الجزء184 من واش طيبتي اليوم.... كوزينة التألق و النجاح

[mimi_belle]

صباح الانوار
يعطيكم الصحة على الاطباق يشهوووو انا مازال ما حطيت والوووو بصح نهار لي نقلع نحط غي لاقو على رواحكم هههه
نهاركم مبارك و سعيد ان شاء الله

[Fifilondon]

ميمي صباح الخير وفي انتظار اطباقك حنونة
ام رحاب صباح الخير نورتي الكوزينة واطباقك روعة يعطيك الصحة
حياة شكرا يالحبيبة علبالي بلي ماتردنيش ولكن ام هدول كفت ووفت يعطيها ابصحة وان شاء الله نطبقوقريبا حقى شطيطحة لفت تبان تشهي بصحتك
سحابة مشاء الله القرتان خفيف ويشهي بصحتك
ام فاطمة صباح الخير وكي العادة الكوزينة تعمرت بخيرك صورة فنية الله يبارك ويكثر خيرك
ام هدول العفو حبيتي تستاهلي كل خير وصباحك بالخير

[Fifilondon]

نبهال صباح اىخير ويومك موفق ان شاء الله
لبنات طالبة تاريخ سعيدة ام يوسف محتاجة لعفو الله وين راكم يومكم موفق ان شاء الله

[زوجي توأم روحي]

المشاركة الأصلية كتبت بواسطة ملاك ملاكي

حيوتي رانا تيف تيف مام انا هدا وين الملاك نتاعي رقد كي قلتي انتهزت الفرصة وقلت نطل والله صدقتي بخصوص الصفحات هااااات ماعندك يجريو فلييييشة هاهاهاهاها الله يباااارك على النحولات
ربي يكتبها في ميزان حسناتك يا رب العالمين راكي منتهلية فينا وماكيش انانية مشاركتينا روحي الله يجعلها قدامك خضراء وراك خضراء هذا اذا ماكيش في الخضراء هاهاهاهاها قصدي زوجك الكريم لابس توني خضراء هاهاهاهاها

السلام عليكم انا جديدة معاكم بارك الله فيك اختي وصفات روعة

[حياة نور الدين]

صبااااااح الانوااااار
كيفاش صبحتوا حبيباتي
اليوم راااااااحة الحمد الله صبحنا راقدين هههه

ام هدول كي صبحتي اختي عشايا كان تليتلي واللفت تحرحرت به في لفطور هههه كي كنت دايرة انتفاضة ههههه


ام رحاب يا هلاا بالغلااا واش راكي حبيبتي نتمنى تكوني ريحتي وشكرااا على وصفة البدنحان والمشوشة والقهييييوة

ام فاطمة للقاطو هااايل حنا ثان كنا نديروه زمان بصح راكي تعرفي مكانش لابوش هداك ابلوقت نخدموه بالفرشيطة خخ وصفاتك ساهلة وروووعة

نهال صباحوووو حبيبتي وانتفاضة السكاكين رووووووعة هههههه مقلتلناش شيخك عجبوا البينيي ههههه

فيفي صباح الاننوار من وراء البحار واش راكي وواش مطيبين خخخخ اليوم معنديش الفطور شوية تليتلي للبنات برك يبقى انا ومهدي

بصحتكم البياس مونتي ههههههه
واصبروا عليا نقعد ونخدم الوصفات مصورة

[حياة نور الدين]

ميمي بال يااااو غير حطي ماعليش ونلبسوا antibal هههههههه

زوجي توام روحي اعطينا اسم خفيف نعيطولك به ومنوووورة حبيبتي

امنية ، ام يوسف وين رااااكم توحشناكم

[البحر الصافي]

صباح الخير لبنات وشراكم ركم في بالي غير الوقت مكانش الله غالب
جبتلكم ضيفة معايا تهلاو فيها حتان نوجد لغدا علابالي الكوزينة معمرة بالخيرات تاع الفحلات
حياة كان بقا المقروض اعطيها حبيبات جاك هايل بصحتكم
شفت صفحة ولازوج خفوفي برك كي نرجع نراجع باذن الله

وهذا من عندي باش متقولوش حابت ضيفتها وهربت خلي تاكل الحمص وتقيلني شوي راني حاصلة مع الشغل
ايا ربي يعيني ويعينكم

[سحابة باردة]

كيصبحتو نتم ووليداتكم وبناتكم أن شاءالله بخير
بعد ماقتلتني حياة بسخفة بالمقروط نتاعها مقدرتش نقاوم وخدمت مقروط المقلى لأول مرة بيا الحماس هههه خدمتهم كبار باش ناكل ونبرد قلبي بصح والله غير بنبن يهبل
نروح نراجع واش فاتني


IMG]https://a./p_691om0rv1.jpg[/IMG]

[البحر الصافي]

اوااااااه كامل حكمتكم حمى المقروض وراكم شخفتوني ظرك واش ندير
عندي الغرس معجون وراح الحال مياكفيش ندير ظرك
سحابة جاك هايل بصحتكم عندك الحق تكبري الحبة مممم
مرحبا بالوافدات الجدد
حتى انا جبت صحني من الارشيف قالك عاند ولا تحاسد

في امان الله وحفظه

[nihal159]

كتبت رد طويل عريض و النت كلاتهولي، المهم نرحب بلبنات لي ذخلو.
ميمي بل راكي تخوفي فيناهههههههههههه هيا خلينا نشوفو طيابك و نستماعو به.
زوجي توأم روحي مرحبابك أختي.
حيوتة ليوم راكي كونجي هههه لولاد مايقراوش صبحتي راقدة، بصحتك.
بحووووورة مرحبا بك شكون هذي الشعنونة ههههه واقيلا بنتك ماخلاتكش تكملي الشغل ههههههههههه
سحابة بصحتك المقروط، حتى انا درك نعاندكم، مادام الوصفة ناجحة و ماتتحلش فالمقلة، خرجلك يشهي بصحتكم.
عشايا لبارح غراتان البطاطا و الدجاج

[البحر الصافي]

ههههه نهال صباح الخير
لالا ماشي بنتي ماعنديش بنات للاسف قلنا ضيفة جات للكوزينة
بصحتكم قراتا باين بنين وطيابك كلو بنين
سلااااااام

[mimi_belle]

الاخوات لي باغيين يديرو المقروض تاع المقلة نقولهم كي تشكلو الحبة احكمو غرفية فيها ماء او خليط ماء معاه شوية ماء زهر و غطسو فيها الحبة و اقلوها مباشرة في زيت سخون هاكا ما ينحلش في المقلة و يجي السطح املس و جميل.

[nihal159]

هههههههه بحورة اعذري غبائي ههههههههههه مرحبا بالضيفة هههههههه
ليوم النت كوشمار و أنا صايمة هههههه يعني زوج حوايج مايتلاقاوش في دزاير و هي انك تكونكتي و أنت صايم ههههههههه
المهم، صورتلكم، كيس حلواني شريتو، صراحة بانتلي روحي درت أفير ههههههههه، هئا الكيس الحلواني يجي معاه 7 أقماع، كل قمع يخرجلك شكل مختلف، و السعر خيالي 250 دينار، يعني باطل هههه، ان شاء الله تكون الصورة واضحة و يبانولكم رؤوس الأقماع.

[mimi_belle]

بصحتك اختي نهال الكيس الحلواني عندي كيفه و لكن يغبني شوية صغير باغيا نشري و حداخر كبير و لي دوي تاع اينوكس.

[mimi_belle]

بغيت نحطلكم بعض الصور بصح و الله ما عقلت كيفاش ندير يا ريت تقولولي