ربي يعطيكم واش تتمناو عاونوني

[BJR]

صح فطوووركم بنات





والله ماني عارفة منين نبدا موضوع صراحة نحشم بيه و ماقلتش لحتى واحد الحمد لله لقيتكم اخواتاتي الله يبارك نشوف فيكم اللي يطلب مساعدة تعاونووه ان شاء الله تساعدوني بنات............... أنا ...... نحشم نقولها مانعرفش نطيب :'( انا كنت نعشق الدراسة مانوضش خلاص من الغرفة تاعي و ماما ربي يجازيها خير كانت مدلتني بزااااااااااااف ماتقوليش خلاص ارواحي عاونيني ,,,,, ولا كي نجي نعاونها نخدم كلش غير الطياب نخليهولها و دوكا كي تخرجت و زيد تخطبت حسيت بلي راني روووووووووووطار بزاف و عمري ماراح نتعلم و خايفة الوقت ما يكفينيش انا مادابيا كي نروح لدار راجلي نكون نعرف كلش يعني مش كلش كلش الاساسيات

تعيشو بنات ديروني اختكم الصغيرة اللي ماتعرف والو وحابين تعاونوها

انصحوني اعطوني الوصفات تع كلش حتى الماكلة تع كل يوم ربي يجازيكم خير والله راني محطمة كليااااااااااااااااااا طلعولي شوية المورال

[kawtherrmalak]

انا تانيك كنت كيما انت مي قررت اني نتعلم الطياب بديت نشوف في النت ونجرب وخاصة في هدا المنتدى راه فيه مشاء الله ننصحك تجربي منهم لان وصفاتهم ناجحين بإذن الله انا كانوا الوصفات ينجحولي مرة 80 مرة 90بالمية وان شاء الله نوصل ل100ب100ههه

[أم تيم الله]

السلام عليكم أختي
و الله و الله و الله أنا كنت مثلك و بلاك كثر منك نعرف ندير كلشي ألا الطياب و لكن من تخطبت بديت نتعلم الماكولات التقليدية نتاع المنطقة نتاعنا و كل مرة نفشل و متجيش بنينة و نبقى مستمرة في المحاولة حتى فلحت فيهم
و كيما قالت الأخت باقي الاطباق جربتهم قبل الزواج و بعده و معظمهم من منتدانا الحبيب 100 بــــ 100 مضمونين
و نصيحة اياك تقولي لخطيبك بلي متعرفيش تطيبي قولي نعرف و سميلو أطباق معينة بشرط تكوني في نفس الوقت راكي تحاولي يضبطوا معاك
و هذا أول عزيمة ليا كانت من تطبيقاتي لعضوات المنتدى الحبيبhttps://www.djelfa.info/vb/showthread...post1056730326

[ام حمزة22]

حبيبني ما تخافي ما والو مرانيش رايحة نضيفلك واش قلولك البنات يعطيهم الصحة راكي درتي الخطوة الاولى وهي حبك لتعلم الطبخ واكيد مادام تحبي تتعلمي راح تنجحي بادن الله
في الحقيقة ما كانش لي زاد معلم حتى ولو تعلمتي في بيت اهلك راح يكون طياب اهل زوجك مش نفس الطياب حتى الطريقة تختلف من مكان لمكان
انا مثلك ما وصلتش وين وصلتي في الدراسة ما شاء الله عليك بصح تزوجت صغيرة ما كنتش نتبع امي فتحضير الماكولات كيما قلتي نخدم شغل والطبخ لامي
بصح الفترة لي قعتها في البيت وهي فترة قصيرة جدا قدرت نتعلم حتى كي تعلمت لقيت اهل زوجي ما يطيبوش بنفس الطريقة لي طيب بيها امي حفضها الله
سامحيني درتلك جريدة برك با ش نطلعلك المورال كيما قلتي
والطياب بادن الله رايحة تتعلميه مع حراير الجلفة
صح فطوركم

[nassima18]

رانا كامل نتعلموووووووووووو

[وسيمツ]

ابدئي بالجاري و المؤكولات التقليدية
برأيي من كانت تتقن هاته الأخيرة ، خاااصة أكديلي على التقليدي
يعني انتهت المهمة
و يعني الراجل ما يميزش الماكلا مليحة ولا لا خاطي لا كانت مالحة بزاف أو مسوسة
عدا ذلك فلن يفقه المسكين شيئا
ربي يعاونك ســـــــــــــــاهلة متتقلقيش
في أمان الله

