مشكلتي رفض عائلتي

[مشكلتي]

بسم الله و الصلاة و السلام على أشرف المرسلين عليه أفضل الصلاة و السلام
مشكلتي أخواني هي رفض عائلتي بالزواج من فتاة من غير عائلتي ، حاليا رأيت فتاة أعجبتني صادفتها في العمل تحدث معها شخصيا و سألت عنها ، هي قمة الأخلاق و الجمال ، لم أجد فيها ما يتعارض مع مطلب أي شاب في الزواج
أردت التقدم لها لكن واجهت مشكلة مع أهلي إعتراض تام على فكرة الزواج من غير فتيات العائلة ، عجزت عن حل هذا المشكل العويص
أدعولي الله عز وجل أن يفتحها علي لأني أحببتها فعلا أردتها زوجة لي
لدرجة أني فكرت الزواج بها رغم رفض عائلتي بعقد مدني و السلام
اعطوني رأيكم أخوتي راجل بعمر 35 سنة والديه يقررون مكانه أي حال هذا ؟

[مراد سابقا10]

مكانش منها طول حكاية يقرروا في بلاصتك تزوج من تريدها انت وليذهب الجميع للجحيم

ماهمش هوما لي يعشيوا معاه انت لي تعيش معاها وزيد نقولك قادر تتزوج بمن اختاروها لك ومبعد كي تصرى المشاكل يهربوا عليك

زيد زواج الأقارب فيه مشكل الأطقال قادر يخرجوا معوقين .

[محارب الحمق]

في أمور الزواج القرار الأخير بيدك وأهلك شرعا لا يجوز لهم التدخل في هذا القرار الا بالنصح. لكن اياك أن تعتقد أن الخير لن يكون الا بالزواج من هذه الفتاة. استخر الله فلعل الخير في غيرها وصدقني من أعجبتك يوجد الملايين خير منها. لذا لا تتسرع. كما أنصحك بتجنب العاملات وخاصة ان كانت زميلتك في العمل

[toulay]

السلام عليكم
لدرك مزال مفهمتش العقلية تاع بعض العائلات للازم هوما ليزوجوا اولادهم وهوما ليخيروا المراة
علاش ابنهم معندوش الحق باش يتزوج مع البنت لحبها واختارها قلبه
شوف يا اخي انت الرجل والقرار يرجع ليك اهلك احترمهم قادرهم بصح حياتك الخاصة خط احمر كل واحد يتوله بروحه
عجبتك هذاك هو الصح انت لراح تتزوج بيها
حطهم امام الامر الواقع وبسيف يقبلوا لانو مشي من حقهم يرفضوا وهاذي تاع الزواج من العائلة مزالت كاينة العقلية هاذي ولمشي حايب من العائلة يبقى هكذاك ولا كيفاش
الله يبارك 35 سنة واهلك مزالهم يمشوا فيك لا لا والف لا لا
منيش عارفة شوف طرف ثالث كاش امام تاع مسجد يحكي معاهم وان شاء الله ربي يهديهم ويحنن لقلوب امين يارب العالمين
بالتوفيق

[kacimo.samy]

السلام عليكم
حالك صعيب و نصيحة مني ما دخلش بنت ناس في وسطكم اذا كنت موش قادر ..
راح تتزوجها وامبعد يدرولها مشاكل ومبعد نقرو مشكلة انك طلقتها وسبب ان العائلة طلبت منك
و ربي يوفقك

[amoulette]

قبل كل شيء صل صلاة الاستخارة
و توكل على ربي و لا تتسرع
اما بالنسبة لعائلتك اقنعهم انك لا تستطيع الزواج من قريباتك فأنت من سيهيش مع هذه الزوجة و ليس هم
و انت من يجب ان يختار و يقرر لذا حاول بشتى الطرق و حتى يمكنك تهديدهم اما ان يسمحوا لك بالزواج بمن تختارها و الا لن تتزوج و زيد شوية دراما من عندك و اصلا زواج الاقارب قد ينتج عنه الكثييير كن المشاكل ناهيك عن ظهور الامراض الوراثية

[ابو سليمان10]

اذا قرروا مكانك في هذه فسيقررون مكانك غي اشياء اخرى و الحكايات التي تروى كثيرة
ثانيا الزواج من العائلة يضاعف المشاكل الاجتماعية و تصبح هناك شروخ في العائلة الواحدة
ثالثا امكانية انجاب اطفال بامراض وراثية قد تكون خطيرة

[زايدي أمحمد]

الله يفرج عليك اخي

[رندة.]

صلّي صلاة الاستخارة وحاول تقنّع أهلك بالاختيار تاعك، وزيد شوف واحد من العائلة يسمعولو ويثيقو في كلامو يهدر معاهم ويقنعهم.
ربي يرزقك الزوجة الصالحة ويسهلّك أمورك ان شاء الله.

[yasmine700]

سبحان اï·² في اي عصر نعيش !

[الأمل المفقود]

القرار للرجل و المراة و لا دخل لاحد في قرارهما

[زبدة ذايبة]

علاش تتزوجها بغير رضاهم.

علاش عندنا عقلية الحديد والتكسير


روح مع داركم غير بالشوية.

ماشي شرط ترفد معاك دعاوي الشر من والديك.

ماتربح مايربحو أولادك.

فكر بطريقة (التفكير خارج الصندوق).

روح غير بالشوية معاهم.

تكسب مرضاة والديك ورضى رب العالمين.

أدخل على أمك وحللها وبوسلها راسها.

واديها معاك للخدمة تشوف الطفلة من بعيد.

وشوف رأيها

مهما كانت الأم قاسية والأب قاس.

ما كانش أحن منهم عليك.

هذو والديك يحبولك غير الحاجة لمليحة.

وبالنسبة إليهم قريباتك هن الأفضل.

ممكن في عايلتك الكبيرة مازالهم يتزوجو من الأقارب.

وممكن الأب تاعك عندو نظرة في الحياة.

ممكن هو على علم بما يجري من فسق ومجون ويرى أن قريباتك أطهر وأشرف.

يقول صلى الله عليه وسلم :{ما كان الرفق في شيء إلا زانه}

بمعنى زينه وحسنه.

واستخير الله عزوجل.

وادعي الله عزوجل يلين قلب أمك وأبيك.

شحال من واحد يمتنى يحضرو والديه لعرسوا يوقفوا برك عند الباب أو يشوفهم. لكن الموت كان أسرع.

لهذا يا أخي رضى الله من رضى الوالدين.

انت دير جهدك باش تتزوج ممن اخترتها.

ونفس الجهد يكون لرضى الوالدين.

إذا راك حاب تتهنى في حياتك.

إحرص على رضاهم أولا ثم ثانيا ثم ثالثا.

ماتدري لعل هذي اللي راك حريص على الزواج بها مافيهاش الخير.

إذن

لازم تمشي في الطريق بما يرضى الله به حتى تكون النهاية سعيدة.

ربي يسهل زواجك ويصلحلك حالك.

[خالد عنابي]

اذا كانت عائلتك تعيش بمفاهيم الجاهلية فاخبرهم ان الاسلام قد قضى عليها منذ 14 قرنا وازيد


توكل على الله وتزوج بمن تريد ولا يهمك رضى الوالدين فانت رجل والقوامة في يدك ورضى الوالدين لا يكون في معصية الله وفي حالتك يمنعونك من الزواج بلا مبرر مقبول سوى بحجج واهية


تزوج واستقل بمنزلك عنهم واحب من احب وكره من كره

[زايدي أمحمد]

مشكلتك نفس مشكلتي ههه واش نقول الله يفرج عليك ويلين قلب والديك