موضوع مميز وصفات من حراير مطبخ وش طيبتي اليوم - الصفحة 32

*عاشقة الجنة* · 2013-12-07, 21:46

بريق الامل&

الدرسة تاع الارنب

طبعا الارنب تغسليه مليح بالملح والخل وماء سخون وتخليه شوية وتشلليه مليح
تملحيه وترشيه كامل بالملح وفلفل اكحل
ترابي ثوم وطمام الحبة ولي زيبيس و الي هوما كمون فلفل احمر راس الحانون سكنجبير وكركم ادقيهم مع بعض وزيدي فنجان زيت ومغرف هريسة اختياري بنص الكمية تاع الدرسة ادعكي بها جيدا الارنب من برا والداخل
وحطيه في بيركس فيه كاس ماء
باقي الدرسة حطيها فوق كامل سطح الارنب ورند وحبات هيل ان وجد
غطيه ودخليه للفرن يطيب
كيبدا يتحمر زيدي رشيه بشوي زيت او زبدة من فوق باش يتحمر مليح

oum ibrahim · 2013-12-08, 16:59

ام ياسين الزهراء
تارت البرتقال

3 بيض + 100 غ سكر ضربيهم مليح مليح + نص كاس زيت مع نص كاس حليب دافئ وضربي + زاست تاع البرتقال + 250 فرينة مع 1 خميرة وشوي ملح وخلطي الكل

والمول ديريلو الكراميل وتستفي البرتقال بعد ماتقطعيه دوائر ويفضل تنحي القشرة خير باش مايجيش مر وتلوحيهم في الشاربات شوي وتستفيهم في المول وتلوحي العجينة والى الفرن

بعد ماطيب تنحيها من المول وتشربيها الشربات طبعا تكون باردة وبالصحة

oum ibrahim · 2013-12-11, 10:01

ام كوثر
خلطة تحمير الدجاج
الدجاج نديروبطريقة الاعراس يجي هاااااااااااااايل وبنين وطري
اليك الطريقة
تغسلي اطراف الدجاج مليح وتقطريهم وتملحيهم وتخليهم يتنقعوا
انا كي نخبي الدجاج دايما نملحوا قبل
السر في الوصفة هو السمن يمد لون وطعم رهيب
تدوبي ملعقتين او3 سمن حسب كمية الدجاج
ترابي معاهم سنات توم
ملح كتري شوي الدجاج يحب الملح والا يجي سامط
فلفل اسودواحمر حار وحلو وتوابل مشكلة ومغرف كبيرةهريسة وخلطي
ديري ثقوب في اطراف الدجاج باه تدخل لهم التتبيلة وادهنيهم كاملين
حطي في سينية الفرن شوية بصل مقطع جوانح وحطي اطراف اللحم وضيفي حوالي 3ارباع كاس ماء والى الفرن المسخن من قبل
ساعة او اكتر بقليل حسب حجم اطراف الدجاج
وبرك

*عاشقة الجنة* · 2013-12-11, 14:37

zahra30

ترقاد الفلفل الحــــــار

تحكمي العلبة اللي راح ترقدي فيها الفلفل حطي ثلث انتاعها خل وسنينات ثوم مقشرين ومشلحيين ووشوية ملح وحطي الفلفل انتاعك وكملي عمريها بالماء حتى الفم وخليها ما تقفليهاش لمدة ساعتين وشوفي تلقاي الماء زاد اهبط زيدي عمريها مليح وقفليها باش ما يدخلهاش الهواء منين تشوفيه اصفار تقدري تنحي منو ( كاين اللي يحب يزيد حوايج فيه كي الجزر الزيتون الخيار وووو يعني الخضار اللي تتخلل والفلفل حبيتي تحطيه هكذاك ولا تحليه شوية على الراس كيما بغيتي )
شوفي هذي درتها من قبل واندير كمية قليلة ليا برك ههههه

*عاشقة الجنة* · 2013-12-11, 14:38

ilbeldelmondo

دجاجة بالزيتون و البطاطا قرنون

تتبيلة الدجاج
ماح فلفل اسود كمون فلفل دريس جوزة الطيب اختياري عسل دبس الرمان موتارد هريسة رند معدنوس زيت يمكن اضافة عصير الليمون ثوم مهروس كريم فريش او حليب زعفران
ننقع الدجاجة بوقت قبل ليلة او خمس ساعات في الثلاجة اكيد

و الان نحضر صوص بصلة صغيرة ثوم معدنوس فلفل اخضر ملح فلفل اسود زيت ماء 800 مل
نقلي و نمرق و نغلق الكوكوط نص ساعة و نفتح ننزع الدجاجة باه نحمرها
و ننزع الملف الاخضر و المعدنوس و نرحي و نصفي الصوص
و نطيب فيها زيتون محشي و بطاطا فرنون

