حلقات السيدة يعلى حصريا

[sisi 26]

دولمة بطاطا روووووووووووووووعة 6 رمضان

اطراف دجاج بيكيهم بالثوم و رشي الملح و فلفل أسود عليهم و غبريهم في الفرينة
حفري 1 كلغ من الببببببببببطاطا صغيرة و عمريها بالحشو التالي : 200 غ لحم مرحي + حبة بصل مقطعة رقيق + 2 سنات ثوم مرابيين + ملح + فلفل اسود + معدنوس مقطع رقيق + حبة بيض و زدي لا شابلير حتى تتلمد مليح تبلي البطاطا من داخل بالملح و فلفل اسود و عمريها بالحشو غبريها بالفرينة
في طنجرة حطي 2 م ك مارغرين او زبدة + حبة بصل مقطعة رقيق و حمسي الدجاج فيهم انزعي الدجاج ثم حمسي البطاطا في نفس الطنجرة و اذا كانت الطنجرة كبيرة خلي الدجاج مع البطاطا ضيفي الملح ان اقتضى الامر مرقي ب 1 لتر ماء ساخن و حطي كمشة حميصة من النوع اللي يطيب ثم ثم هكذا كي تطيب تلقايها خاثرة من الفرينة ما تسحقيش تخثريها و شهية طيبة جربتها كلاوها كامل

[sisi 26]

بسبوسة أو قلب اللوز بالتشيشة المقلية هذه وصفة 6 رمضان
طلعي 6 حبات بيض مع كأس اينوكس سكر عادي ثم زيدي كأس مارغرين ذايبة ثم 2 كيسان تشيشة الطمينة مقلية + قشور حبة قارص + 2 كيسان كوكاو مرحي أو لوز مرحي + و خلطي بالباتور ثم زيدي 1 خميرة كيميائية فرغي في صينية مدهونة ( 34 سم / 24 سم ) و دخليها للفرن مسخن سابقا و جدي شاربات كيما نتاع قلب اللوز و اسقيها بشاربات باردة و هي سخونة و ذري عليها نوات كوكو أنا ماعنديش
ان شاء الله تعجبكم

[sisi 26]

بوراك بالبطاطا 7 رمضان
ديول حسب عدد افراد العائلة + 1 كلغ بطاطاقشريها و قطعيها على 4 و فوريها مع سنات ثوم اكرزيها مع الثوم و زديلها مورسو زبدة + حبة بيض + فلف اسود + كاس لتاي حليب يكون الخليط جاري شوية زيديله شوية معدنوس
في كل ورقة ديول امسحيها كامل بفرماج blanc ثم ديري طبقة بطاطا على الورقة كامل تكون الطبقة رقيقة زيدي فرماج rouge اختياري و رولي حربوش و حطي في مول مدهون و ديري فوقهم مارغرين و دخليهم الفرن حتى يحمارو ثم قطعي كل حبة على زوج تقطيعة تكون مائلة و رمدي في معدنوس مقطع رقيق و البوراك سخون
انا مادرتهاش بالمعدنوس لانهم في الدار ما يحبوش المعدنوس
شهية طيبة

[mimi53]

الله يبارك سيسي راكي توب خموس عليك ايا خلاص ديبلوم نتاع الكوزينة راهو ليك كيما قالت حبيبتنا السيدة يعلى الله يبارك ويطولنا في عمرها
راكي عقابها على حساب الشوفة
راجلك عندو مادا اله يبارك عليك وربي يخليكم لبعضاكم

[mimi53]

[


طاجين الزيتون





دجاج – بصل- ملح – سكنجبير – فلفل اسود – قرفة نتاع العود نحمصهم مليح نمرق بالماء سخون ونحط حبة بطاطا كي تثقال المرقة زيتون متوسط نغليه 3 مرات بعرق السوس


الحشو

100لحم مرحي – ملح – فللف اسود – كمية صغيرة من البيض اي حبة بيض نضربها جيدا وناخد كمية صغيرة منها نرحي الكل في روبو ناخد كل حبة زيتون نفتحها في الجنب نعمرها بالحشو ونحطها تقلى في مقلاة نزيدلها لكرام فراش



ونعاود نرجع الكل في المرقة تطيب




لبنات ادا كنت غالطة في الطبق هادا ارجو تفيدوني لانني لم اسمعها جيدا في المرحلة الاخيرة من التحضير كي قلات الزيتون

[mimi53]

زلابية البنان بالسميد

كاس ماء نضيفلها 2 ملاعق مارغرين نحطهم فوق النار نزيدلها قرصة ملح وفاني ونخليها تغلى
عند الغليان نضيف دفعة واحدة ( 2ملاعق فرينة وكاس سميد )ونحرك جيدا وبسرعة
نضيف حبة بيض و1 خميرة
ونحطهم يتقلاو في الزيت وتكون فتحة لبوش صغيرة

[sisi 26]

سلام ميمي نتمنى راكي مليحة راهم وصلوني الرسائل نتاوعك
هذا تطبيقي اليوم للزيتون المحشي

[thamezgha]

s'il vous plait aidez moi à installer les recettes je sais pas comment faire

[mimi53]

المشاركة الأصلية كتبت بواسطة thamezgha

s'il vous plait aidez moi à installer les recettes je sais pas comment faire

tu veux dir les photos ou b1 la recette

[mimi53]

بنات اللي سمعت الحصة نتاع نهار لخميس تحطهالي

وهل تبث الحصة كل هده الايام ام لا ارجو الاجابة

الاحد الاثنين والثلاثاء والاربعاء ولاخميس اليس كدلك

[oum salim]

المشاركة الأصلية كتبت بواسطة mimi53

بنات اللي سمعت الحصة نتاع نهار لخميس تحطهالي

وهل تبث الحصة كل هده الايام ام لا ارجو الاجابة

الاحد الاثنين والثلاثاء والاربعاء ولاخميس اليس كدلك

اسعد الله صباحكم .
يعطيكم الصحة mimi وsisi على الوصفات الشهية.
بالنسبة لنهار الخميس دارت
شربة عدس بالروز
بوراك بالبطاطا
غراتان بطاطا سوفلي
غراتان لوبيا خضراء
خبز الكوشة ب la chapelure
والحصة تبث ايام الاثنين -الثلاثاء -الاربعاء و الخميس.
وصح فطوركم .

[mimi53]

المشاركة الأصلية كتبت بواسطة oum salim

اسعد الله صباحكم .
يعطيكم الصحة mimi وsisi على الوصفات الشهية.
بالنسبة لنهار الخميس دارت
شربة عدس بالروز
بوراك بالبطاطا
غراتان بطاطا سوفلي
غراتان لوبيا خضراء
خبز الكوشة ب la chapelure
والحصة تبث ايام الاثنين -الثلاثاء -الاربعاء و الخميس.
وصح فطوركم .

الله يسلمك ا اختي الكريمة يارت لو تحطيلي الوصفات ادا لم يكن هناك اي ازعاج طبعا

[sisi 26]

صح فطوركم تفضلي ميمي وصفات السيدة يعلى ليوم 7 رمضان 2012
شوربة عدس بالارز
في طنجرة حطي لحم + حبة بصل مقطعة رقيق + 2 حبا جزر + كأس عدس مغسول بالماء البارد + 2 حبات طماطم مقطعة مربعات + شوية كسبر مقطع + نعناع يابس + ملح +سكنجبير + كروية + كاس لتاي زيتقلي على نار هادئة ثم مرقي بماء سخون و حطي م ك طماطم مصبرة
كي يطيب اللحم صفيه و ارحي الباقي و زيدي الماء اذا كانت خاثرة و ارمي كاس روز طايب نصف طياب خليها تغلي و تخثار شوية اعصري حبة قارص و ذري نعناع و طفي

[sisi 26]

بوراك بالبطاطا راني حطيتو من قبل
غراتان بطاطا
1 كلغ بطاطا مقشرة و مقطعة مكعبات مملحة و مفورة
طلعي 3 بياض بيض كالثلج مع قرصة ملح
البطاطا الفايرة ديريلها فلفل اسود + جبن مبشور + باطة كريمة طازج او بتيسويس + م ك زبدة ثم ضيفي البيض المطلع كالثلج و فرغي الخليط في مول مدهون و دخليها الفرن حتى تتحمر من فوق

[sisi 26]

غراتان ماشطو
ماشطو نقيه و قطعيه على زوج و فوريه مملح كي يفور ديريلو فلفل اسود + ثوم + معدنوس و حمسيه في مقلاة في الزبدة
من جهة اخرى حمسي اللحم المرحي متبل او سكالوب مقطع مربعات او صدر دجاج
خلطيه مع الماشطو و حطيه في مول مدهون و اسقيه من فوق بالعقدة التالية
4 بيض + معدنوس مقطع رقيق + ملح + فلفل اسود + fromage blanc + شوية خميرة كيميائية على راس المغرف
و دخليه للفرن و يمكن استعمال اكياس الشواء