ابني يعاني من الامساك

anissa90 · 2014-11-20, 11:05

السلام عليكم والله ابني راح في حالة مسكين يعاني من الامساك شديد طبيب قالي بدليلو الحليب كان بنورسي كونفورت بعدها نوفالاكtransit مدهلي طبيب ولكن كيفكيف دائما عندو امساك بعدها مدتلو نورسي اكسبرتيز زاد عليه و الان راني ببيوميل نفس الشئ قلولي واش ندير و الله قلبي مقسوم عليه مرة على مرة نديرلو غليسيرين باش نعونوا انصحوني بي كاش حليب ولا تيزانة تخفف عليه شكون جربت تيزانة لي تتباع عند صيدلي افيدوني من فضليكم

karima tati · 2014-11-20, 11:44

شوفي اعطيلو دائما تيزانة تاع زريعة البسباس مخلط بشوي كمون و حبة الحلاوة هايلة و كي تمديهالو باذن الله راح تشوفي النتيجة
و ادهنيلو كرشو بزيت الزيتون و مام التيزانة تاع الصيدلي مليحة جربتها مي الافضل الاولى اللي ذكرتهالك
ادا وليدك فات 4 اشهر تقدري تشربيلو في الليل شوي زيت زيتون

anissa90 · 2014-11-20, 11:50

اقتباس:

المشاركة الأصلية كتبت بواسطة karima tati

شوفي اعطيلو دائما تيزانة تاع زريعة البسباس مخلط بشوي كمون و حبة الحلاوة هايلة و كي تمديهالو باذن الله راح تشوفي النتيجة
و ادهنيلو كرشو بزيت الزيتون و مام التيزانة تاع الصيدلي مليحة جربتها مي الافضل الاولى اللي ذكرتهالك
ادا وليدك فات 4 اشهر تقدري تشربيلو في الليل شوي زيت زيتون

شكرا على الرد ابني عندو 11 اشهر عندو شهرا تقريبا و هو يعاني من الامساك نجرب و نرجعلك الخبر

karima tati · 2014-11-20, 14:36

ماشاء الله ربي يحفظو
ابنك راه تقريبا في عمر وليدي
راح نعطيك بعض النصائح اللي تتجنبي الامساك تاع وليدك
في الاكل ديالو ديريلو زبت الزيتون و كيما قلتلك شربيلو شوي كي جي راح يرقد
متعطيلوش ياكل الارز و قللي من الخبز و البنان
شربيلو عصير الفاكهة الطبيعي مشي الي فيه مواد حافظة
كتريلو من القرعة اكثر من الخضر الاخرى

ساندريلا · 2014-11-25, 00:52

ما شاء الله ربي يحفظه
نفس الشيء اللي حصل لابني مند بدأ الاكل و للان عمره سنتين و ما زلت اعاني مرات نبكي معاه من شدة الالم لكني منذحوالي شهر ارتاح قليلا
نصحتني طبيبة بتغيير الاكل كليا لانه ربما تكون عنده حساسية من الدقيق الابيض و صرت نعطيه اكل بدقيق الشعير و الشوفان و الذرة
اكثري لابنك من الخضر الغنية بالالياف مثل السلق و الكرنب بزااااااااف هايلين و كثريله من شرب الماء و الفواكه تجنبي الجزر و قللي قدر الامكان من البطاطا لاحتوائها على النشويات و كذلك الجبن
انا جربت كل واش نصحوك الاخوات تيزانة بكل انواعها زيت زيتون عصائر و لا شيء نفع
ساعة على ساعة اعطيه ملين زيت البرافين مليح لكن مش دائما التحاميل افضل حاولي اختي تعملي له ماساج على البطن يحرك الامعاء
هذه تجربتي ان شاء الله نقدر نفيدك و ربي يكون معنا
ربي يشفيهم لينا ان شاء الله

