كنت نمسحها بالقطران وكي يشم الريحة يعافها و ينوض يبكي المهم الصبر وفي اليوم الثالث في الليل عطيتلو و هو راقد يرضع حتى شبع و منبعد خلاص هو نساها و انا تنفست من هذاك الضغط لى كنت فيه و رايحا تسوفري معاه في الليل مدة اسبوع و يوالف إنشاء الله الصبر ثم الصبر وربي يكون معاك انا ثاني ما جيت ندير الكوراج غير بالسيف و اليوم الحمد لله اخذت هذه التجربة من نساء نتاع بكري قاتلي يما عليها بالتوفيق

[REMIL INSTUM]

السلام عليكم اولا اختي الفطام في الصيف لازم تكتريلو السوائل بزاف وكي تجي تفطميه فطميه بالتدريج يعني غير بالعقل مثلا رضعيه مرة في الصباح ومرة في المساء يامات ثم مرة وحدة في اليوم ثم يوم بيوم هكا الطفل يوالف وانتي مايضركش الحليب راح ينشفلك بشوي وهذه عن تجربة مني وربي يكون في عونك