بقلاوة بلابات فيلو مورررقة كيما تحبوها - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

بقلاوة بلابات فيلو مورررقة كيما تحبوها

إضافة رد
 
أدوات الموضوع انواع عرض الموضوع
قديم 2013-12-16, 16:12   رقم المشاركة : 1
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










M001 بقلاوة بلابات فيلو مورررقة كيما تحبوها

بسم الله الرحمان الرحيم

نزولا عند طلب الكثير من الاخوات جبتلكم طريقتي في عمل البقلاوة بعجينة الفيلو.
الفرق بين البقلاوة العادية وهذا البقلاوة ان هذا البقلاوة تجي مورقة اكثر لاننا كي نبسطها نعمل بين الطبقات النشاء اما التقليدية نعمل بين الطبقات السمن بعد ما نبسطها.
هذا النوع من البقلاوة ساهلة في تحضيرها والمعروف ان كي نعملها نقسم العجينة الى12 كويرة نفوتها في الماشينة ونعاود نبسطها لكن هذا المرة ان قسمت العجينة الى 6 كويرات كل مانبسط كويرة نطويها على اثنان راح نتحصل على12 طبقة يعني نفس النتيجة وفي وقت اقل هذا الفكرة كنت شفتها في قناة سميرة عجبتني وجربتها اذن دون اطالة نخليكم مع هذا النوع من البقلاوة.




https://

المقادير:

4كيلات فرينة
نصف كيلة سمن
رشة ملح
ماء+ماء الزهر
الحشو :
3كيلات لوز
نصف كيلة سكر عادي
فاني
ماء الزهر
لازمنا ايضا كمية من النشاء لبسط العجينة

للتعسيل :
عسل
للتزيين:
بيستاش


الطريقة:

نذوب السمن ونخليه يبرد

في جفنة نحط الفرينة ورشة ملح ونضيف السمن نبسس الفرينة مع السمن جيدا من بعد نلم العجينة بخليط الماء وماء الزهر حتى نتحصل على عجينة متماسكة ماتكون طرية بزاف ماتكون يابسة.
نقسمها الى 6 كويرات نغطيها بكيس بلاستيكي ونخليها ترتاح.
ممكن نعمل العجينة في الليل وغدوى من ذاك نحضر بها البقلاوة لان كل ما ارتاحت العجينة تساعدنا اكثر.

نرش طاولة العمل بالنشاء
ناخذ الكويرة الاولى ونبسطها بالحلال كما هو موضح في الصورة

://

نبسط باقي الكويرات بالحلال كيما عملت مع الاولى ونحط هم فوق بعض ونرش بيناتهم النشاء

https://

الان نفوت العجينة بالواحدة في الماشينة نبدا في الرقم2 ثم 4 ثم6 ثم 7
راح نتحصل على شريط طويل ورقيق
نرش طاولة العمل نحط الشريط ونعاود نطبق على اثنان وبهذا نكونو تحصلنا على زوج طبقات هكذا

https://

نكمل نفس الخطوات مع باقي الكويرات لي حليناهم بالحلال وكل مرة نطبق الشريط ونحط الاشرطة فوق بعض وكل مرة نرش النشاء بين الطبقات هذي نقطة مهمة حتى نتحصل على التوريق اللازم

https://


من بعد نرقق الطبقات بواسطة الحلال حتى نتحصل على طبقة رقيقة كل ماكانت رقيقة يكون احسن حتى ماتجيش البقلاوة معجنة هكذا

https://


في هذا الوقت نحضر الحشو نخلط اللوز مع السكر والفاني ونضيف ماء الزهر مالازمش نبلوه بزاف حتى لا يخرج اثناء الطهي

الان ناخذ الصينية لي راح نطيب فيها البقلاوة ونقيس عليها الحجم ونقطع زوج قطع بقياس الصينية انا هنا استعملت صينية صغيرة اذا راح نستعمل صينية كبيرة من البداية نقسم العجينة الى12كويرة
6كويرات نعمل بهم الطبقة السفلية و6طبقات لي بقاو نعمل بهم الطبقة العلوية ونتبع نفس الخطوات

ناخذ الصينية ندهنها بالسمن نحط عجينة الفيلو الاولى ثم نحط الحشو من بعد نحط الطبقة الثانية من عجينة الفيلو
اسمحولي هذا الخطوة نسيت نصورها
بالنسبة للحواف بواسطة سكين ندخل العجينة جيدا حتى لا يحترق الحشو
نقطعو البقلاوة حسب الرغبة انا قطعت مربعات ومستطيلات صغار

https://

في هذا الوقت نذوب كمية مليحة من السمن ونفرغ بالملعقة فوق البقلاوة هذا لي يخليها التوريق يظهر
ندخلها لفرن مسخن مسبقا على 180درجة ونخليها تطيب حتى تاخذ لون ذهبي من الاسفل نعاود نشعل من فوق ونخليها تطيب مالازمش نخليها تتحمر فقط اللون الذهبي هكذا

https://
وهي سخونة نسقيها بالعسل نضيفلو كمية قليلة فقط من ماء الزهر بالنسبة لكمية العسل ترجع لكمية اللوز المستعمل نعمل نفس الكمية كيما انا هنا صينية صغيرة عملت رطل لوز لازم رطل عسل للتعسيل

https://


نخليها عالاقل24ساعة تتشرب العسل من بعد نقطعها ونزينهابالبيستاش ونقدمها وبالصحة والهناء على قلوبكم

https://


عن قرب شوفو التوريق

https://


ان شاء الله تجربوها وتنجحو فيها ولا تنسوني من صالح دعائكن

ملاحظة:

1ـ لي ما عندهاش الماشينة يمكن تستعمل الحلال لكن اكيد النتيجة النهائية بالماشينة احسن لان الطبقات يكونو رقااااق
2ـ ممكن تعويض اللوز بالكوكاو
3ـماننساش في كل مرة نرش النشاء بين الطبقات

تم بحمد الله









 


رد مع اقتباس
قديم 2013-12-16, 16:36   رقم المشاركة : 2
معلومات العضو
عطرالذهب
عضو برونزي
 
الصورة الرمزية عطرالذهب
 

 

 
إحصائية العضو










افتراضي

ماشاءالله ام اماني بقلاوتك رائعة
يعطيك الصحة










رد مع اقتباس
قديم 2013-12-16, 16:42   رقم المشاركة : 3
معلومات العضو
oum ibrahim
عضو محترف
 
إحصائية العضو










افتراضي

ماشاء الله يا ام الابداع راااااااااائعة بكل المعاني في القريب نجربها ان شاء الله بوركت و سلت يداك










رد مع اقتباس
قديم 2013-12-16, 16:43   رقم المشاركة : 4
معلومات العضو
حواء 19
عضو مجتهـد
 
إحصائية العضو










افتراضي

روعة روعة يعطيك الصحة و حبيت نسقسيك كي تبات تبقى تقرمش او تطرى










رد مع اقتباس
قديم 2013-12-16, 16:43   رقم المشاركة : 5
معلومات العضو
ميسا55
عضو مجتهـد
 
الصورة الرمزية ميسا55
 

 

 
إحصائية العضو










افتراضي

جاتك تهببببل حتى انا جربتها ونجحتلي خدمتها غير بالحلال كنت رح نسقسيك على كمية العسل للبقلاوة لقيت الجواب قدامي يعطيك الصحة










رد مع اقتباس
قديم 2013-12-16, 16:49   رقم المشاركة : 6
معلومات العضو
الوهرانية 1
عضو محترف
 
الأوسمة
المرتبة الرابعة 
إحصائية العضو










افتراضي

الله يبارك اختي ويحلي ايامك شكرا على المجهود










رد مع اقتباس
قديم 2013-12-16, 16:49   رقم المشاركة : 7
معلومات العضو
hony
عضو مجتهـد
 
إحصائية العضو










افتراضي

الله يبارك فنانة كي العادة تشهي










رد مع اقتباس
قديم 2013-12-16, 16:51   رقم المشاركة : 8
معلومات العضو
أم ياسين الزهراء
عضو ماسي
 
الصورة الرمزية أم ياسين الزهراء
 

 

 
الأوسمة
وسام الوفاء وسام نجمة التطبيقات وسام نجمة التطبيقات وسام نجمة التطبيقات 
إحصائية العضو










افتراضي

واوووووووووووووووووو روووووووووووووووووعة الله يعطيك الصحة










رد مع اقتباس
قديم 2013-12-16, 16:52   رقم المشاركة : 9
معلومات العضو
بريق الامل&
عضو متألق
 
الصورة الرمزية بريق الامل&
 

 

 
الأوسمة
وسام سفيرة العزومات وسام سفيرة العزومات المرتبة الرابعة 
إحصائية العضو










افتراضي

روعة يعطيك الصحة هذي هي العجينة الي نعتمدها وناجحة وما نبدلهاش
بوركت خرجتلك تحفة










رد مع اقتباس
قديم 2013-12-16, 16:53   رقم المشاركة : 10
معلومات العضو
رياحين الجزائر
عضو مميّز
 
الصورة الرمزية رياحين الجزائر
 

 

 
إحصائية العضو










افتراضي

ماشاء الله روعة انتاع الصح










رد مع اقتباس
قديم 2013-12-16, 16:54   رقم المشاركة : 11
معلومات العضو
ladymillion
عضو محترف
 
إحصائية العضو










افتراضي

مممممممممم ماشاء الله تشهي بصراحة عمل متقون وروعة يعطيك الصحة










رد مع اقتباس
قديم 2013-12-16, 16:57   رقم المشاركة : 12
معلومات العضو
rose malak
عضو نشيط
 
الصورة الرمزية rose malak
 

 

 
إحصائية العضو










افتراضي

الله يباااااااااارك تاكليها بالصحة










رد مع اقتباس
قديم 2013-12-16, 16:58   رقم المشاركة : 13
معلومات العضو
ام حنين الحنونة
عضو مشارك
 
إحصائية العضو










افتراضي

للاسف مخرجوش عندي الصور .............يعطيك الصحة ...استفدت بزاف من وصفاتك اختي ربي ايجازيك ...ان شاء الله انجرب البقلاوة في القريب.










رد مع اقتباس
قديم 2013-12-16, 17:03   رقم المشاركة : 14
معلومات العضو
ام محمد78
عضو محترف
 
إحصائية العضو










افتراضي

يعطيك الصحة










رد مع اقتباس
قديم 2013-12-16, 17:04   رقم المشاركة : 15
معلومات العضو
om mita
عضو مميّز
 
الصورة الرمزية om mita
 

 

 
إحصائية العضو










افتراضي

تسلمي لكن حبيبتي فارس جيدي دارها 5 كيلات ب1/2 كيلة
ويناهي الي خير










رد مع اقتباس
إضافة رد

الكلمات الدلالية (Tags)
مورررقة, بلابات, تحبوها, بقلاوة, فيمن, كيما

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 12:33

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc