عجوزتي

[مشكلتي]

لجميع اعضاء هدا المنتدى ... اردت ان اشارككم في مشكلتي عسى ان تنفعوني بارائكم الطيبة ........اولا انا امراة متزوجة منذ 5سنوات توفي والدي وبعدها ب6اشهر توفيت امي بعده دون اي سابق انذار لكن المشكل ليس هنا فهذا كله مكتوووووب ربي .......المهم تزوجت وجاءت (عجوزتي) لتسكن معي ولم يكن لي اي اعتراض ومرت الايام والسنوات واصيبت عجوزتي بالمرض والله لااخفي عليكم انني وقفت الى جانبها وساعدتها بكل ما عندي من قوة مع العلم اني امراة عاملة والله العضيم اني لا اهتم با اطفالي مثلما اهتم بها وفي الاونة الاخيرة حدثت بعض المشاكل لم تكن لي يد فيها لا من قريب ولا من بعيد واصبحت عجوزتي تهلوس بعض الشيء وترى اشياء غريبة ومرت ايام واذا بها تقذفني بصارووووخ وتقول لبناتها انني ضربتها و خنقتها .............. والكارثة العضمى انهم صدقوا كلامها دون اي اعتبار لا لكرامتي ولا لزوجي الذي صعق لهذا الامر................تخيلوا يا زملائي حجم هذه الكارثة التي ضيعت 5سنوات من عمري وانا اخدمها بكل اخلاص والله العظيم لم افكر ابدا في اذيتها وانظروا في النهاية ماهو جزائي والله ظلموني دون اي رحمة لا اي اعتبار...........الحمد لله ان زوجي يعرفني ويعرف ان هذة الامور ليست من طبعي مع العلم اني حلفت حتى على المصحف الشريف لكن هيهات هيهات والله قد تكبروا علي وحتى على كتاب الله والان انا كل يوم ادعوالله ان ينصرني ......... فبماذا تنصحوني جزاكم الله

[مياسم الصمت]

السلام عليكم ورحمة الله وبركاته

أختي الكريمة من خلال طرحك وتقييمك للوضح فالواضح ان أم زوجك أصيبت بمرض عصبي اثر على عقلها وذاكرتها

فاسألي نفسك قبل مرضها او حتى قبل أن تتطور حالتها كيف كانت علاقتها بك

فان تأكدت أنه مرض عصبي فاكيد ستبدا معاملتها للآخرين تختلف أيضا

ولربما أصيبت بمرض الزهايمر فحاولي معرفة ان كانت تبدو عليها علاماته كالنسيان مثلا

وما عليك غير الصبر اختي واحتسبي ما فعلت لوجه الله سبحانه وتعالى


ربي يفرج عليك أختي

سلام

[first first]

اختي واش نقولك.لااحد يلام في قصتك
انت ربي يجازيك على الخير لي درتيه في عجوزتك
هي لاتلام مريضة وبدات تتخيل اشياء
وبناتها ربي يسامحهم.......بصح اختي ماتلوميهمش...............غاضتهم امهم.......ربما لايريدون الاقتناع بانها تهلوس...........لان الصدمة كبيرة.واقنعو انفسهم انك حقا فعلتي ماقالت.........................تخلي لاقدر الله ابك يشتكي من اعمته مثلا انها تضربه وتعدبه.........طبعا رافة بابنك لن تكدبيه بل تغضبين من عمته.........مجرد مثال فقط.
الحمد لله زوجك ومصدقك وربي راه يشوف.......طول ولاتقصر يبان كلش.......غير ماتقلقيش روحك...................ربي مايرضاش الظلم.
وننصحك نصيحة......اجعلى الخير لي ديره فيه لوجه ربي..ماتساناي حتى واحد يقولك بارك الله فيك.......تسناي الناس يقيموك والله ماتدي منهم والو.
ربي يعينك.

[darwina.koom]

السلام عليكي

اولا بارك الله فيك يا اختاه بما قمت به مع ام زوجك بالرغم انه ليس واجبك .... هذه تسمى الحرب النفسية و بناتها اكيد كانو هاملينها و المسؤولية كامل كانت عليك ,,,, و من غيرتهم و معرفتهم انهم كانو غالطين و مفرطين في حق امهم و انتي فضلك كبير ,,,, و اليوم راهم حابين ينتقمو منك باي شكل و يلقو اللوم كامل عليك و ظلما طبعا

لهذا

1- لازم زوجك يوقف معاك وقفة راجل و الواثق من نفسه و وقفة صريحة (مادام قلتي بلي راه يعرفك مليح و عارفك ما تديريهاش) ,,,, و ما لازمش يتأثر باقوالهم في الايام الجاية لانها لن تنتهي و رايجين يولو يكذبو و يكذبو اليامات الجايين حتى ياثرو عليه باش يطلقك ,,,, و هكذا رايحين يحاولو يغطو الشمس بالغربال ,,,, الصح في رضا الله سبحانه و تعالى و راهو شايف كل شيء و راهم غير يكلخو لرواحتهم

