وصفة مغايرة بعد تجاربي في قلب اللوز

fatimazahra09 · 2014-05-27, 19:56

خلاصي بوصفة مغايرة بعد تجاربي في تطبيق قلب اللوز
السلام عليكم .....هاذي قصتي مع قلب اللوز ...........................
[IMG]https://www.djelfa.info/vb/attachment...7&d=1401224364[/IMG]
بعد تجريبتي الكثيرة في تحضير قلب اللوز كيما يبغي الخاطر وصلت لخلاصة واحدة تشمل شوية شوية من كل وصفة قريتها في هذا المنتدى ...وكيما نقولو قطفت من كل بستان زهرة ... والحمد لله و الشكر لله ...بفضله و عونه والاخوات بوصفاتهم الشخصية ولي عاونوني بزاف تنحاتلي حمى قلب اللوووووووووووووووز ......
المهم نبداو بالمقادير وطريقة التحضير مع بعض
نبداو بالشاربات باش تبردلنا
نحطو في قدرة 3 كيسان سكر مع 6 كيسان ماء ( كي وزنت السكر لقيتو 500 غ والماء 1 لتر و 5 سل اي 50ملل مقدار كاس نتاع شاي صغير )يغلو نحسبلهم 10 دقائق من الوقت لبدا فيه الشاربات يغلي ولا 15 د من الوقت لشعلتي عليه النار...كي يطيب واطفي زيدي مقدار ملعقة صغيرة عطر ماء الزهر و نخلوه بجهة يبرد .....كي يبرد ديريه في قارورة فارغة بالطبع نتاع ماء سعيدة باش تسهل علينا عملية التشراب و لا كان بغيتي اثقبي البوشون نتاع القارورة باش تروزيه مليه ...كيما هاكذا يسقيوه برى في المحلات
https://www.djelfa.info/vb/attachment...4&d=1401141303
https://www.djelfa.info/vb/attachment...6&d=1401141525
[
العجينة
حطيت في القصعة 1 كلغ سميد هدا لراهو في الصورة لاني في اول تجاربي كنت نخدم بالسميد الخاص بقلب اللوز ..راهو يجي اسمر وخشين بزاف ...بالنسبة ليا كان عاجبني ( في حياتي ما صلحتلي وصفة نتاع قلب اللوز .....كنت حاملة السميد في خاطر الطراوة نتاعو من بعد كي يطيب ...علابالكم...)
المهم نزيد على السميد 500 غ سكر و ملعقة صغيرة فاني نتاع الميزان و قرصة ملح ...و نخلط من بعد نعبر مقدار6 OZ زيت قريب مقدار 100غ بالعبار لتعبري بيه الفرينة ...
ونفرغو في القصعة ونزيد مقدار 25 سل لبن = تساوي 250ملل = ربع لتر . ونخلط برك بالاصابع ...مانعجنوش ونزيد مقدار 5 سل ماءيعني 50 ملل و نخلطو مع ملعقة صغيرة عطر ماء الزهر ...ونرش بشوية ونخلط بالاصابع حتى نكمل .
نخليه يرتاح
SAM_0677.JPG
SAM_0679.JPG
SAM_0681.JPG
SAM_0675.JPG
وقت لي نوجد الحشو
انا واعود بالله من كلمت انا ... خديت 300 غ كاوكاوبالقشور محمص مليح ومطحون بقشورو شوية خشين كيما في الصورة ( خير ما ديرولو الكاكاو باش زعمة زعمة اجي طبقة الحشو باينة )ونقوللكم علاه تاني 300 غ .
اقسمو الكيلو نتاع الكوكاو على ثلاثة .... وهاديك ل 100 غ لتتبقى اقسموها حتى هيا على ثلاثة وخليوها بجهة باش ترشقو بيها ...انا كونستاتيت ...(اوه عياتني هادي الكلمة ...ههه )بلي 300 غ تكفي وتوفي باش نحشيه .....وهاكذا تقدرو اديرو 3 بلاتوات ....... انشاء الله الرحمان الرحيم .
المهم الكوكاو + شوية سكر ..انا والله ما نعبرو في حياتي ...شوفو شحال درت في الصورة حوالي 1 كاس ماء + م ص فاني ونبلو بماء زهر نورمال كيما هدا النوع ممتاز...بالشوية ملازمش يجي يقطر ....يجي كيما الكسكس كي نبغو نديروه يفور المرة الاخيرة ...انشاء الله فهمتوني ..
https://www.djelfa.info/vb/attachment...6&d=1401140980
https://www.djelfa.info/vb/attachment...7&d=1401141002
نجيب الصينية الي طولها يساوي 35سم وعرضها 30 سم... ولا بلاتو اخر صغير نتاع ( كيما نقولو 1كلغ فرينة للبقلاوة ) يقدر يدخل في الفرن الكهربائي.....و بيانسور يدخل في فرن الغاز
ندهنوه بالبانسو بشوية سمن مخلط مع ½ ملعقة لافاني نتاع الميزان .
ونقسم العجينة على اثنين نفرش طبقة ونحاول ما نضغطش نساويها شوية و نزيد نحط الحشو نفرشو كامل كيما في الصورة ونزيد نفرش الطبقة الثانية ونساوي قبل باطراف الاصابع من بعد نحكم م ك ونقلبها على الظهر ونحاول نساوي بيها كامل لاسورفاس ...بلا مانظغط ....
https://www.djelfa.info/vb/attachment...8&d=1401141019
SAM_0686.JPG
https://www.djelfa.info/vb/attachment...9&d=1401141041
https://www.djelfa.info/vb/attachment...0&d=1401141058
لي لقيتهاCette astuceو شوفو l
هدا المول الصغير نتاع القريوش ....
