قهرتني وحدتي

[dalal batna]

ذكرتني بابن عمي كانت عندو نفس حالتك،لي يخطبها ما تقبلش مع انو انسان عادي وربي عاطيه مال وجاه وعلم لكن وحدة ما تقبل بيه، مرة شاف وحدة جات من ولاية بعيدة كل البعد جات عند فاميلتها كي حكا معاها قبلت واش نقولك جمال وأخلاق . كانت ماهيش متحجبة واتحجبت ورضات تعيش مع امه واخواتو ولحد الان ربي يكملهم عايشين الحمد لله
اخي ربما اذا بدلت المنطقة يعني ماش لازم تتزوج من المنطقة ديالك حاول تشوف وحدة من بعيد وربي ينويلك لي في بالك

[anissa90]

الله واش راه يحدث غيري لا يرضى بهن بتاتا فهن لا يملكن اي شئ يتميزن به لا عمل جيد ولا جمال ولسن حتى جامعيات او من عائلات غنية ولكن ربما يحسبن انفسهن احسن من كل بنات العالم

قالك لي موصلش لعنب اقول قارص

[anglais_2005]

المشاركة الأصلية كتبت بواسطة dalal batna

ذكرتني بابن عمي كانت عندو نفس حالتك،لي يخطبها ما تقبلش مع انو انسان عادي وربي عاطيه مال وجاه وعلم لكن وحدة ما تقبل بيه، مرة شاف وحدة جات من ولاية بعيدة كل البعد جات عند فاميلتها كي حكا معاها قبلت واش نقولك جمال وأخلاق . كانت ماهيش متحجبة واتحجبت ورضات تعيش مع امه واخواتو ولحد الان ربي يكملهم عايشين الحمد لله
اخي ربما اذا بدلت المنطقة يعني ماش لازم تتزوج من المنطقة ديالك حاول تشوف وحدة من بعيد وربي ينويلك لي في بالك

ربي يرزقك يا خويا كيما رزق ابن عم dalal batna
والخير فيما اختاره الله

[fadilasor]

اخي بلاك انت تقصد غير لبنات اللي مش حابين يديرو دار مازال ماطحتش في وحدة تقدر قيمتك برك اصبر وربي يعطيك وش تتمنى انا عن نفسي لو كنت انا لي تقدمتلي ماكنتش راح نرفض ان كنت بهاته المواصفات

[lalminounou]

Rabi yfareje nchallah

[اغادير]

ربي يرزقك ببنت الحلال

[virus-dz]

شوف خويا
عندك حاجة من زوج اقرا سورة النور ودوكا تفهم واش راني حاب نقولك

نتا كي تقدمت لهادو البنات ومقبلوش يا اما هوما ماهمش صافيين معا ربي ومدايرينها كحلة وراك فاهم واش حاب نوصلك ونتا وليد فاميليا
معناها ميكتبلكش ربي في حتى وحدة فيهم

ولا نتا راك مدايرها كحلة في صغرك وهوما بنات فاميليا بعدك ربي عليهم

كما هو مذكور في سورة النور
الطيبون للطيبات

انا نقولك راجع نفسك
واسمحل خويا راني كنت قاسي عليك
بصح هذا هو المشكل نتاع الجزائريين مانواجهوش الواقع
وشكرا
ارجو اني قد افدتك

[بنت تاجنانت]

يا اخي البنات راهم غير هوما وراك علابالك بلي في الجزاير الرجل ب 4 نساء اصبر برك وزيد هنا في المنتدى كاين بنات بزاف يعانيو من العنوسة وماشاء الله ما تلقاش خير منهم

ربي يهنيك

[طالب رضا الله]

يا خويا الدعوة راهي صعيبة على حساب مارانا نشوفو في بنات اليوم مشي كل وانما الاغلبية هوما لي راهم مخليينا نخافو من الزواج