تجهيزاتنا للشهر الفضيل

[جهينة اليقين]

سلاام اهلا رندة الحمد لله هاهي بانت واحدة
اليوم نقيت الصالون وغسلت ليزور الخمد لله تهنيت ليلة العيد ان شاء الله نفرشها
وبنتي نقات الكولوالر ومسحت الفايونس وسيقت الحوش

[جهينة اليقين]

هيا فراشات واش راكو ديرو باش نحفزو بعضانا على بالي عيينا بصح نهار العيد لازم الدار تكون نقيقية

[رندة.]

صباح الخير عليكم
اهلا جهينة، ان شاء الله تكونو بخير كامل، بالنسبة للتنظيفات كيما قلتلكم من قبل انا ندير حملة خفيفة لخانش قبل وبعد العيد نكون عند عجوزتي، وحاليا راني نقوم غير بالروتينات اليومية خاصة مع التعب تاع حلويات العيد.

[omelbanin]

السلام عليكم،كيف حالكن .
انا البارح كملت الحلوة،اليوم غسلت عرام حوايج ،غسلت الكوزينة وفرزتها ،وسيقت كلش ،لحقت للساحة عييت،ومبعد قلت نكملها باش نريح،سيقتها اللّٰه اللّٰه،على 3كملت ،يبقالي غدوة ان شاء اللّٰه نفرش الصالون ،ونوجد الحلوة لرايحة نمدها نديرها في علب.وندوش للذراري ،والصحة والهنا.

[رندة.]

مساء الخير عليكم وصحة فطوركم
يعطيك الصحة يا أم البنين الحمد لله إلي كملتي أشغالك وتهنيتي منهم، ولعقوبة للعام الجاي ان شاء الله.

[رندة.]

بمناسبة حلول عيد الفطر المبارك أقدم لكم أخلص التهاني و أطيب الأماني، جعلنا واياكم من المباركين و المهنئين لهذا الشهر و إن شاء الله صيامآ مقبولآ، و كل عام و أنتم بألف خير أعاده الله علينا باليمن و البركات.

[جهينة اليقين]

صح عيدكم وتقبل الله منا ومنكم سائر الاعمال

[nina hnina]

صح عيدكم كاملين وتقبل الله منا ومنكم ولعقوبة لعام الجاي

[crono]

مساء الخير حبيباتي. فراشات
صح عيدكم تقبل الله منا ومنكم الصيام و الطاعات ان شاء الله.
ان شاء الله تكونو كامل بخير كل وحدة باسمها ربي يهنيكم و يرزقكم ماتتمنون اااامين.

[omelbanin]

تقبل اللّٰه منا ومنكم الصيام والقيام،وكل عام وانتم بالف خير.

[رندة.]

مُعايدة صلة الأرحام والأقارب والجيران

https://www.djelfa.info/vb/showthrea...post3997555996

[ام هزار]

عيدكم مبارك حبيباتي كل عام و انتن الى الله اقرب
انا في هادا العيد و الحمد لله عايدت قريبة لي من الارحام كنت اخدة منها موووووووووووقف و الحمد لله على نعمة ضبط النفس
شكرا لك رندة

[crono]

صباح الخير عليكم وصح عيدكم لمرة تانية البارح عطيتيني بنتي نشاط كبير كنت مع التعب تاع رمضان والعيد مع الضروف لي كنت فيها
والسخانة عندنا بدات غسلت الاغطية لي خليتهم قبل رمضان عونتني بنتي فهم
أما بالنسبة لتخزين نغطيهم في لاكياس انا خيط لاكياس كما غلاف المخدة بدرة قديم نحطو الفراش داخل و حطيتهم فيها نشفا جدة الله يرحمها كانت تدير هاذ الطريقةمن زمان وديتها عليها حتى الآن نديرهم فالبلاكار بهاذ الطريقة حتى لي مونتوا والبرانس نخبيهم هكذا كي كنت في دارنا كان عندنا بعض الملابس والافرشة اللي ما نستعملوهاش نخبوها غير للضياف ولا كاش سبة لكن كنا لما يجي الصيف نخرجوهم ونحطوهم فيااشمس ونعاودوا نخبوهم يعني الخدمه فيها فيها أنا هذه الأعمال بالنسبة ليا عادي
هيا نديرو فلكوراج وندو شويا افكار

[crono]

لبنات وراكم خلاص هربتو هههه

[samophisique]

عيد مبارك لكل الفراشات