|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
تقريري المفصل لاول اسبوع في دورة الفراشات
 |
|
|
أدوات الموضوع | انواع عرض الموضوع |
2015-03-12, 19:13
|
رقم المشاركة : 1 | ||||
|
تقريري المفصل لاول اسبوع في دورة الفراشات
بسم الله الرحمان الرحيم
حبوباتي الفراشات اسمحولي بزاف لاني درت تقريري الاسبوعي في موضوع منفصل لانو شوية طويل بحكم اني نحب نكتب بزااااااااااااااف فياريت ان شاء الله الفراشات ماينزعجوش مني و يقراو تقريري  رايحة نتكلم عن كل التطبيقات الي تعلمتها في الدورة المميزة , كل تطبيق على حدى كيفاش ,كنت و كيفاش وليت و بواش حسيت بعد التطبيق و تعمدت ان اتبع هاذ الاسلوب باش تتحفز اليرقات المتابعات بصمت و ينظموا لينا و يولوا فراشات ملونات  اولا كتبت هاذ التقرير بكل صراحة ومانيش حشمانة لانني كنت فنياااانة و مانصلح لحد شيء كيما يقولو عليا مانيش نتاع دار لذلك لكن كل الحرية لقول اي كلمة كانت المهم انا بديت نتغير و هاذا هو الي يهمني ثانيا مانخبيش عليكم انا من النوع الذي يميل الى الراحة و في نفس الوقت نشيطة و خجولة و المازوزية نتاع الدااار يعني كي نتفنين ماكاش الي يقولي علاااه  ماكنتش راضية عن نفسي تماما في العديد من النواحي سواء صلتي بربي او الاعتناء بنفسي او تعاملي مع الناس و ديما نقول في داخلي ياااربي خذ بيدي باش نحقق الي في بالي و كنت حااابة من صمصومة قلبي كيما يقولو ههه حابة كاش واحد يشد بيدي و يمشيني في طريق التغيير لاني مانقدرش وحدي الى ان وقع بصري على موضوع الفراشة الغالية حبيبة فقلت هاذي هي الفرصة نتاعي و قررت نشارك و كيما جات تجي و بديت في تطبيق كل ماتقوله القائدة حبيبة تطبيق بتطبيق التطبيق الاول تلميع حوض المطبخ قبل النوم كنت مرات نغسل الاواني فالليل و في كثير من المرات نقول راني عيانة خليني منهم الصباح و نوض ليهم و يباتو هاذوك الماعن راقدين في هاذاك الحوض مسكين و كي نوض الصباح و نشوفهم يسدولي النفس نغسلهم و مانيش حابة و نجري باش مايفوتنيش الوقت لكن و الله ملي بدات الدورة و كنت قلتلكم عازمة بكل قواي نطبق واش تقول حبيبة كل ليلة نغسلهم و نلمع الحوض و حتى مرة كنت تعبااانة قلت مالازمش نغش البنات غسلتهم و شفت في المطبخ مرتب تنهدت و قلت الحمد الله, يا بنات حسييييت براحة في داخلي و الي جربت هاذ الشعور راهي فاهمة واش راني نقول و مين داك توسوسلي الدودة في راسي روحي ترقدي غدوا تصبحي خدامة لكن لالا اغسليهم ياسمين منها ترقدي مريحة و راكم تشوفو تطبيق بسيط لكن نتائجه هااايلة التطبيق الثاني الاهتمام بالذات بمجرد النهوض من النوم هههههه كنت كل مانوض الصباح يانوض نجري فاتني الحال صباح الخير نقولها بالتشناف و نزيد نهبل نهار يردلي خويا صباح الخير المكشردة  كنت نزعف و مع الوقت والفت يقولي المكشردة و رضيت لنفسي يكون شعري هاكذا ايمالا يا بنات وليت نوض بكري نمشط شعراتي و ندير كريم لوجهي بصح مانديرش ماكياج خاطر نخرج نخدم و بديت ننتبه لنفسي بلي تغيرت شوية ماشي بزاف لكن شوية على الاقل مانوضش نجري و مايوقفش شعري فالسما هههه و ندير ستيك و نحس روحي خفييييفة كيما الفراشات علابالي بروحي مازالتلي بزاف خدمة على هاذ الجانب باش نرضى عن نفسي مليح مليح و كخطوة اولى نقولوا لاباس التطبيق الثالث تخصيص 15دقيقة من كل يوم للاماكن الساخنة واااااااااو تطبيق رائع رائع رائع خلاني نظم البيت و نقضي على الفوضى بدون توتو و بدون جهد كبير في وقت سابق ندير نهار كامل للاماكن الي فيها الفوضىو نبدا ندور كي النحلة نحبط و نرمي و نصرخ خاطر نخدم مرغمة و مع العشية نطبيح كااااااااااو عيانة و مرات و الله هههه نحبس الخدمة فالنص و ندخل النت نط منا و ماهيه بلافايدة ننصحكم بلالتزام بهاذ التطبيق لانو كلمة راااائع قليلة في حقو التطبيق الرابع كتابة روتيناتنا اليومية في ثلاث صفحات الولى من مذكرتي روتين صباح السعادة: الاستيقاظ على 05.45 و الوضوء للصلاة طبقتو يومين فقط ثم توقفت بسبب العذر و ليت نوض على الستة و نص نرتب فراشي و نستيكي روحي و نلبس حوايجي و نستمتع بقهوتي و نروح نخدم روتين الظهيرة : ماكتبت في هاذ الصفحة ولا حاجة لاني نكون في العمل لكن لزمت الاستغفار طيلة اليوم لانو يبعث على السكينة -بحكم انا شوية مقلقة ههه- مساء العطاء و الطاقة: نخرج على الخمسة مساااء و نوصل للبيت الخمسة و عشرين هاكذاك نهتم بروحي شوية و واظبت على استعمال ماء الورد كل مانرجع لانو ينقي البشرة و ناكل القوتي نشبع مليح-باش يزيد وزني شوية لانو هاذ النقطة من بين اهدافي-نعاون ماما فالعشاء بعدها نخصص15دقيقة لمكان نكون معيناتو من قبل و على ال19.30نطل على الفراشات و نشوف النت نظرة عامة نتعشاو نلمع الحوض و نغسل الاواني و نكتب يومي في مذكرتي -هاذ العادة فيا من زمان و نحب نكتب بزاااف -عليها درت تقرير طويل عريض هههه هاذ الروتين راني بديتو هاذ الاسبوع فقط و ان شاء الله نداوم عليه ادعولي خاصة روتين المساء لاني نكون استنفذت كل طاقتي التطبيق الخامس تجهيز المستلزمات في كل ليلة كنت نطبقوا من قبل لكن الان اعمل على تعميمه على اخوتي و والدي فالحقيقة نقص عليا بزاااف صراخ خويا مع الصباح الحمد لله التطبيق السادس: مراقبة الرسائل التي ابعثها الى نفسي لاول مرة في حياتي استجمع قواي و اواجه ذاتي ونكون صريحة معاها لابعد الحدود طبقت واش قالت الاخت حبيبة و كتبت اهم خمسة اهداف حاليا بالنسبة لي كنت ذكرتهم في مشاركة سبقت في الدورة و تكلمت مع نفسي بصوت عااالي -مزية كنت وحدي فالدار سينو تقول ماما البنت هبلت هههه- اول مرة نسمع اهدافي بصوتي كررتها مرااارا حتى حسيبت بيها هاذ التطبيق بالذات اذهلني للوهلة الاولى علابالكم علاه? خاطر انا خجووولة بزاااف و ماكنتش علابالي بلي عندي كل هاذيك الشجاعة باش نواجه نفسي و حقيقة ماهيش حاجة ساهلة بالنسبة لي شخصيا اني نواجه نفسي و نتقبلها بكل مافيها من اخطاء طبقوا المواجهة مع المراة و راح تحسوا بفرق كبيييييييير التطبيق السابع: صناعة قائمة الطعام الاسبوعية فالحقيقة ماطبقتوش مائة بالمائة لكن خصصت ثلاث اطباق نديرها اسبوعيا باش نحقق هدفي الي هو تعلم فن الطبخ و نعرف واش نشري باش ندير هاذ الاطباق درت حلا المرايا قلت حاجة حلوة نستفتح بيها ساعة مانجحليش و طبقت عصيرالليمون لام اماني و مازالي ثالث طبق نديرو ان شاء الله و نقولكم عليه استفساراتي و اطباقي تجدونها في ملفي التطبيق الثامن: التخطيط لاسبوع الفراشات درت تخطيط للاسبوع و رتبتو مليح و حددت وقت لكل مهمة لكن للاسف ماطبقت منو واااالو لاني في فترة العذر اشعر بتعب شديييد خاصة مع الانيميا الي عانيت منها لكن ذرك الحمد لله راني مليحة راح نعاود ندير الجدول و نحاول انو يكون مرن يتمشى مع ظروفي و وقتي و نكتبهولكم لاحقا باذن الله التطبيق التاسع تحديد اهداف الاسبوع المقبل عمري في حياتي مادرتها من قبل يالله ايامي كانت تمشي هاكذاك و خلاص هباءا منثورا لكن انو نجعل القلم صديقنا و الجداول رفيقتنا امر يبعت على الراحة خصصت باذن الله وقت مابعد الظهيرة من يوم الجمعة لتخطيط الاسبوع هاذ الوقت بالذات يكون البيت هااادئ و يساعدني كثير و ان شاء الله ستظهر نتائج هاذ التطبيق في الاسابيع القادمة التطبيق العاشر: برنامج الذكر بعد صلاة الفجر بدات في تطبيقة يوميالكن قبل النوم و الاسبوع القادم باذن الله راح نبداه مباشرة بعد صلاة الفجر حقيقة المواظبة على هاذ التطبيق خلاني نرقد مرتاااحة و مطمئنة بعد ماكنت نبات مظطربة و نخمم فالمسؤولية و الجهاز-راكم تعرفو تخمام العرايس- لكن الان ربي بعث في نفسي الطمانينة فاللهم لك الحمد فالاخير علابالي طولت عليكم بزاف اسمحولي قد الي تقدرو ا حبيبت نوجه شكر لكل العضوات بمن فيهم -الحبوبة حبيبة اقل مايمكنني قولة ربي يجازيك الجنة و تعيشي حياة هانية يااااااااااااب و الله تخونني الكلمات لشكرك -الغالية حراير خليتيني نحس من خلال فقرة معاني اسماء الله الحسنى نحس بقربي من ربي و انو حنين كريم و حنا في غفلة عن كل هاذا فربي يخليك لزوجك و يجعلك قرة عينه ياااارب -النشيطةسمراء الدنيا افتقدك بشدة و ربي عالم عزيزة على قلبي نحبك و نحترمك لانو كل العضوات يوقروك و يتمنولكم الخير و العافية و الصحة ياااارب كلامك يا الغالية يحفزني كثير كثير -سميرة كل مانتفكرها نقول عليها ام مجاهدة و نقول هي ام و عندها مسوؤوليات كبيرةو و تحاول قدر المستطاع تطبق الدورة و انا ماعنديش مسؤوليات كيفها و نتفنين لالا لازم نتعلم منها ربي يحفظلك بنياتك يااارب و يكبروا على الطاعة و الدين -المحبوبة بتول حاسة بوجعك يا اختي و ربي يرفع عليك و نحسك اختي يا بتول لانو اسمك يذكرني باسم عزيم عليا بزاف اسم مريم -كي تزيد عندي بنت نسميها مريم بتول ان شاء الله ههه- chez biba مشاركاتك نتبعها بزااااااااف باش نستفاد منك خصوصا في ميدان الطبخ فراشات العمر ام فطيمة النشيطة ربي يبارك فيك بعيدة المنال نايلية و افتخر ام بشرى زوجة حميد حلاوة الروح كروان الصحراء ام الخير ملك فردوس ساجا جيادا و كل الفراشات و الي ماذكرتش اسمها تسمحلي و الله كلكن في قلبي و مشاركاتكم ماتقولوش رانا نقراوها هاكذا و خلاص و الله كل حرف من حروفكن يفعل فيا العجب العجاب و يحمسني اكثر و اكثر كل فراشة لها الفضل في التغيير الذي يحدث معي فشكرا شكرا شكرا لكن نحبكم بزاااااااااااااااااااااااف بزااف و الله نحبكم 
|
||||
|
|
2015-03-12, 22:04
|
رقم المشاركة : 3 | |||
|
|
|||
|
|
|
2015-03-12, 22:15
|
رقم المشاركة : 4 | ||||
|
اقتباس:
الشرف ليا اختي تني نعرف طباخة كيفك و نتعلم منها
ربي يطيك ماتتمناي دعواتك فرجولي على خاطري و الله المجيب اااااامين |