*عاشقة الجنة* · 2013-12-11, 14:45

almazalina22

الديول

هذي ليك ام تاج كي ما صلحلكش الديول هذي طريقة مضمونة انشاء الله يخرجولك الصور

كاس فرينة نفس الكمية ماء +ملح ونخلط نخليها ترتاح شوية

لازم في الطياب بان ماري ويكون الماء يغلي وما تنقصيش النار باش الورقة ما تعرقش وتبقى معجنة بالصور تفهمي

بسرعة ادهني طبعا بالبانسو جديد

شوفي كيفاه نشفت كي تنحيها مكالاه تمسحي المقلى تلقايها نقية

تحطيها فوق طرف نقي شوية تنشف وتخبيها تحتو وهكذا حتى تكملي باش ما يلسقوش

وهذي نتاع البرنس خخخخخخ

تحبي صامصة كيما هذي

*عاشقة الجنة* · 2013-12-11, 16:42

ilbeldelmondo

كيك بالخضر

نقطع جزرتين و بطاطتين هههههه و ٥٠٠ حبة جلبانة ههههه راني نتمسخر
نطيبوهم علة البخار و ماتخلطيهمش انا باه نزرع نحط الجزر و نملحو في الكسكاس و من بعد نحط ورق ألمنيوم و نثقبو كي الكسكاس و نحط الجلبانة و نملحها و نزيد ورق ألمنيوم و نثقبو و نزيد البطاطا و نملحها و نقفل الكسكاس و نخليهم يفورو
اكيد تحطي الخضر بالترتيب لان الجزر تأخذ وقت و من بعد الجلبانة و البطاطا ثم ثم طيب
و نحضر شرائح مارلون كونجلي برك ههههههه مارغرين موتارد ملح فلفل اسود قرفة ثوم

نفصل خمس بيضات نطلح الابيض وحده و الصفر مع ثوم خميرة ملح فلفل موتارد و كريم فراش اذا ماعندكش ديري حليب
و خلطي الابيض مع خليط الأصفر و قسميه الى ثلاثة

و طيبي السمك في المقلات مع تتبيلته و ادهني المول بالزبدة و رشيه بالشابلور
خلطي كل نوع خضر مع الخليط تاعو و حطي الطبقات مث الصورة

و نطيبو ٣٠ دقيقة و نطفي و نخليه يرتاح من بعد نقصه
لازم تخليه يرتاح

و شهية طيبة

*عاشقة الجنة* · 2013-12-11, 16:50

ilbeldelmondo

تحلية الليمون

السلام عليكم و رحمة الله و بركاته

تحلية الليمون الكثير يحضرها و كل واحد و طريقته و منعشة و الكثير يحب الليمون *هي تشبه la tarte au citron
تحضر و تقدم اما في كاسات او وعاء كبير زجاجي او قالب cheese cake الكبير او القوالب الصغيرة
الطبقة الاولى و هي جينواز عادي بقشور الليمون

يمكن اعتماد الوصفة لي تحبي انا وصفتي ليتعلمتها من قبل و بقيت عليها
مبدأها عدد البيض نضاعفه عدد ملاعق كبيرة سكر زيت فرينة فنيلا و خميرة
مثلا:
اربع بيضات
رشة ملح
8 ملاعق كبيرة سكر
8 ملاعق كبيرة زيت
قشور ليمون و فنيلا
ملعقة صغيرة و نصف خميرة كيميائية
8 ملاعق كبيرة فرينة
نضرب البيض مع الملح بالمضرب الكهربائي و لا يهم حرارتها الدافئة احسن لكن انا شخصيا نجبد من الثلاجة نغسل *و نبدا نلبز
نضيف السكر حتى يذوب مع الفنيلا و قشور الليمون ثم نضيف الزيت و نضرب جيدا ننقص السرعة و نضيف الفرينة و الخميرة
ندهن المول بالزبدة و نرشه بالفرينة او نستعمل ورق الطهي
نضعها في وسط الفرن ساخن على درجة 180 حتى تحمار من فوق
ملاحظة: كمية اربع بيض ما استعملتهاش الكل للتحلية لكن صبرتهم بها شربو بها القهوة
جينواز بيضتين تكفي لي كمية الموس

كي طيب نقطع على قيس المول المستعمل و نضيف عصير الليمون لكن غير شوي انا استعملت ملعقة كبيرة فقط
طبقة la creme citron :