[BJR]

المشاركة الأصلية كتبت بواسطة kawtherrmalak

انا تانيك كنت كيما انت مي قررت اني نتعلم الطياب بديت نشوف في النت ونجرب وخاصة في هدا المنتدى راه فيه مشاء الله ننصحك تجربي منهم لان وصفاتهم ناجحين بإذن الله انا كانوا الوصفات ينجحولي مرة 80 مرة 90بالمية وان شاء الله نوصل ل100ب100ههه

مشكوووووووورة اختي ربي يجازيك خير

المشاركة الأصلية كتبت بواسطة أم تيم الله

السلام عليكم أختي
و الله و الله و الله أنا كنت مثلك و بلاك كثر منك نعرف ندير كلشي ألا الطياب و لكن من تخطبت بديت نتعلم الماكولات التقليدية نتاع المنطقة نتاعنا و كل مرة نفشل و متجيش بنينة و نبقى مستمرة في المحاولة حتى فلحت فيهم
و كيما قالت الأخت باقي الاطباق جربتهم قبل الزواج و بعده و معظمهم من منتدانا الحبيب 100 بــــ 100 مضمونين
و نصيحة اياك تقولي لخطيبك بلي متعرفيش تطيبي قولي نعرف و سميلو أطباق معينة بشرط تكوني في نفس الوقت راكي تحاولي يضبطوا معاك
و هذا أول عزيمة ليا كانت من تطبيقاتي لعضوات المنتدى الحبيبhttps://www.djelfa.info/vb/showthread...post1056730326

يعطيك الصحة اختي والله فرحتيني ربي يعطيك واش تتمناي

المشاركة الأصلية كتبت بواسطة ام حمزة22

حبيبني ما تخافي ما والو مرانيش رايحة نضيفلك واش قلولك البنات يعطيهم الصحة راكي درتي الخطوة الاولى وهي حبك لتعلم الطبخ واكيد مادام تحبي تتعلمي راح تنجحي بادن الله
في الحقيقة ما كانش لي زاد معلم حتى ولو تعلمتي في بيت اهلك راح يكون طياب اهل زوجك مش نفس الطياب حتى الطريقة تختلف من مكان لمكان
انا مثلك ما وصلتش وين وصلتي في الدراسة ما شاء الله عليك بصح تزوجت صغيرة ما كنتش نتبع امي فتحضير الماكولات كيما قلتي نخدم شغل والطبخ لامي
بصح الفترة لي قعتها في البيت وهي فترة قصيرة جدا قدرت نتعلم حتى كي تعلمت لقيت اهل زوجي ما يطيبوش بنفس الطريقة لي طيب بيها امي حفضها الله
سامحيني درتلك جريدة برك با ش نطلعلك المورال كيما قلتي
والطياب بادن الله رايحة تتعلميه مع حراير الجلفة
صح فطوركم

مشكووورة اختي بالعكس لا جريدة لا والو كلامك عسل طلعتيلي المورال

[BJR]

المشاركة الأصلية كتبت بواسطة nassima18

رانا كامل نتعلموووووووووووو

ربي يوفقنا جميعا

المشاركة الأصلية كتبت بواسطة وسيمツ

ابدئي بالجاري و المؤكولات التقليدية
برأيي من كانت تتقن هاته الأخيرة ، خاااصة أكديلي على التقليدي
يعني انتهت المهمة
و يعني الراجل ما يميزش الماكلا مليحة ولا لا خاطي لا كانت مالحة بزاف أو مسوسة
عدا ذلك فلن يفقه المسكين شيئا
ربي يعاونك ســـــــــــــــاهلة متتقلقيش
في أمان الله

يعطيك الصحة اختي على النصيحة راح نخدم بيها جزاك الله ألف خيييير

[bibajoury]

ختي bjr والله تقول طليتي على قلبي علابالك نفس حكايتي بصح انا ضرك راني متزوجة صح عانيت في الاول شوية ومنين بديت نتبع في وصفات الاخوات من هذا المنتدى الاكثر من رائع وليت شوية نشبه المشكل اني نخاف بزاف من الطياب و ماعنديش ثقة في روحي و انا ننصحك حاولي مرة و 2 و .......................100 حتى تنجحي باذن الله و ماتهابي حتى واحد في الطياب كيما انا نخاف من عجوزتي حتى عقدتني وشكرا على هذا الموضوع

