وصفات حراير الكوزينة الجزء الثاني

[idron0]

بغرير بالحليب touta2010
المقادير
كاس حليب دافئ
نصف ملعقة صغيرة خميرة خبز
كيس فانيليا
زوج ملاعق صغار خميرة حلوة
كاس ماء دافئ
ثلاث ملاعق سميد رقيق
الكل في الخلاط نضيف الفرينة حتى نتحصل على القوام المطلوب
نضيف الملح في الاخير باش مياثرش على الخميرة ونشغل الخلاط
نفرغه في اناء ونخليه يرتاح 10د
وبعد نطيبه.
ملاحظة : للامانة هو منقول.
إضغط هنا لرؤية الصورة بحجمها الطبيعي.





إضغط هنا لرؤية الصورة بحجمها الطبيعي.

[idron0]

القرنون Oum yousra

الطريقة راهي ساهلة ماهلة احكمي القرنون بعد ما تنقيه غليه في ألما و القارص و الملح شويا يعني ماشي حتان يطيب و من بعد حطيه يقطر امليح و جدي الحشو نتاعك اللي هو لحم مرحي داويه امليح كيما تحبي انا عن نفسي اللحم مرحي ندير فيه الملح و فلفل اسود و الثوم و القصبر أو المعدنوس و نلموامليح ب حبة بيض و فقط لأني مانحبش التوابل بزاف و عمري القرنون و حطيه في بلا تكوني حطيتي فيه شويا زيت و كي تكملي رابي طماطم نتاع الحب كثري باه تغطي بيها كامل القرنون و رابي فيها الثوم يعني في الطماطم و كثري و القصبر و الملح و الفلفل الأسود و لاكان تأكلوا الحار قصي الفلفل صغير و ديري شويا قصبر غبرا يعني راس الحانوت بصح ماتكثريش غير نص ملعقة نتاع قهوة و خلطي كلشي و صبي فوق القرنون و زيدي كأس ماء فيه شويا ملح و فلفل و لاكان تحبي قطع كنور نتاع الخروف حليها في كأس ما و صبيها في البلا انا صراحة مانحبش الذوق نتاعو خاطر مانحبش بزاف التوابل و غطيه و لوحيه يطيب و من بعد نحيلو الغطا و خليه يحمار شويا .

إضغط هنا لرؤية الصورة بحجمها الطبيعي..

[idron0]

بيزا منكهة بالأعشاب ومحشية بالجبن chez biba
(وصفة حورية المطبخ معتامداتها دايما )
إضغط هنا لرؤية الصورة بحجمها الطبيعي.
المقادير: 2بيزات
300 غ فرينة
3م.ك زيت او زيت الزيتون (حسب الرغبة)
1/2 م.ص ملح
1 م.ك سكر
1/2 م.ك خردل moutarde
1/2 م.ص أعشاب منكهة herbes de province
200 الى 250 مل ماء دافئ
1 م.ك خميرة الخبز
التحضير:
* نخلط جميع المقادير الجافة ماعدا الملح ، نضيف الزيت والخردل ونفكر مليح باليد
* نجمع الخليط على جنب ونحط الملح ونلوح فوقو شوي ماء ونخلط، نضيف الماء تدريجيا مع العجن حتى نتحصل على عجينة طرية وملساء
* تغطى وتترك في مكان دافئ لتختمر ويتضاعف حجمها
* حاولي تنزعيها برفق (ما تعجنيهاش) وابسطيها في البلاطو مدهون بالزيت واحشي الأطراف بالجبن قطع وزينيها والصور توضح
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
* بالنسبة للجبن ضيفيه في الاخير كي تطيب رجعيها دقيقة برك باش يذوب (نستعمل شيدار ذو نوعية جيدة )
إضغط هنا لرؤية الصورة بحجمها الطبيعي.
وهنا من داخل
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

معجون البرتقال ريتاج تيارتية

ندير زوج حبات تشينة نغسلهم ونخرطهم شوي مع حبة قارص في الكونجيلاتور لغدوا من ذاك ولا المهم كي يجمدو مليح نسكرفجهم في الجهة الخشينة ونكون درت 2لتر ما يغلي لما يغلي نضيفلو 800 غ سكر وكاين اللي ييرو كيلو نضفها للما ونخلي لما يغلي نضيف اتشينة والقارص اللي سكرفجتهم وونقص النار ونخليه يطيب في غرضو حتى اللي يعقد.

إضغط هنا لرؤية الصورة بحجمها الطبيعي.

