** ملـــــــكــــــة الفنـــــــون** الدرس السابع--انجاز حاملة مناديل بالكريات السحرية--- - الصفحة 3

kika85 · 2014-12-15, 11:06

وعلاش يا ام حمزة تغيري فيا هكدا حرام عليك هههههههه

mimimouni · 2014-12-15, 11:14

اقتباس:

المشاركة الأصلية كتبت بواسطة crono

وعليكم السلام
الله يسلمك
ام حمزة رهي مشغولة

اليوم دلتي :d
هوليك كعك :d

الله يبارك يا كرونو الفحلة راهو يشهي
يعطيك الصحة
جا في وقتو راني جعت

fifiarch · 2014-12-15, 13:57

مساااء الخير لبنات واش احوالكم مع التطبيقات

ام حمزة وكرونو قايمين بينا الله يبارك

kika85 · 2014-12-15, 14:50

جوعتونا علاش ديرو هكدا علاش؟؟؟؟؟؟؟؟؟ههههه
حنا مع الكريات السحرية والابداعات وانتوما لاتيين بكروشكم ههههه حابين تولو بطبوطات ؟؟؟؟؟؟؟؟؟؟

نهال13 · 2014-12-15, 21:15

مساء الخير لبنات اسمحولى اليوم محبتش يتحلى المنتدا النت عندنا اليوم وش نقلكم ثقيل فوق الحق ميمى وشراكى حنونة قوليلى قداه شريتى الكريات كون راكى تشرى بكمية باه متضاليش تخرجى بالشفا عليك حنونة حبيبتى ام حمزة ربيى يسترك وهنيك على كلامك لكى لعسل اختى كرونو انا نقول يكفيك خلطى كشما عندك الوان اخرى وحسبى الكريات ديرى كما ندير انا نحسب ويعطيك الصحى على الكرواسون يشهوى لبنات ربيى يوفقكم واى استفسار رانى في الخدمة خدمتها راهى ساهلة ومتديش الوقت

نهال13 · 2014-12-15, 21:16

اختى كيكا ربيى يوفقك ونشوفو ابداعتك وابداعات كل لبنات

ام حمزة22 · 2014-12-15, 21:43

سلام
لبنات واش راكم
ان شاء الله تكونو كامل بخير
انا ليوم انتهزت الفرصة كي طلت الشمس نفضت الصالون وخرجت الفراش تشمس فالبالكون
كي كملت ريحت شوية من بعد وليت للحامل
نهال صح ساهل ويخلاص تمتم بصح كي تكون اول مرة موحال يكمل تمتم
عشية كاملة وانا نخدم ونفتق ونعاود
لوكان درتو بلون واحد بالاك يجي اسهل
لاكن بلونين سوفريت معاه ههههه
هدا وين كملت التطبيق
بادن الله فالغد نصور ونبعت

كرونو يعطيك الصحة راكي متهليا فينا ربي يحفضك ويخليك

كيكا سامحيني الا شهيتك لازم نعمرو كرشنا باه نقدرو نخمو فالكوريات لي سحرتنا هههههههههههه

تحياتي للجميع
وبالتوفيييييييييييق

نهال13 · 2014-12-15, 21:52

حبيبتى ام حمزة علابلى بصح باه نحفزكم ونشجعكم وهاكى خلصته يعطيك الصحة

ام حمزة22 · 2014-12-15, 22:04

الله يسلمك حبيبتي نهال
و مشكورة مرة 2 على الدرس والله استمتع بالعمل رغم الصعوبة نتاعو

abir chemss · 2014-12-15, 22:13

راني نقرا و مخلوع قلت اختي نهال علمتكم مودال جديد من ورايا لقيت نعرفو خاطر راني تلميذة قديمة تاع نهال يل ما هبلتها العام اللي فات ههههههههههههه كاش جديد قولولي راني معاكم
وعلاه حرام اعليكم ما زرتوني بقاتو حتى كعبة حلوى ما كانش في الورشة تاعي ........راني غير نتسخف

ام حمزة22 · 2014-12-15, 22:47

مرحبة بيك اختي عبير
شفتي دخلنا للورشة بيدينا فارغين سامحينا
راح نحوسلك على كاش حلوى تستاهل بئك

kika85 · 2014-12-16, 09:06

حبوبتي نهال نستحاااااااااااااااااااااااااااقك ارواحي ليا ههههههههه.....تبهديلة بصح علابالك والله ما عرفت كيفاش ندير الهرم هاداك ماعرفتش كيفاش عيين نسيي مالقيتش كيفاش نبدا نشكل في الهرم الدورة درت وحصلت تم هههههههههههه .........شوفي نهال راني كي ندور ما نعرفش كيفاش نبدا نشكل في الهرم كي نخدم تجيني الخدمة قدقد يعني يبدا يتشكل عندي مربع مشي مثلث ......انشا الله تكوني فهمتيني باش تقدري تزيدي تشرحيلي.....واسمحيلي يا لحبيبة
ام حمزة يعطيك الصحة والله راكي مرا ونص الله يبارك عليك......انا البارح في الخدمة وكي شفت الشمس قعدت نقول اليوم راه نهار تع الواحد يحل التواقي ويخرج الفراش للهوا الله الله اييييييييييييييييييييييه حنا الخدامات نخرجو فراشنا للقمر هههه شغلي كااامل في الليل ههههههههه ربي يكون في العون وغير نقعدو بصحتنا انشا الله

mimimouni · 2014-12-16, 11:05

الله يبارك عليك ام حمزة يعطيك الصحة كي كملتي
قداه هزلك من كرية
انا شريت ٢ الوان كل واحد ١٠٠
ماعرفتش وبعثت ماما تشريلي الصغار
مافهموهاش لي يبيعو يخي هي شافت الحبة لي قلتلها عليها
قالتلو هاذي مدلها وحدة نشوفها
والله حتى قلقت ليوم راحت تجيبلي
انا لبارح كامل وانا تعبانة
اليوم الحمد لله احسن اذا جابتلي نبدا باذن الله

نور الإسلام26 · 2014-12-16, 14:37

سلام عليكم

يا بنات واش راكم ان شاء الله تكونو كامل بخير

انا بعت العمل

mimimouni · 2014-12-16, 15:41

الله يبارك عليك ليلى غيرتيني انتي وام حمزة
يعطيكم الصحة انا ماما نسات تشريلي
زدت خرجت على ١ شريت ورجعت على ٣ ندير قهوة ونبدا واذا حصلت راني نتصل بيكم