عطر الياسمين الاصلي · 2014-11-25, 11:37

السلام عليكم ربي يحفظلك ابنك ويشفيه انا سمعت انه ادا حطينا قطرة نتاع العسل الحر على السرة هو شفاء لكل الامراض ومنها الامساك

asma bb · 2014-11-25, 13:45

اعطيه بتيسويس او ياغورت لانو من الالبان و يمشي الكرش انا كي نمدو لبنتي منة حاشاكم تخمج منة هههههههه

ساندريلا · 2014-11-25, 15:36

اقتباس:

المشاركة الأصلية كتبت بواسطة عطر الياسمين الاصلي

السلام عليكم ربي يحفظلك ابنك ويشفيه انا سمعت انه ادا حطينا قطرة نتاع العسل الحر على السرة هو شفاء لكل الامراض ومنها الامساك

ان شاء اله اختي نجرب العسل انا تاني لابني حتى اذا ما فادتش ما راح تضرش

hloukaman · 2014-11-25, 18:20

السلام عليكم ورحمة الله وبركاته
نعطيك تجربتي وناجحة بإذن الله
شوفي أحكمي كتونات أنتاع الأذن وشمخيها فالزيت الزيتون وديريهالو كيف شميعات
دخليها بلطف وديري حركة دائرية كما تحركي القهوة ونحيه خلي لكوش تحتو خطش يخرج البراز تم تم

*ازهار* · 2014-11-26, 16:05

ربي يشافيه

anissa90 · 2014-11-27, 08:47

اقتباس:

المشاركة الأصلية كتبت بواسطة عطر الياسمين الاصلي

السلام عليكم ربي يحفظلك ابنك ويشفيه انا سمعت انه ادا حطينا قطرة نتاع العسل الحر على السرة هو شفاء لكل الامراض ومنها الامساك

نجربها عندي عسل حر ان شاء الله تكون نتيجة

anissa90 · 2014-11-27, 08:54

اقتباس:

المشاركة الأصلية كتبت بواسطة karima tati

ماشاء الله ربي يحفظو
ابنك راه تقريبا في عمر وليدي
راح نعطيك بعض النصائح اللي تتجنبي الامساك تاع وليدك
في الاكل ديالو ديريلو زبت الزيتون و كيما قلتلك شربيلو شوي كي جي راح يرقد
متعطيلوش ياكل الارز و قللي من الخبز و البنان
شربيلو عصير الفاكهة الطبيعي مشي الي فيه مواد حافظة
كتريلو من القرعة اكثر من الخضر الاخرى

امين يارب ان شاء الله
و الله ابني يرفض الاكل ياكل 3ملاعق و خلاص بسيف و الله ميخلي حتى حاجة الاكل يروح قع في شعره و عينيه و وجهي حرت واش نديروا عندو 11اشهر و وزنه8.5كغ

ابداع جزائرية · 2014-11-27, 09:18

السلام عليكم اختي ممكن تراسلي
الدكترو جميل القدسي الدويك على صفحته على الفيس بوك
وراح يردّلك ان شاء الله ...يتبّع نظام الغذاء الميزان مع مجموعة اعشاب وعنده فروع هنا في الجزائر
ماشاء الله عليه وان شاء الله يجيب ربي الشفاء

Basketteuse · 2014-11-28, 22:10

وكليلو عين بقرة ناشفة ،الصباح على الفراغ راهي فعالة جدا، وشربيلو زيت زيتون،وكثريلو الخضر راهي غنية بالألياف ، وكثريلو الماء
واعمليلو مساج في بطنه ابتداءا من السرة بشكل دائري نحو الخارج باتجاه دوران الساعة ، المساج عبارة عن ضغط خفيف بالأصابع وربي يشفيه ان شاء الله

panpouna · 2014-11-28, 22:21

mdilou nespray w choufi ana tani wlidi kan hakda atitlou nespray w a3tilou béttrave mfawer w marhi bzit azitoun w nahilou les carottes w les aliments li ydirou constipation w zidi daymen zit zitoun l makaltou w rabi ychafih