صفار بيضتين
ثلاث ملاعق كبيرة سكر
ملعقتين كبيرتين نشاء
فنيلا
نص لتر حليب
نص كاس ليمون
6 ملاعق بودر كريم chantilly
ملون اصفر
بالمضرب نخلط صفار البيض النشاء السكر و الفنيلا ثم نضيف القليل من كمية الحليب و نخلط حتى التجانس و نكمل كمية الحليب الباقية و نضع الخليط على النارتكون هادئة مع الخلط بالمضرب اليدوي حتى تخثار هي مش راح تكون خاثرة بزاف
ننزعها على النار و نضيف الملون غير شوي

نضعها تبرد مع الخلط من حين الى حين او نغطيها بالبلاستيك
كي تبرد نضيف الليمون مع ترك القليل منه و نخلط باليد فقط
نضيف la crème chantilly و نضرب بالمضرب *

نضع طبقة معتبرة فوق الجينواز و نضعها في الثلاجة

طبقة la crème chantilly au citron
الليمون لي خليناه من la mousse نضيف الماء البارد حتى ندير نص كاس
نضيف la crème chantilly en poudre و نطلعها بالمضرب نضعها في الكيس الحلواني و نزين فوق la crème citron

يمكن التزين أيضاً بالنعناه و شرائح الليمون طايبة مع السكر و القليل من الماء

انا بياض البيض لي بقالي خدمتو meringue بطريقة الحمام المائي
بياض بيضة بثلاث ملاعق سكر خشن و رشة ملح
و شكلة شرائح ليمون كيما في الصور

*عاشقة الجنة* · 2013-12-11, 17:00

*أم كوثر*

وصفة لياجوا امانوس المحرّف ههههههههههه

جاء في بالي في وقت متأخر وكاش لي يجيبلي البيض لي كان عندي درتو في العشاء
مالا خطرتلي فكرة التحريف

درت نص لتر حليب
2 مغارف كبار سكر
مغرف كبيرة ونص نشاء
كلهم على النار
يعني بلابيض
حتى تخثار بعدتها على النار وضفتلها مغرف كبيرة ديكوجال كرامال وحركت مليح واممممممممممممممم وهي سخونة
هدا هو السر
خرجت كريمة بطعم الكرامال روووووووووووووعة
وكملت زينت بالشونتيي عادي وللاسف مالحقتش نصورها
نتمنى تستفادوا من الفكرة

*عاشقة الجنة* · 2013-12-11, 17:02

oum anas 69

هذي عجينة الكرواسون لإلهام

هنتهم بعد ماخمرو بالبيض عادي ممبعد قبل مانخرجهم بدقيقة من الفور دهنتهم بالعسل و رجعتهم للفرن شاعل من فوق برك دقيقة فقط يولو بهذا اللون و لمعة العسل تثبت لأنها تنشف شوية و يعطي للمعجنات لون محمر موحد يعني كامل الحبات لون واحد

ام اريام · 2013-12-11, 19:55

أختي عاشقة الجنة ,حبيت نقولك ربي يشفيلك الوالد الكريم و يعطيه صحتو و يخليه فوق روسكم قولوا آمين يا رب العالمين.

oum ibrahim · 2013-12-12, 18:19

فايزة 44
تارت بالفلان
درت الفلان كيما في الكيكة شوفيها تاع ام اماني وفرغته مباشرة في مول تاع السيلكون وخليته يجمد

والكيكة اللي من تحت قطعتها دوار نفشس قطر المول اللي درنا فيه الفلان ثم دهنه بشويا لاجولي او سوبر كرام والجواني تاع الدائر دهنتها كذلك ورمدتها في البسكوي ( البقايا تاع البسكوي اللي بقاو رحيتهم ) ثم قلبت فوقه الفلان برفق وزينت سوبر كرا تاع الكراميل او بالديكوجال

المول استعملت تاع 6 ماش تاع 8 باه يجوني شويا كبار وفردية

أمة العزيز · 2013-12-12, 22:05

بارك الله فيك ويعطيك ألف عافية

*عاشقة الجنة* · 2013-12-14, 14:24

فايزة44

صابلي بفلان فاني

الوصفة:

نحتاج :250غ زبدة طرية ، نصف كاس سكر ناعم وعلبة فلان فاني تاع 50غ تاع نصف لتر ، حبة بيض وكاس مايزينة ونصف مغرف صغيرة خمارة حلوة ولفاني ونلم بالفرينة وبسسسسسس

تطيب عادي ونلصق بالمعجون خلطت معاه سوبر كرام كراميل

صورة المول

ميار صهيب · 2013-12-14, 22:49

جزاك الله الف خير
علي مجهودك المبدول
وبارك الله فيك