مراكز بيع المطابخ الجاهزة في الجزائر من فضلكم

ام عبودة · 2013-02-19, 10:31

السلام عليكم .
اسعد الله صباح كم إخوتي الكرام، من فضلكم
دلوني على نقاط بيع المطابخ الجاهزة المصنوعة من الخشب الاصلي او من الألومنيوم المهم حاجة مليحة .
لأني لقيت فقط mdf وصيت واحد يخدملي بالالمنيوم : عندي شهر مديلتو الموديل والعربون ومازال مابداش...
راني ننتظر في ردكم وحتى رأيكم يهمني جزاكم الله كل الخير . ويعطيكم ما تتمنوا
شكرا

hiba hajer · 2013-02-19, 16:53

روحي ادخلي سوق ....... عبر الأنترنت تلقاي واش بغيتي و حسب ولايتك

ام عبودة · 2013-02-19, 21:56

مشكورة أختي يعطيك الصحة .

درة بيتي · 2013-03-15, 02:08

أخي عنده ورشة ألمنيوم يخدم في حوايج هايلين راهو في ولاية الواد ويروح لكل لولايات ياخد القياس وتخيري لموديل وإمباعد يرجع يركب مع العمال والسرعة مضمونة بإذن الله إذا حبيتي العنوان قوليلي نحطهولك عند المشرفة أختي سحاب ولا رقم الهاتف وبالتوفيق

ام عبودة · 2013-03-15, 09:27

مشكوورة جدااااااا حبيبتي راني شريت من العاصمة
الاسبوع اللى فات ومازال ما لحقنيش برك
اكرر لك شكري وجمعة مباركة

درة بيتي · 2013-03-15, 14:37

اقتباس:

المشاركة الأصلية كتبت بواسطة ام عبودة

مشكوورة جدااااااا حبيبتي راني شريت من العاصمة
الاسبوع اللى فات ومازال ما لحقنيش برك
اكرر لك شكري وجمعة مباركة

ال

عفو حبيبتي راني في الخدمة وألف مبروووووك لعقوبة لحوايج أخرين إن شاء الله في إنتظار وصول المطبخ تاعك وإكتمال العمل شاركينا فرحتك ختي ام عبودة ووريهولنا بالتوفييييق إن شاء الله وجمعة مباركة علينا وعليك

ام عبودة · 2013-03-15, 14:45

اكييد راني شوي مهبلني هذا الايباد ما حبش يبعثلي الصور
انا قلت كي نروح للداري ندير مكان للميكرو وخلاص
واكيد رايحين تشوفو داري كاملة وتعطوني رايكم واكيد رايحة نقبل باقتراحاتكم
فوالله منذ دخلت هذا المنتدى وانا الكثير من افكاري تبدلت وخالطت بزاف من العقليات تاع بلادنا الحبيبة

ryma la cool · 2013-03-20, 10:49

بالصحه ولهنا اختييي لعقوبه لحاجات اخرى

ام عبودة · 2013-03-20, 17:49

مشكوووووووورة حبيبتي
ويا رب يجازيك كل خيييير
وموفقة انت ايظا

درة بيتي · 2013-03-21, 08:05

اقتباس:

المشاركة الأصلية كتبت بواسطة ام عبودة

مشكوووووووورة حبيبتي
ويا رب يجازيك كل خيييير
وموفقة انت ايظا

حبيت نسقسيك أختي أم عبودة على الكوزينة الجاهزة لي شريتيها قداه إستقامت إذا مكانش عندك مانع تقوليلي السومة وراني نستنا فيها تكمل بش تجيبيلنا الصور

ام عبودة · 2013-03-21, 08:32

صباح الخيير واش راكي
شوفي راني شريتها تقريبا 60000000بلا تجهيزات والخشب ماش حر
يعني اللى راه ماشي في السوق
بصح صبنا فيها دييفو راه يعاود فييها
ممكن نمدلك عنوانه ودخلي في الفايسبوك تاعو تصيب مخطط تاع واحذه حمراء صغيرة راه بعثهالنا البارح ومازال ما تفاهمناش

chic.lady · 2013-03-28, 22:50

مساء الخير ختي
كاين في الشراقة و دالي ابراهيم
كاين موديلات بزاف شابين

ام عبودة · 2013-03-28, 23:16

مشكووورةحبيبتي على المرور
والله غير شفنا في الشراقة ودالي ابراهيم ميييي حبيبتي الاسعار ناااار
مطبخ صغير مع الاثاث بسيط بي 120000000وعند اللى شرينا من عنده غير ب60000000او 50000000
والمشكل انه الخشب الى في السوق وكامل يستعملو فيه يعني ماشي حر
على كل مشكوووووورة حبيبتي

chic.lady · 2013-03-31, 20:14

صح حاجة الغلاء بزاااف
شفتي في القليعة؟؟ ياك مشهورة بالأثاث بالاك تصيبي واش راكي حابة بأسعار معقولة
ملاحظة: الأسعار غالية في الشراقة و دالي براهيم باسكو زعما مصنوعين في ايطاليا و هادوك الجوايه و هوما قاع كيف كيف

ام عبودة · 2013-03-31, 22:00

اقتباس:

المشاركة الأصلية كتبت بواسطة chic.lady

صح حاجة الغلاء بزاااف
شفتي في القليعة؟؟ ياك مشهورة بالأثاث بالاك تصيبي واش راكي حابة بأسعار معقولة
ملاحظة: الأسعار غالية في الشراقة و دالي براهيم باسكو زعما مصنوعين في ايطاليا و هادوك الجوايه و هوما قاع كيف كيف

يا اختي لو كان شئ اصلي والله ماشي خسارة
وصحيح يقولك كاين تاع ايطاليا وغيرها مييي كامل MDF
السيد اللى يبيع فيهم في الشراقة قالنا ما يمشوش تاع الخارج الناس يشري الواجد
ولا يظرب 3شهور او اكثر باش يخدم الالوميتال او خشب البلوط وغيره