معا لمحو الامية

كاميلا · 2012-10-12, 13:27

السلام عليكم ورحمة الله تعالى وبركاته

شفت اعلان تاع محو الامية وحبيت نشارك ف يالتدريس طلبوا 40 طالبة وماش مبينين في الاعلان تجيبهم وتلمهم ولازم بطاقة التعريف تعهم او شهادة الميلاد انا كي لميت الدوسي راهو كيف الدوسي تاع الشرطة تقريبا يا لطيف كي وصلت عندهم قالك تدفعي الدوسيي مع نسخ هويات الطالبات تسمى تعجيز انا في الاول بانتلي حاجة عادية لعجايز كي تخرج برا غير هوما في الطريق يعني ماهمش ممنوعين من الخروج في بالي رح نلم 40 ليه ليه

اتصلت باستاذتي اللي درستلي في الجامع اللي قدامنا وقتلها كيفاش ندير قاتلي ارواحي نحطوا اعلان راهم جاوني بزاف يسحقوا يمركيو حطيت الاعلان وحطيت رقم الهاتف مابان والو غير اللي تعيط على جالت ولدها حابة الدخلو للمسجد يا ناس محو الامية ماشي لوليدات الصغار حبسولي راسي

ومن بعد في صلاة الجمعة رحت قلت بلاك في الجمعة يكون صيدهم سهل والله راني في مهمتي هاديك كنت كي الصياد اللي تهدر معاها تقولك راجلي ميخلينش وحدة تقولك اللي قرا قرا بكري واحدة تقولك نخمم وحدة تقولك نشوف البروقرام سع وخاصة اللي قالولي راجلي ميخلينيش اتقوا الله نهار كامل ليل ونهار هوما برا يجروا في هادوك العربات المخصصة للسوق ويقولك منقدروش المهم قلت بلاك اسيدي لمعارف يسجلوا ولا وحدة حبت تسجل

اولا خدمة هادي ماش كاتبة والله على ما اقول شهيد رغم انهم قالو باللي تسلك بعد مرور عام الخ مكانش هامني كان هامني انه نساهم في محو الامية وزيد كون جيت حابة كون راني درت ترافيك في النسخ ودفعت الدوسي لكن ما الفائدة والو

بعدها قلت في قرارة نفسي اللي قرا واللي محبش يقرا، اللي جاه النور وقفل النافذة صراحة هبطولي معنوياتي كي لقيتهم هكدا محبوش يتعلموا يكتبوا ويقراو استخسروا في روحهم يهزوا كتاب ربي ويقراوه لا حول ولا قوة الا بالله

الواثق · 2012-10-12, 14:53

وعلاه لي مايعرفش الكتابة والقراءة جاهل ؟؟؟؟؟

اليابان راهم خربو الدنيا بالقرايا لكنهم اكبر الجهلة ................وبيناتنا الشيخ او العجوز ضرك يعلموهم الكتابة والقراءة يعذبوهم بيها برك لانهم سيقرئون بها الجرائد والاخبار ويوجعهم راصهم برك ................لو كان يقراو بيها القرءان ماعليش

راني نفضفض فقط

وفقكم الله

كاميلا · 2012-10-12, 14:58

اقتباس:

المشاركة الأصلية كتبت بواسطة الواثق

وعلاه لي مايعرفش الكتابة والقراءة جاهل ؟؟؟؟؟

اليابان راهم خربو الدنيا بالقرايا لكنهم اكبر الجهلة ................وبيناتنا الشيخ او العجوز ضرك يعلموهم الكتابة والقراءة يعذبوهم بيها برك لانهم سيقرئون بها الجرائد والاخبار ويوجعهم راصهم برك ................لو كان يقراو بيها القرءان ماعليش

راني نفضفض فقط

وفقكم الله

اول مرة نسمع بيها هادي تاع اليابان

هيه انا قلت يقراو القرآن بيها مناه واش بقالهم زعما يسجلو في الابتدائي؟ كامل نعرفوا فضل قراءة القرآن بصح دوكا انا قلت الله يسهل يحبوا يتسوقوا في الاسواق تبانلي بلاك شافو فيها فايدة

شكرا

الواثق · 2012-10-12, 15:02

اقتباس:

المشاركة الأصلية كتبت بواسطة كاميلا

اول مرة نسمع بيها هادي تاع اليابان

هيه انا قلت يقراو القرآن بيها مناه واش بقالهم زعما يسجلو في الابتدائي؟ هههه كامل نعرفوا فضل قراءة القرآن بصح دوكا انا قلت الله يسهل يحبوا يتسوقوا في الاسواق تبانلي بلاك شافو فيها فايدة ههه

شكرا

نعم اليابان رغم كل التطور لكنهم يعبدون صنما ...........هذا هو الجهل بعينه

محمد...عبد النور · 2012-10-12, 15:22

السلام عليكم أختي الكريمة كاميلا
ذكرتيني بصديق لي سجل ليدرس في أقسام محو الامية في بلديتنا لكن أظن العدد كان عشرين على الاقل يعني عشرون شيخ يجب ان يدرسوا عنده على الاقل
المهم كان متحمس للفكرة و اودع الملف و بعدها بدأ بالبحث عن التلاميذ الذين هم شيوخ
اول الامر كان يظن ان الامر سهل ميسر و لكن كلما يذهب شيخ من الشيوخ يضطر الى سرد كل التفاصيل حول الامر و من اعطوا الملف و لكن عندما يطلب نسخة من بطاقة التعريف و صورة للشخص فإن هؤلاء الشيوخ ينتابهم الشك ,,,,,,,,,,,,بلاك كاش ما يدير بيها حاجة و لا يدي دراهم على ظهرهم,,,,,,,,,,,,,,,,,,,,,,المهم اول الامر كان متحمس لكن التجأ الى أقاربه و احضرت له نسخة من بطاقة التعريف لأبي و صورة و كذلك كنت ارافقه لما كان يذهب في بحثه و الله تقولي الشخص راه يطلب ماشي باغي يقري
المهم بعد جهد جهيد اكتمل النصاب ,,,,,,,,,,,,,,,,,, و الاشخاص لما يرون شخص ثقة في نظرهم اعطى وثائقه فسيعطون وثائقهم و العكس لما و لا واحد أعطى اوراقه فسيحجمون
مرات كان صاحبي يظهر صور الاشخاص الذين منحوه وثائقهم حتى يعطيهم ثقة في الامر و المشكل ان الكبار صعب اقناعهم الا بشق الانفس
بارك الله فيك أختي و جزاك الله كل خير
ســــــــــــــــــــــــــــــــــــــــــــــلام

كاميلا · 2012-10-12, 15:28

اقتباس:

المشاركة الأصلية كتبت بواسطة لذريق

السلام عليكم أختي الكريمة كاميلا
ذكرتيني بصديق لي سجل ليدرس في أقسام محو الامية في بلديتنا لكن أظن العدد كان عشرين على الاقل يعني عشرون شيخ يجب ان يدرسوا عنده على الاقل
المهم كان متحمس للفكرة و اودع الملف و بعدها بدأ بالبحث عن التلاميذ الذين هم شيوخ
اول الامر كان يظن ان الامر سهل ميسر و لكن كلما يذهب شيخ من الشيوخ يضطر الى سرد كل التفاصيل حول الامر و من اعطوا الملف و لكن عندما يطلب نسخة من بطاقة التعريف و صورة للشخص فإن هؤلاء الشيوخ ينتابهم الشك ,,,,,,,,,,,,بلاك كاش ما يدير بيها حاجة و لا يدي دراهم على ظهرهم,,,,,,,,,,,,,,,,,,,,,,المهم اول الامر كان متحمس لكن التجأ الى أقاربه و احضرت له نسخة من بطاقة التعريف لأبي و صورة و كذلك كنت ارافقه لما كان يذهب في بحثه و الله تقولي الشخص راه يطلب ماشي باغي يقري
المهم بعد جهد جهيد اكتمل النصاب ,,,,,,,,,,,,,,,,,, و الاشخاص لما يرون شخص ثقة في نظرهم اعطى وثائقه فسيعطون وثائقهم و العكس لما و لا واحد أعطى اوراقه فسيحجمون
مرات كان صاحبي يظهر صور الاشخاص الذين منحوه وثائقهم حتى يعطيهم ثقة في الامر و المشكل ان الكبار صعب اقناعهم الا بشق الانفس
بارك الله فيك أختي و جزاك الله كل خير
ســــــــــــــــــــــــــــــــــــــــــــــلام

والله اكثر من الطلبة هادي يا المومنين ههه مرشدة في المسجد قاتلي اخطيك منهم كون تقريهم يهبلوك
شكرا جزيلا اخي لذريق

soha1987 · 2012-10-12, 18:17

سلام كاميليا
نقولك دير ليكور وماتقريش لعجايز يهبلوك وتصبحي عجوز حتى اختي حابة دير في محو الامية وراي قريب تهبل هي مشكلتها ماش مع لعجايز لانو دبرتهم وعندها 13 عجوزة مي المشكل مالقاتش وين تقريهم قالولها لازم تجيبي موافقة من عند مدير مدرسة مي ماحبوش يمدولها راهي معلقة رام كي تلقاي الحل لمشكل يزيدولك مشكل والخلصة من لعام لعام وحتى المعريفة كاينة المهم ربي يرزقك بخدمة ان شاء الله

كاميلا · 2012-10-12, 18:34

اقتباس:

المشاركة الأصلية كتبت بواسطة soha1987

سلام كاميليا
نقولك دير ليكور وماتقريش لعجايز يهبلوك وتصبحي عجوز حتى اختي حابة دير في محو الامية وراي قريب تهبل هي مشكلتها ماش مع لعجايز لانو دبرتهم وعندها 13 عجوزة مي المشكل مالقاتش وين تقريهم قالولها لازم تجيبي موافقة من عند مدير مدرسة مي ماحبوش يمدولها راهي معلقة رام كي تلقاي الحل لمشكل يزيدولك مشكل والخلصة من لعام لعام وحتى المعريفة كاينة المهم ربي يرزقك بخدمة ان شاء الله

نولي عجوزة وبطقم اسنان نشيب ليه ليه شكرا جزيلا عزيزتي سها بارك الله فيكي وربي يعين اختك

fares rog · 2012-10-12, 20:31

نتي باينة نية وناس ملاح بزاف ،، ناس منك قلال بصح كيفاه حابة تخدمي ب 3000 دج؟
وزيدي نتي ألي تجيبيهم ،، أنا ثانيك واحد الضربة صاحبي قالي امشي نروحو نسقسيو عليها ، كنا طامعين يخلصونا مليح ، كي سقسيناهم نفس الشروط ألي قالولك عليها ..... سبيناهم وخرجنا نضحكو . 3000 دج؟ علاه أنا عبيد ، 300 ألف ناكلهم كاوكاو أو ميكملوليش الشهر .

كاميلا · 2012-10-12, 20:44

اقتباس:

المشاركة الأصلية كتبت بواسطة fares rog

نتي باينة نية وناس ملاح بزاف ،، ناس منك قلال بصح كيفاه حابة تخدمي ب 3000 دج؟
وزيدي نتي ألي تجيبيهم ،، أنا ثانيك واحد الضربة صاحبي قالي امشي نروحو نسقسيو عليها ، كنا طامعين يخلصونا مليح ، كي سقسيناهم نفس الشروط ألي قالولك عليها ..... سبيناهم وخرجنا نضحكو . 3000 دج؟ علاه أنا عبيد ، 300 ألف ناكلهم كاوكاو أو ميكملوليش الشهر .

معلاباليش بحكاية 3000دج

fares rog · 2012-10-12, 20:52

،، ايه 300 ألف للأسف .... يتسمى هذاك التعب قاع ألي درتيه في باطل .
ماعليش نتي نيتك ديري الخير أوهوما ماعونوكش ني لعجايز ني الدولة ب 300 ألف تاعهم .
تديها حسنات ان شاء الله ... انما الاعمال بالنيات

كاميلا · 2012-10-12, 20:58

اقتباس:

المشاركة الأصلية كتبت بواسطة fares rog

ههههههههههه ،، ايه 300 ألف للأسف .... يتسمى هذاك التعب قاع ألي درتيه في باطل .
ماعليش نتي نيتك ديري الخير أوهوما ماعونوكش ني لعجايز ني الدولة ب 300 ألف تاعهم .
تديها حسنات ان شاء الله ... انما الاعمال بالنيات

حسنات خير منهم بالطبع

آلاء الرحـــــــمن · 2012-10-12, 23:26

يبدو ان الوضع مختلف عندنا فالعجائز هن من يطلبن التعليم و عندنا جمعية مخصصة لهن و يتم تعليمهن القراءة والكتابة وتمنح لهن شهادة التحرر من الامية يستطعن من خلالها التسجيل في التعليم بالمراسلة وعندنا نموذج رائع لسيدة في الستينات من العمر نجحت في شهادة التعليم المتوسط العام الماضي و هي الان 1 ثانوي ... بدأت من الصفر وهي الآن تدرس الفرنسية والانجليزية في مدارس خاصة ....

احببت توضيح امر عن الاجر فهو 15000 دج اي مليون و خمسمية ليس 3000 دج ...

fares rog · 2012-10-14, 10:58

اقتباس:

المشاركة الأصلية كتبت بواسطة آلاء الرحـــــــمن

يبدو ان الوضع مختلف عندنا فالعجائز هن من يطلبن التعليم و عندنا جمعية مخصصة لهن و يتم تعليمهن القراءة والكتابة وتمنح لهن شهادة التحرر من الامية يستطعن من خلالها التسجيل في التعليم بالمراسلة وعندنا نموذج رائع لسيدة في الستينات من العمر نجحت في شهادة التعليم المتوسط العام الماضي و هي الان 1 ثانوي ... بدأت من الصفر وهي الآن تدرس الفرنسية والانجليزية في مدارس خاصة ....

احببت توضيح امر عن الاجر فهو 15000 دج اي مليون و خمسمية ليس 3000 دج ...

--------------------------------------------
يا ختي أنا سقسيتهم بفومي .... 3000دج يعني 300 ألف !! ،، وجابلي ربي بلي بارتو في قاع الولايات ماشي في ولاية واحدة برك يعطولهم 300 والولايات الأخرى 15000 . التزموا الجدية في النقاش !! كي شغل أنا هنا راني قدامكم وراني نتمسخر ونضحك .

آلاء الرحـــــــمن · 2012-10-14, 13:56

اقتباس:

المشاركة الأصلية كتبت بواسطة fares rog

--------------------------------------------
يا ختي أنا سقسيتهم بفومي .... 3000دج يعني 300 ألف !! ،، وجابلي ربي بلي بارتو في قاع الولايات ماشي في ولاية واحدة برك يعطولهم 300 والولايات الأخرى 15000 . التزموا الجدية في النقاش !! كي شغل أنا هنا راني قدامكم وراني نتمسخر ونضحك .

انت سألتهم بفمك طيب، و نحن عملنا فيها واختي مدرسة محو امية تخلص على الشهر 1600000 و عذرا لاني اخطات في المرة الاولى وقلت انها 15000دج و يخلصوها على العام ، انا لا اتكلم من فراغ و اغلب الولايات نفس الاجر لي صديقة في ولاية تيارت نفس الاجر و الذين سألتهم كذبوا عليك

ملاحظة / انا قصدت بالالتزام في النقاش هو عدم وضع علامة الضحك ههههه فليس هناك داع منها هذا تذكير للمرة الثانية و لاحظ اني ذكرتك فقط