اريد ارائكم بصراحة

ام عبودة · 2013-03-28, 23:54

[SIZE="7"]لانكم الاغلى عندي
جبتلكم صور لمطبخي قبل حتى ان ينجز وانا دائما عند وعدي لكم
ولكن ارجوكم دبرو عليا في واحد الصوالح خصوصا اللى عندهم مثل هذو
لانه نحنا عندنا تاع الالمنيوم وهذا الجديد تاع الخشب المظغوط يعني كيفاش نستحفظ عليه
وهذا مطبخ يعني حرارة وهذا الخشب ما يحملش الحرارة لانه ينحل من بعضه البعض
المهم نخليكم مع الصور قبل
المخطط الاول ماعجبنيش موقع الفور والسيد نسى الميكرواوند

عاودنا هذا بصح راجلي ما عجبوهش الرجلين واليوم برك قالي راجلى بلي راه بدا فيه ولكن المخطط تاعه ما صبتوش لكن اللون كيفكيف

شوفو هاذا دالي عقلي مييي الله غالب ما نقدرش نديرو على خاطر عندي زوج ابواب للمطبخ في جدار واحد
هيا شوفوه اللى عجبها بالبركة

هذو اكسوارات في المطبخ تاعي واش رايكم

ها واش رايكم لكن يبقى الصح كي يركب في المخطط ما يبانش مليح

بنت سعيدة · 2013-03-29, 15:10

جد سعيدة لأني أول وحدة تشوف كوزينتك ،فأنا مهووسة بالديكور والله يبارك تحفة وإن شاء الله يخرج كيما الصور ،تتهناي بيه أختي ,نتمنى لك مزيد من التألق والجمال

ام عبودة · 2013-03-29, 16:24

اقتباس:

المشاركة الأصلية كتبت بواسطة بنت سعيدة

جد سعيدة لأني أول وحدة تشوف كوزينتك ،فأنا مهووسة بالديكور والله يبارك تحفة وإن شاء الله يخرج كيما الصور ،تتهناي بيه أختي ,نتمنى لك مزيد من التألق والجمال

شكراااااااااااااااااااااااااااااااااااا راكي نورتيني بمرورك

sa-li · 2013-03-29, 20:06

السلام عليكم ورحمة الله

اولا مبارك مسبقا وان شاء الله يخرج كيما حابة ولا افضضضل

اممم بانلي شغلي ضيق بزاف؟ يعني ونيت كترتيلو لخزاين

زايد نعتينا واجهتين برك يعني لبقية وش حين يكونو؟ ولفريجيدار وين طرتي بيه ههه

وتاني كي ماعجبوكش الارجل علاش درتوهم؟ علاش مابنيتوهش طول على الأرض؟

ولا حين تشريوه ؟

بالتوفيق ان شاء الله

ام عبودة · 2013-03-30, 00:02

اقتباس:

المشاركة الأصلية كتبت بواسطة sa-li

السلام عليكم ورحمة الله

اولا مبارك مسبقا وان شاء الله يخرج كيما حابة ولا افضضضل

اممم بانلي شغلي ضيق بزاف؟ يعني ونيت كترتيلو لخزاين

زايد نعتينا واجهتين برك يعني لبقية وش حين يكونو؟ ولفريجيدار وين طرتي بيه ههه

وتاني كي ماعجبوكش الارجل علاش درتوهم؟ علاش مابنيتوهش طول على الأرض؟

ولا حين تشريوه ؟

بالتوفيق ان شاء الله

الله يبارك فيك
الضيق راه المساح صغيرة والوجه القابل حيط فيه زوج بيبان واحد يدخل من الكلوار والاخر يخرج الى الفرندة يعني السيد حار كيفاش يصمم يخي عنده بزاف لي موديل الكبار والصغار
الله غالب حظي هكا
هههه
والفريجيدير راه في الخزانة نسيت باش نقلكم بلي كبير تاعع زوج بيبان
يعني هذاك الوجه تاع المطبخ اللى شريتو والمساحة اللى تفضل ممكن نزيد فيها طابلة بالكراسى

درة بيتي · 2013-03-30, 01:18

تبان هايلة بالتصميم حبيبتي ألف مبروك مسبقا إن شاء الله تخرجلك كيفه ولا خير والطابلة والكراسي إذا عندك مساحة كافية ديريهم والله تريحك خلاص وتحبيها وبالنسبةللضيق الألوان لي خيرتوهم إذا راهم كيما التصميم راح توسعلك بالعكس تبان تهببببل المهم يعطيك الصحة مصبرتيش وشاركتينا بالتصمييم لعقوبة للكوزينة الحقيقية ههههه وربي يهنيك إن شاء الله

ام عبودة · 2013-03-30, 07:41

شكراا حبيبتي هذا من ذوقك
الالوان في المطبخ الابيض مع قليل من الاحمر
ورانا درنا مخطط اخر ان شاء الله نصيبه ونبعثولكم
لانكم غاليين عليا رايحيين تكون مشاركين من البداية الى النهاية