2- مانيش عارف حال ام زوجك الان ، لكن حاولي تخلي زوجك يتحدث معها (ان امكن) و يذكرها بفضلك عليها و بلي ما بقالها الا يامات و تلاقي ربها و ماهوش حابها تلاقي ربها و هي ظالمة و على معصية (يعني يحاول يخوفها من الله سبحانه و تعالى) و يحاول يخليها تعترف بغلطتها

هذا ابتلاء من الله سبحانه و تعالى ليك و لزوجك ، كملو خيركم و اصبرو و في النهاية انتوما رابحين ,,,, و ما تعمري راسكم بالكلام الزائد و نشاء الله ما يكبروهاش بزاف ,,, و راني نقولك هذه حرب نفسية و الغرض منها ان يلقو لوم اهمالهم لامهم كامل عليك ,,,, لانه اكيد الناس كانت تهدر من قبل (و الهدرة لحقتهم) و كانو يقولو الكنة رافدة عجوزتها و بناتها هاملينها ,,, اذن تخيلي واش راه في قلوبهم

[mariana1]

هذه هي المواقف اللي يمضِّي فيها الشيطان ظفارو . لا عجب قد تحدث مثل هذه الحالات حتى ولو كانت الأم اللي مريضة فتشتكي من بنت أو إبن لبقية الأبناء أما في حالتك انت فلا حديث فزوجة الابن مذمومة من البداية وإن حدث أن إشتكت الحماة فياويلها ، المهم و الايجابي أن زوجك معك ولا يهمك شئ منهم راكي في بيتك وما قصرتيش في حق أمهم ولست مجبرة ولا معجبهمش الحال يديوها عندهم ولا يجيو يقوموبيها ، إحتسبي الأجر عند الله أما العباد لا تنتظري منهم جزاء ولا شكورا

[loufa]

السلام عليكم
بارك الله فيك وربي يرحم والديك
ربما هي الغيرة يا اختي والحمدلله ان زوجك واثق فيك
اما الباقي مايهمكش
انا مع راي الاخ darwina
واضيف والله يا اختي امثالك قلوا فهذا الزمن الصعب
بالرغم من هذا كملي عملك الخيري ووكلي ربي علليهم والاهم ان زوجك معك

[لحن الحياة.]

الحل انكم تقترحو على كاش وحدة من بناتها تديها تقعد عنها يومين ولا 3 اذا كان المرض اثر على عقلها راح تعامل الكل بنفس الطريقة
من بكري يقولونا الواحد كي يكبر يولي كيما الطفل الصغير

واذا كانو عارفين رواحهم غالطين مجرد تقترحو عليهم يدو العزوج تقعد عندهم راهم يبداو يتهربو

[naamane3]

اصبري والله ناصرك

[البحث هن العلم]

المهم زوجك مقتنع و الناس تعيا تهدر و تسكت و الناس ديما هكا يحبو يهربو من المشاكل تاوعهم و يلتاو بامشاكل تاع الناس
الله يهديهم اجمعين و انتي ختي ربي ينصرك وهدي شدة و تزول ان شاء الله
الله اذا احب عبدا ابتلاه

[ام عماد الدين]

اختي وكلي ربي والحمد لله ان زوجك مقتنع ببراءتك اما الاخرين فبمرور الزمن يكتشفو الحقيقة كملي اختي خيرك لانك رايحة توجديه في ذريتك ان شاء الله كان الله في عونك

[بسمة نهال]

السلام عليكم أختي الكريمة
الواضح أن الله عز وجل يحبك لذلك هو يبتليك ، وما الدنيا إلا دار اختبار وابتلاء، فما عليك إذن إلا أن تصبري وتحتسبي
وحاولي أن تثبتي لأهل زوجك براءتك مما اتهمت به وطبعا ذلك لن يكون برد الإساءة بمثلها بل بالقول الجميل والعمل الطيب
وواصلي الاحسان إلى حماتك لأنها مريضة وليس الأمر بيدها ومن منا يعرف ماذا سيحدث له غدا، وحسب كلامك هي لم تتعرض لك بسوء قبل مرضها وتاكدي أن سةف تلقين نفس المعاملة من كناتك إن شاء الله.

[samy algerien]

اظن انهم قالوا هكذا للهروب من المسؤولية فقط .

انت قلتي الي عندك . اذا لم يعجبهم الحال ياخذونها للاعتناء بها هم .

[bellaluna]

إن كان الأمر كما ذكرت فهو جدّ خطير خاصّة و إن كان لكِ أطفال..عليكم أن تعرضوها على إخصائي في الأمراض العصبية لأنّه من أبتلي بالهلوسة قد يصل لمرحلة متقدّمة من المرض خطرة جدّا..احذري أختي الغالية.

[dalal 28]

ما تخافيش اختي راح يجي نهار و تقول بناتي ضربوني ههه
هي مسكينة تهلوس ما ديريش عليها وعامليها كي بكري وسلفاتك
ربي يهديهم وكي قلت ضيعتي 5 سنين من عمرك علااه ؟؟؟؟
نقلك ان الله لا يضيع اجر المحسنين ربي معاك
صح فطوووووووورك

[شمس* الأصيل]

السلام عليكم ....

إن تغيرت معاملتها مع الكل حتى بناتها يعني أنها مريضة ............................................لوكان غير نتي تعاملك هكا فراهي تتبلاك ......................و الله ينصرك ان شاء الله .......................