[ام سراج وملاك]

طاجين البطاطا بالسردين عازفة الناي

تفضلي حبيبتي وصفة طاجين البطاطا بالسردين
نقي السردين ونغلسو مليح ونحضر الشرمولة
الشرمولة : زيت زيتون، عصير قارص، ثوم كمية مليحة ، معدنوس ، نعناع يابس ، ملح فلفل اسود ، كمون اخضر، شوي هريسة .
نحط الشرمولة بين كل زوج حبات سردين .
في قالب تاع الفرن نحط بصل شرائح وثوم شرائح ـ ونحطو شرائح البطاطا رقيقة و الجزر شرائح و دوائر طماطم ونزيدو زيت ، ملح فلفل اسود ، كركم و بهارات والرند و زيتون حسب الرغبة ونحطو حبات السردين الفوق ونضيف الماء مش بزاف و نغطي القالب بالالمنيوم وندخلها حتى تطيب
وبالف صحة

[yasmalak]

مطلووع ام رييييمة




شكرا حنان طريقة لعجايز هههههه دايما نخير دقيق الرقيق ومن النوعية الممتازة ونخليه خصيصا للمطلوع والشخشوخة ولمحاجب وانتاع الكسرة يكون شوية حرش نشمخو بالماء الدافى مع شوية لحضة وخميرة المطلوع لكل قرصة ندير مغرفة ندلك شوية واضعه فى الكيس المبلل يخمر نرجع ليه نزيدلو ش خميرة القاطو ندلك شوية باش اندير الملح مذوب فى شوية ماء وفى الاخير نلمو بشوية زيت ونضع كويرات يرتاحو لبضع دقائق ثم نقرصهم يخمرو ونطيبو فى طاجين الطين الخاص بالمطلوع جربت طاجين لحديد انتاع الشباك ماعجبنيش المطلوع اجى فيه القشرة اما تاع الطين هايل

[idron0]

تحلية زينب 83

جبت 4 كيسان حليب ، انا بدلت كاس بكريم فراش و اذا انت ماعندكش عادي ، و زدت 2 مغارف معمرين نشاء ، و نص كلس صوص الفراولة و حركت مليح و عطيتهم على النار حتى خثارو لكن ماشي بزاف يعني تبقى سائلة باه جي soupleماجيش ثقيلة و خلطت مليحة ملعقة فاني و ملعقة ملء زهر و خلطت مليح و حطيتهم يبردو و مباعد زينت بصوص الفراولة لي بقات، انا مادرتش السكر لانها جاتني حلوة و انت اذا حابة تزيدي زيدي ، لازم تحركي المهلبية حتى طيب باه جي ذائبة مافيهاش الحب و مالازمش جي عاقدة بزاف.
صوص الفراولة :
كمية من الفراولة تقريبا نص رطل مقطعة زدتلها ثلث كاس سكر و وشوي ماء قيس ما غطاها و طيبتها حتى عقدت.
الصوص جي كيما هذي




إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[أم ماجد]

روووز بالكرام فراش ولي شومبينيون
قلي مرقة بيضاء وكثري التوابل على خاطر الروز يحب التوابل وهام ليك توابلي
في الكوكوط حطيت ثلاث طراف دجاج ورابيت بصلة متوسطة و4 سنينات ثوم ودرت الملح ونص مغرف صغيرة فلفل اسود وزوج مغارف صغار كسبر وزوج مغارف صغار راس الحانوووت ونص مغرف زنجبيل ومغرف صغيرة كركم وزوج مغارف زيت قلي الكل مليح ومبعد مرقي غير ب4 كيسان ماء اغلقي الكوكوط باش يطيب الدجاج كي تحلي على الكوكوط تلقاي صوص خاثرة وممممم خليها بجيهة
طياب الارز نستعمل ارز بسمتي الوسام ونكيل كل كاس روز بزوج كيسان ماء نملح ونحط عليه نص مغرف فلفل اسود وزوج مغارف زيت ونحطو يغلي على نار قليلة كي يطيب نسمغو بمغرف كبيرة زبدة ستار ونخليه بجيهة يتشرب الزبدة
لي شومبينيون نغسلهم ونقطرهم مليح ونحطهم في مقلة ونحمرهم بشوي زبدة
نجيو للصوص تاعنا كي يطيبو لي شومبينيو نردهم في المرقة ونزيد عليهم تقريبا نص كاس كرام فراش ونغلي غلية ونطفي
نحط الروز في الصحن ونزينو بالصوص ولي شومبينيون واللحم نحمرو ونرفقو بشوي صوووووووص
وبسسسسسسس

الوصفة لصاحبة احلام لزيزة م تاجو القرعاجة ههههههههههههه

[idron0]

قاطو مايطيبش عطرالذهب

زاكككككيييييي الكيلة تجيبلك 100 حبة
2 بيمو مرحي + كيلو كاوكاو محمص ومرحي +رطل معجون +نص كاس عسل وتشكليه اما حرابيش وتقطعيهم او كويرات وغلفتو بالشوكولا بيضا وزيقزاق قلاصاج .

