عااااااجل عاونوني

[*سيرين نور عيني *]

السلام عليكم بنتي عندها عام و ماراهيش ترقد ف الليل ترقد على العشرة و تنوضلي ع الزوج تع الصباح نعطيلها حليب مبعد متحبش تعاود ترقد مينداك حتى الربعة و تصبح نايضة ع ستة و نص ولا السبعة
عينيا راهم ساغني وش ندير ?? اعطوني حلول ربي يخليكم و يحفضلكم اولادكم

[Ambitious man]

هههههههه بون باش مانغركش يعني مضى من عمري غير 23 لذا لست اهلا لتقديم النصائح
بصح اصرعيها بالسولامين
انا ولاد ختي كامل كانو هكا ما يرقدوش كامل قريب كانت تمدلهم شوية سولامين باش يرقدو
وكبرو عادي
بصح شوية برك مش تمديلهم القرعة كامل
وربي يفرج عليك

[*سيرين نور عيني *]

راح كامل من بالي هذا السيرو بصح مايضرهاش نورمال ?? عندها عام برك !!!!

[وصال سلام]

خذيها الى طبيب اطفال يعرف مشكلتها

ماتقدريش تعرفي يديرلها تحاليل وفحص عادي

احسن نصيحة

حابة تاكتيفي ههههههههههههههههههههههه للفكاهة فقط والله غير شفيتيني ربي يكون في عونك

[*سيرين نور عيني *]

شكرا اختي العزيزة نتمنى نلقى الحل و الله غير عيييييت

[الطائعة لزوجها]

ربما راها في مرحلة التسنين و راها تتألم المسكينة جربي اعطيها مسكنات doliprane على حساب وزنها

[Ambitious man]

انا كانو في شهورهم الاولى وختي كانت تمدلهم شوية
الله اعلم ما يضرهمش
بصح كيما قالولك بعض الاخوات اديها للطبيب وخلاص
او كمزحة فقط اصرعي نفسك انت بالسولامين وخلي باباها يتهارد بيها (مزحة فقط)
بالتوفيق وربي يفرج عليك

[Simassim]

!!!!!! السولامين راح يرقدها وانت تشبع نعاس. مين تكبر وتصارلها حاجة. واش راح ينفعك الندم. ولا العيا. ولا الحسرة؟؟؟؟!!!!!.
مهما كان الدواء كل شي عنده تاتيرات جانبية الكبار وماراهمش سالكين. يسلكو الصغار. ؟؟؟؟؟؟؟.

ندوش شوفي انت. واش تبدل. في محيط تاعك. اذا كانت ترقد من قبل اولالا. الطفل كالاسفنجة يحس بقلق الاهل. ويمتصه

وهاد المرحلة. تاع السنين. تدير هكذا. شوفظ انت كيفاش كنتي وقت خرجولك ضرس العقل. تاتر عذى بزاف امور ماشي شرط الالم. حتى نفسيا. وتخس روحك ماشي مليحة ومضغوطة.

املا ها. الاحساس كامل. يحس بيه الصغير. وقت التسنين. اذا حبيتي تخففي عليها عندك غي الباراسيتامول يمكن تنفعك. او تيزانات تاع البابونج تهديهم

وزيد فهاد المرحلك الصغير يبدا يحاول يفرض رايه. ويعاند. حاولي تكوني حازمة معهد شوي. والخليب فالليل ماتمدلهاش مدام راها تتعشى او مدلها قبل ماترقد. وفالليل اذا بكات مدلها الماء. وماتشعلش عليها الضوء وماترفدهاش من مكانها. وحاول تفهمها مرة او زوح وخليها تبكي نهار يومين. توالف وترجع ترقد.

راني حاسة بيك. انا تاني كنت ومازلا كيفك. ولدظ طبيعتو رقادو قليل. الحمد لله على كل حال. ولش تدير هادي هي التربيه.

تاني اذا ماكانشتاكل مليح. يممت نقص المواذ الغدائية يسببلها الارق خاصة لحديد.

[جوهرة الغرب.]

حنونة راني كثر منك انا كل ربع ساعة تفيق وتحوس عل زيزتها سي نو تقلب عليا الدار بالبكا وعل جال باباها نستسلم ونبات فايقة معاها... الله يصبرنا ويقوينا

[نورهان*]

خليها برك عادي

[نورهان*]

انا بنتي ثلاث سنين وماترقدش في الليل عادي

[أم عبيد]

ربي يسر أمرك

[التـــــــــــــــــــائهة]

ندوش انا بنتي ترقد على الواحدة تاع الصباح و أنا خدامة و مرات تنوضلي في الليل
حاولت انظم نومها لم أستطع



و ليت انا اللي والفت طبيعتها في الرثاد ...واش اندير المهم ماتمرضليش

[*سيرين نور عيني *]

شكراااااااا بارك الله فيكم على الردود