هو لسلكني باش نقطع بلا ما نوصل لقاع البلاتو اقلبوه وحطوه ونحيوه و عاودو حطوه ونحيوه ... بالاكم تمشوه ...رايح الحشو يخرج ...
ارشقو بحبات الكوكاو وزيدو فوتوالسمن ولافاني بالبانسو من فوق ...وتكونو بيانسور ( شفتو شفتو ... حتى وليت نهدر كيما لانسبيكتور الطاهر ...ربي يرحمو)
https://www.djelfa.info/vb/attachment...1&d=1401141247
https://www.djelfa.info/vb/attachment...2&d=1401141261
https://www.djelfa.info/vb/attachment...3&d=1401141278
حميتو الفرن 180درجة اشعلوه من تحت ... وكي تشوفو الحواشي حمارو اطفيو و اشعلو من فوق حتى يحمار خرجوه ... وفورا احكمي قارورة الشاربات واسقيه ....راكي شربتيه مرة وسرطو ... وشربتيه الثانية وشربو و الثالثة راهي تبقاااااااااااااااااااااااااااااااااااااااا
الله ياطينا شربة من ماء زمزم ... قولو امين...
https://www.djelfa.info/vb/attachment...5&d=1401141319
لاماكنتيش غاصبة خليه هاكذاك ليلة كاملة و الغد من ذاك اشعلي الفرن اقصى درجة يحمى مليح مليييييييييييييييييييييييييح واطفيه ودخلي البلاتو نتاع قلب اللوز مغطي بسينية اخرى وخليلو 2 فتحات باش ما يتعجنش و يعرق و يتنفس في نفس الوقت كيما في الصورة وخليه خليه خليه حوالي 30 د ما تروحيش للجارة وتنسايه ...لاخاطر صراتلي ... ههه ... وهادوك القطرات نتاع اندى لاطاحو رايحين يشمخولك قلب اللوز ويخسرولك الديكور . وادا ماصبرتيش عليه ليلة كاملة كي حالتي المرة الاولى لي درتو دخليه من بعد لي تشربيه للفرن بنفس الطريقة ... وخليه يبرد مليييييح وقطعيه وديريه في ليكيسات
https://www.djelfa.info/vb/attachment...7&d=1401141546
https://www.djelfa.info/vb/attachment...8&d=1401141580
https://www.djelfa.info/vb/attachment...9&d=1401141598
https://www.djelfa.info/vb/attachment...0&d=1401141633
J’ai pas baissé les bras شفتو شفتو ... ليخسرتها انا نشاء الله ما تخسروهاش وفي الصح ماخسرتش ربحت
..وانشاء الله تنجحو نتوما تاني....و بالتجريب ا ماعليش كامل الاولى نرموها والثانيةنحتموها و الثالثة ناكلووووها ... لا بغيتو تتعلمو
il faut que vous prenier votre courage a deux mains نتوما تاني ينجحلكم ...
ونصيحة لكل اخت كي تحب تشري البلاتو تشوفو مليح في الكوانات لاكان مقفول مليح ...لا خاطر سوفرونس لاشريتيه مثقوب ...مام ثقبة كي عين لبرة رايحة تخرجلك السيرو ... والله مزيرية في البقلاوة كيف كيف .
الله يوفقكم خواتاتي ويعاونكم على طاعة ربي ومن بعد على شقى الدنيا....سلام
طريقة التحضير و المواد المستعملة والمقادير بالضبط موجودة ... راني حطيت اكثر من 12 صورة بالتفصيل الممل ...
و هادي اخر خلاصة انشاء الله في ما يخص الشاربات...و ضفتها في الوصفة بتعديل
هاد قلب اللوز لي بمقاديرا لوصفة هو المعيار الحقيقي ... لكن كاين ناس مايقدروش ياكلوه بهاد الحلاوة وحقيقة بعد تجارب تبعت هادي الخلاصة خليت 500غ مع السميد كيما في الوصفة لكن في الشاربات حطيت 300 غ فقط نتاع سكر مع 1 لتر ماء و ماء الزهر في الاخير طبعا في عوض 500غ و كانت النتيجة هايلة ... وهد الشاربات ما تستحقيش تعاودي تغطي البلاتو و دخليه للفرن رايح يشرب تم تم و يبقى طري يهبل ....حتى كي بات وصبح بقى طري و زادت بنتو كيما تعرفو لازم برك تغطيه ببلاستيك لا بات و ساعد بزاف لي عندهم مشكل مع السكر حسيتو خفيف بزاف وما يقهمش...... المهم انا ننصح بهاد المقدار نتاع السكر خاصة في الشهر الفضيل لي رايحين نكونسوميو كميات هايلة منو .....
و ان شاء الله نكمل هادي الوصفة ونقوللكم الخلاصة الاخيرة:
في 1كلغ سميد حطو 500 غ سكر ... ومع 1 لتر ماء للشاربات حطو 300 غ سكر وللعقدة مع اللوز او الكاوكاو حطو 200 غ
بالمعنى في 1 كلغ سميد و لي هو بلاتو تحطو 1 كلغ سكر بالتمام و موزع بهاد الطريقة
ان شاء الله تكونو فهمتوني
سلامي الحار لكم ورمضان كريم انشاء الله