[idron0]

لبجاوية عطرالذهب

كيلو فرينة +لوش زبدة ذايبة +3 بيضات وقرصة ملح وتبلي بشوي مازهر
تخدميها في الماشينة تاع البقلاوة وتخرجيها رقيييييييييقة وتمرريها على جيهة الرشتة وتقليها بالخف قيس ماتشيح لو تخليها تصفار كي تنحيها تلقايها حمرا
تزيديلها كيلو كاوكاو محمص ومرحي +2علب شامية وكيلو عسل جاهز ودافيء تخلطيهم مليح وتبسطيهم في لبلا لكبير وتبسطيها ملييييييح وتزينيها بشرائح اللوز محمص والملمع الغذائي وتخليها تبرد وتقطعيها الشكل اللي تحبي .

[أم ماجد]

المقادير 5بيضات+1\4لتر ماء اي ربع لت ماء 100g زيت او زبدةتعطي نفس النتيجة +200gفرينة مغربلة+نصف كيس خمير حلويات
اولا نضعالزيت والماء يغليو راه يبدا الزيت يتطاير ماتخافيش حطي الفرينة دفعة واحدة وحركي بسرعة حتىتتشرب هداك السائل وتبدا تلصق نحيها من فوق النار ومباشررةانقليها الى الخلاط انا وضعتها في صحن عميق وخدمت بالباتور اضيفي الخيرة والعينة سخونة واستعملي البيض الواحدة تلوى الاخرى بلاما تحبسي الباتور يعني كي تدخل البيضة في العجينة زيدي البيضة الاخري الا ان تتشكل العجينة مباشرة ضعيها في كيس الحلواني وشكليها انا المرة هدي استعملت شكارة الحليب جاتني احسن وتكوني مسخنة الفرن من قبل على درجة 180درجة وحطي البلطو انتعك حوالي 45دقيقة يكون واجد ماتحليش اعليه خليه يطيب انا شعلتلو شوية احما ر من فوق واحشو انتي ودوقك وامكانيتك وانشاء تنجحو فيه كيما انجحت فيه وشكرا لصاحبة الوصفة ناريمان 2015 والي تنجحلو الوصفة يدعيلها دعوة زينة

الوصفة على لسان ام رشدي

[أم ماجد]

اختي ام اسماء نفس السويس رول لي حطيته قبل تفضلي

5 بيضات 120غ سكر والفاني نخلطهم جيدا حتى يبياض ويتضاعف الخليط
نضيف 120غ فرينة مع ربع م ص خميرةاكيييد مغربلين نضيفهم على3 دفعات والسباتولا نحرك من فوق لتحت

نفرش البلاطو بوررق الزبدة نفرغ الخليط وندخله يطيب في فرن يكون مسخن مسبقا على 180د من 7 الى 8د على حساب الفرن

من بعد روليه وخليه 10ج من بعد احشيه حسب الرغبة انا حضرت كريم باتسسير وخففتها بشوية كريم شونتيي وزينته من فوق بالكريمة من بعد بالملعقة حطفرغت سوبر كريم راهي متوفرة وبعدة اذواق

[أم ياسين الزهراء]

قاطو عطر الحلوة


راهو طاغطولات للعجينة رطل زبدة وكاس سكر ناعم وعلبة فلان وبيضة وصفارين وكاس نشاء و1 خميرة وتلمي بالفرينة طيبتها في ليمول الصغار ومن بعد حشيتها بالنوتيلا وفوقها النيستلي وزينتها ب2 حبات حلقوم صغار على شكل برج تشينة تتباع عند خويا كان تحبي نجيبلك باطة فيها 450 حبة ب40 الف

[rokiaassil]

الله يبارك في المنتدى وحرايرو

[تنهنان تي تي]

له
هذهي قصعة شخشوخة للاخوات الي علموني كيفاش نطلع التصاور الاخت كاتي حياة وريتاج التيارتية وام ريهام وام حمزة وروضة شكرررررررررررررررررا