[noussa_94]

يبـــدو ان لنا نفس الاشكــــــال غالــــــيتي
حـــــتى أننــي أندم أحيــانا عن الوقت الدي ضــاع في الدرآآسة

ان شــاء الله بالتجربة والمواظبة رآآح نتعلموو
بالتوفــيق

[BJR]

المشاركة الأصلية كتبت بواسطة bibajoury

ختي bjr والله تقول طليتي على قلبي علابالك نفس حكايتي بصح انا ضرك راني متزوجة صح عانيت في الاول شوية ومنين بديت نتبع في وصفات الاخوات من هذا المنتدى الاكثر من رائع وليت شوية نشبه المشكل اني نخاف بزاف من الطياب و ماعنديش ثقة في روحي و انا ننصحك حاولي مرة و 2 و .......................100 حتى تنجحي باذن الله و ماتهابي حتى واحد في الطياب كيما انا نخاف من عجوزتي حتى عقدتني وشكرا على هذا الموضوع

مرسي حبيبتي الله حتى انا نخاف و نديقوووووووتي خلاص كي ما تصلحليش الحاجة البارح جربت قلب اللز جاني يابس كرهت حياتي ..... قليلي اختي يعني كي نتعلم الاطباق التقليدية يعني الرئيسية و شوية اطباق عصرية نقدر نتعلم اطباق اخرى بعد الزاج لا لازم نتعلم كلش قبلووو

اسمحيلي كثرت عليك

المشاركة الأصلية كتبت بواسطة noussa_94

يبـــدو ان لنا نفس الاشكــــــال غالــــــيتي
حـــــتى أننــي أندم أحيــانا عن الوقت الدي ضــاع في الدرآآسة

ان شــاء الله بالتجربة والمواظبة رآآح نتعلموو
بالتوفــيق

راكي حاسة بيا مالا حننة الله نفس الشعور
ان شاء الله نتعلمو ياااااااااااااارب

[kikimnarim2]

ربي يبارك في كل اعضاء المنتدى الحبيب امين

[mrminouu]

شكرا جزيلاااااا

[lilii7179]

lما تخافش خلاص, انا نقولك في الفترة الأولى ما كانش كيما الخبرة نتاع امك, ما تبدايش بحوايج واعرين, حاولي تتعلمي طياب نتاع كل يوم, و معا امك هزي المقادير و اكتبي في كراس اذا اقتضى الأمر حتي كمية الماء اللي تمرقي بيه هزيها , كي توالفي تولي انتي تزيدي و تنقصي وحدك , من بعد كي تكون عندك شوية خبرة ولي جربي الوصفات انتاع الانترنيت, صدقني ماش حاجة واعرة les recettes de bases باينين كي تتعلميهم الباقي ساهل قضية وقت , ربي يسهلك و ربي كملك ان شاء الله

[سمسومة 05]

حبيبتي والله رانا كيفك انا وقتي ضاع في الدراسة ونفس وضعيتك في البيت ولما بديت نكبر حسيت بلي راني ضيعت وقت بزاف لكن صدقيني اول حاجة لازم تحبي الطبخ مش شرط تتعلمي كلش ونصيحة ماتبدايش بالحوايج الواعرين ماتقوليش لازم نتعلم التقليدي لانو من اول مرة مش رح تصلحلك والمحاولات الفاشلة تحبطك انا راني كيفك ونصيحتي ليك ديري كيما انا ابداي بالحوايج الساهلين خلاص وكل مرة زيدي حاجة محاولاتك الناجحة تخليك تتعلقي بالمطبخ اكثر وتحاولي مرة ثانية وتولي تبدعي في الطبخ ورانا نتعلمو من هذا المنتدى الاكثر من رائع انا اليوم درت قلب اللوز جا يهبل بصح جاني حلو بزاف لهذا قررت غدوة نعاودو ونقص كمية السكر باه نضبط الحلاوة اللي بغيتها وبهذي المحاولة الثانية نكون اكتسبت خبرة اكثر والمرة الثالثة نقدر نديرو وانا متاكدة من نجاحو والله الطريقة هذي طلعلك المورال وتنجحي في وصفاتك ان شاء الله