||||
|
|
|
2015-03-12, 22:18
|
رقم المشاركة : 5 | ||||
|
اقتباس:
اوووووووووو با حبيبة راني نقرا في ردك و نعاود مراارا و تكرار
الحمد لله على نعمة النغيير و الحمد لله لانكم بجانبي تدعمونني ربي يخليكم ليا ان شاء الله ربي يقدرني باش نكون عند حسن ظنك استاذتي و مستمتعة كثييييييييير برقفتك يا الغالية الى الاماااااااااااااااااااااام نوااااااصل و ربي يعينا يااااارب |
||||
|
|
|
2015-03-13, 00:06
|
رقم المشاركة : 6 | |||
|
شكرا لك كي تفكريني و شكرا على الدعاء |
|||
|
|
|
2015-03-13, 08:17
|
رقم المشاركة : 7 | |||
|
السلام عليكم و رحمة الله |
|||
|
|
|
2015-03-13, 12:36
|
رقم المشاركة : 9 | |||
|
الله يبارك الله يبارك رايحة تفوزي علينا بالكل بهذا النشاط والحماس نزيد ننصحك بما قلته سابقا وهو نخاع الثور أبدا ما يزيدش حتى واحد يقولك كشرودة وتعودي لالة النساء |
|||
|
|
|
2015-03-13, 17:42
|
رقم المشاركة : 10 | |||
|
شكرا ليكم فراشاتي الغاليات
المحبوبة سميرة ربي يقدرني و يقدرك يا الغالية و كيفاش مانتفكرش اختي و بنياتها الصغيورين ههه ان شاء الله تفرحي بيهم و تشوفيهم عرايس ابقاي بالقرب باش تستفادي و نستفادو منك المحبوبة حراير هههه روحك خفييييييييييفة كيما الفراشات صاااار كنتي مسميتني شرنقة اه خخخخخ بالنسبة لخويا ربي يخليهمولي يااااارب ماهوش يعيطلي كشرودة الحمد لله تهنيت من هاذ الكلمة على الاقل الان لكن علابالي يشد يشد و يجيبلي اسم اخر هههه حبيبتنا ام امجد شكرا ليك كثير و كيما قلتي مادامنا عايشين رانا نتعلموا و هاذ الدورة بالذات تعلمنا بزاف حاجات الغالية بعيدة المنال ربي يخليك لينا شطورة و يحفظلك وليداتك مشاركاتك ديييما نقراها بتمعن شديد خاطر فيها نصائح مفيدة و فيما يخص نخاع الثور نسقسيك ماتبقاش فيا الريحة بعد مانغسلو نتمنى تجاوبيني و شكرا على التفاعل |
|||
|
|
|
2015-03-15, 12:43
|
رقم المشاركة : 11 | |||
|
صباح الخيرات على أنشط عروسة( ما تحسبيهش اعتراف بالهزيمة ما زالني واقفة على دَيْداني) كيف أصبحت حبيبتي الفحلة الظاهر كملتي كل شغلك وانا هدا وين جيت من الخدمة وذك نرجع لقيت بنتي تقرأ في المنتدى ( تحضر للباك) خطفتولها باش نطل طلة خفيفة |
|||
|
|
|
2015-03-15, 14:23
|
رقم المشاركة : 12 | |||
|
Bon courage |
|||
|
|
|
2015-03-18, 19:57
|
رقم المشاركة : 13 | |||
|
والله روعة غيرتيني |
|||
|
|
|
2015-03-18, 21:02
|
رقم المشاركة : 14 | ||||
|
اقتباس:
اهلاااا بيك
 هاذي غيبة يا الغالية وينك هذا ماكيش تبني خلاص ماتقوليش على روحك كسولة بما انك قررتي تنظمي لينا فهاذ الدروة و راكي تجمعي فالدروس و ناوية باذن الله تطبقيها فانن تنشط النشيطات يا فراشة الصحراء  ان شاء الله يكملولك الكوزينة و تتهني بيها حبيبتي -انا ملي قررت نتعلم الطياب وليت نحب الكوزينة ههههه- ربي يحفظك و يرزقك من حيث لا تحتسبين |
||||
|
|
|
2015-03-20, 22:11
|
رقم المشاركة : 15 | |||
|
je vous felicite pour cette volante et l espoire d etre changee |
|||
|
|
|
| الكلمات الدلالية (Tags) |
| تقريري |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
