وصفة البسكوي رولي الاساسية بالخطوات المصورة من مطبخي ماتزيدوش تشروه

oum anas 69 · 2013-03-10, 14:39

البسملة1
واش راكم و واش راه بلادنا إن شاء الله في أحسن الاحوال
اليوم بإذن الله رايحة نعطيكم الوصفة الاساسية للبسكوي رولي كيما لي نشروة من المحلات عندي سنين و أنا نعمل فيه الحق مانقدرش نبدلها لانها اساسية و رائعة في المذاق و الخفة و ماتتطلبش بزاف و زاكية يعني تحمر الوجه قدام الضيوف و تشبع للي عندها عائلة ما شاء الله فقط يبقى الحشو و التزيين حسب رغبتكن و حسب الموجود و المقدور و أنا نقلكم ماتزيدوش تشروه ههههههه
المقادير مظبوطة تماما:
6 بيضات
150 غ سكر عادي
150 غ فرينة مغربلة
منكهات:فانيليا أو قشور الليمون أو أي لكستري تفضلين
هذه هي المقادير الاساسية وإذا خفتي ولا اول مرة تخدميه أضيفي ملعقة قهوة خميرة كيميائية

للتزيين; سيرو أو أي عصير تفظلين للسقي
مربى أو شانتيي أو كريمة باتسيير أو كريمة الزبدة ، مكسرات مجروشة أو فاكهة طازجة ، سكر قلاصي يعني المجال لكي مفتوح حسب المتوفر عندك
نخليكم مع الصوروالشرح
هذه هي المقادير كاملة

نفصل الصفار عن البياض
نضيف السكر و الفانيليا للصفار و نخفقه جيدا بالباتور حتى يتكثف و يصبح لونه أبيض

نضيف الفرينة تدريجيا ونخلط من الفوق للتحت بالسباتول نتركه جانبا و نخفق البياض مع قرصة الملح حتى يصبح كالثلج ونضيفه تدريجيا للخليط الاول حتى يمتزج دون الاكثار من الخلط

أنا زدتلو ملون وردي ثم نفرغه في سينية الفرن مفروشة بورق الطبخ و ندخله الفرن حتى ينشف ممكن ربع ساعة على الاكثر

ثم ننزعه و نفرغه فوق ورق آخر مرشوش بالسكرالارطب و نروليه بالورق ثم نغلفه بمنديل ندي و نتركه يبرد في الثلاجة

نجبدوه نحلوه نسقوه بواسطة الفرشاة بالسيرو أو العصير ثم ندهن أي شئ تفظلين أنا درت معجون الفراولة ثم الكرام شانتيي ثم نغلقه و نزين كما نشاء نتركه يرتاح قليلا من الأفضل يبات و نقدمه بالصحة و الراحة

و هنا كي إرتاح ليلتين في الثلاجة أمممممممممم

إن شاء الله تجربوه و الله المذاق رائع كيما لي يتباع و زيد إقتصادي و زاكي و يفرح كل العائلة
في الأخير دعوة خير بظهر الغيب لعائلتي و لوالديا و لكم بالمثل إن شاء الله

aicha3357 · 2013-03-10, 14:42

Baraka Allah fik

shiraz honey · 2013-03-10, 15:25

wllah la meme recette li ndirha rabi yhafdek
kharjatlek hayla en plus decoration superbe
mais stp rabi yhafdek okhti si c'est possible ta3tini recette nta3 la creme au beurre li ydirouli les patissiers
merci hbiba

bissan.sousou · 2013-03-10, 15:43

شكراااااااااااااااااااااا

ام ملاك. · 2013-03-10, 16:03

ممممممممممممممممممممممممم خرجلك زوعة ماشاء الله بصحتكم

serine alger · 2013-03-10, 16:06

يعطيك الصحة.نفس المقادير تاعي

titina · 2013-03-10, 16:14

الله يبارك أختي ام انس شكله يشهي
ان شاء الله نجربو
وربي يحفظلك انس

SarSouRa28 · 2013-03-10, 16:27

سلام جاك 444444 تعيشي حبيبتي جابك ربي الله عندي بزاف وانا حابة نصقصيك مين شريتي creme chantilly راه عندي مشكل حوست في auchan في carrefour في lidl والو ملقيتهاش لقيت غير هادي وملقيتش تاع الغبرة وهادي بالخف دوب عيانة وزيد زبدة تاع فويتاج beurre de feuilletage تاع الميلفاي ملقيتهاش تعيشي قوليلي وشمن supermarket نلقاهم شكرا حبيبتي

feuilleblanche17 · 2013-03-10, 16:35

هايلة تسلم الايادي

zahra30 · 2013-03-10, 16:43

ما شاء الله .... روووعة .... يعطييك الصحة .... راني نستنى في نصيبي هههه

أم محمد تاج · 2013-03-10, 16:43

الله يبارك روعة روعة روعة ونشالله نعتامدها للغولي سويس وشكرا لك ويسلم يديك

oum anas 69 · 2013-03-10, 16:44

اقتباس:

المشاركة الأصلية كتبت بواسطة SarSouRa28

سلام جاك 444444 تعيشي حبيبتي جابك ربي الله عندي بزاف وانا حابة نصقصيك مين شريتي creme chantilly راه عندي مشكل حوست في auchan في carrefour في lidl والو ملقيتهاش لقيت غير هادي وملقيتش تاع الغبرة وهادي بالخف دوب عيانة وزيد زبدة تاع فويتاج beurre de feuilletage تاع الميلفاي ملقيتهاش تعيشي قوليلي وشمن supermarket نلقاهم شكرا حبيبتي

أهلا واش راكي سرسورة إن شاء الله لاباس
لكرام شانتيي ماتزديش تشري هادي مش مليحة أشري creme entier تتباع في بايط صغار فيها 20cl راهم بارتو و رخاس أنا نجيب بزاف من lidl هي باطتها حمراء كيما الحليب إكريمي فهمتيني
ممبعد إن شاء الله نصورهالك دير 45 سنتيم لل باطة و تطلعيها بالباتور هايلة
و المارغرين التوريق ماكاش هنا عييت و أنا نحوس عليها بارتو وليت نجيبها من البلاد كي نروح و لا يجيبهالي راجلي و لا يبعثوهالي و نخبيها في كونجلاتور و نخدم هناتني بزاف لوكان جيتي قريبة و الله نجيب لأختي بلا مزية و راجلي مروح في السيارة خسارة جيتي بعيدة

باطتها حمراء

ome mohamed · 2013-03-10, 16:53

ما شاء الله بارك الله فيك

siham zine · 2013-03-10, 16:54

Ya3tik essaha

aminabent · 2013-03-10, 16:57

اممممم يشهي تسلم ايديك اختي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري