|
|
|
|||||||
| قسم التفصيل و الخياطة ورشات - مجلات - ازياء |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2013-05-10, 21:31
|
رقم المشاركة : 1 | ||||
|
دلّّلي كوزينتك وزهّيها ... قرّب العييييييييييييييد
 اللهم صل على سيدنا محمد صلاة ترضيك وترضيه وترضى بها عنا يا رب العالمين وعلى اله وصحبه اجمعين والتابعين باحسان الى يوم الدين: وش احوالكم يا بنات نتمنى تكونو كامل بخير اليوم جيت ضيفة جديدة في قسم الخياطة نتمنى نكون ضيفة خفيفة الظل  حبيت نحط موضوع نتاع طقم الكوزينة اولا في خاطر احتي الغالية ام راضية لانها طلباته وثانيا للعرايس اللي توجّد حوايجها للدار الجديدة ربي يهنيهم ولعقوبة للي مازالو وثالثا لكل من تحب تجدد في كوزينتها او كوزينة ماماها فقط للي استفادت ماتنسانيش من دعائها ربي يرضى علينا ويقدرنا نعملو صالحا يرضاه ويبعد علينا كل سوء الكوزيييييييييييييييينة... حبيبتنا الكوزينة...ورفيقة الدرب في االليالي الحالكات..ههههه  طقت في دماغي في عيد من الاعياد ندرلها قش العيد وندللها على تعبها معايا تستاهل...لا؟ وحتى حنا لبنات نستاهلو نكونو مرتاحين فيها واغلب وقتنا لثمّا  كنت شريت قماش خاص بالمطبخ وكاين انواع ماشاء الله حوالي 4 مترات شوفو وش درت بيه:  اولا حكمت الطابلية القديمة نتاع الطقم القديم المشري جاهز وحطيتها فوق القماش وفصلت قدها ودرت التور بالبيي موف... بَنَشْنَنِي كيما تقول بنتي مريومة ...زعمة بنفسجي وخيطت جيب على شكل تفاحة مانعرف بانت تفاحة ولاّ برج دلاّع؟   وعاودت فوق الكاري القديم القماش وحوطتلو بالبيي  ونفس الشي للقفاز القديم لأنه كان قدام لكن كان مبطّن ويشد الحرارة كي نهز بيه  وخيطتو بالبيي كيما في الصورة ودرتلو منين يتعلق  وفصلت مستطيل وخيطتله البيي على الجناب ودرتلو لاستيك على بعد حوالي 4 صباع من الحافتين ودرتلو حتى هو منين يتعلق لأكياس البلاستيك عملية ندخلوهم من فوق ونجبدو بالواحد من تحت   وحتى الفريجيدار خيطتله مستطيل كبير عرضه عرض الثلاجة وطوله حسب ماتحبي يعني المهم يكون نازل على الجناب   الجيب نفس اللي درتو في الطابلية  ونفس الشي للميكرووند...لكن بلا جيب  والطابلة درت دائرة كبيرة وكففتها بالبيي  كانت الخياطة لازم تكون في النص لان القماش عرضه قليل بالنسبة لعرض الطابلة  وهذا نحطو غير في المناسبات لكن للدوم شريت توالسيري يتماشى مع اللون  بالنسبة للريدو كنت معولة نخيطه من نفس القماش باش يكون مع بعض لكن ماكفانيش الوقت وكنت كي خرجت لقيت هاد الريدو سامبل ويتماشى مع اللون اللي شريت شريته لان ثمنه كان معقول يعني  وشريتلو اكسسوار صغير على شكل تفاحة باه يتحكم او يتطلق  بهاذ الشكل لاختراه ماعنديش لا أوت فمضطرة نحل الطاقة بزاف  هذا بالنسبة للخياطة نتمنى تكونو استفدتم من الفكرة وفي المشاركة التالية باذن الله نحط بعض الاكسسوارات اللي شريتها باه تتماشى مع اللون وتكمل بهاه في الكوزينة  
|
||||
|
|
2013-05-10, 21:32
|
رقم المشاركة : 2 | |||
|
نكملو يا بنيت
للباب شريت الشراشب هاذو على شكل قلوب  وللأمانة ماطولتش ونحيتهم وحطيتهم في باب البالكونة لانه اللي يجي يدخل يتخبل في خيوطه ماحبوهمش خلااااص فشريت نتاع الكريستال اللي يجيو قصار حوالي شبرين فقط وللاسف ماصورتهمش لكنهم باهيين حتى هوما وكنت كل مانحرج نشري حاجة في نفس اللون حتى ماحسيتش بثمنهم يعني طاقم التوابل  حامل الورق النشاف ...خلص   وطبق فواكه  وطاجييييييين  وملاحة وقارورات الزيت  و...خلااااااااص طبعا تقدر كل واحدة تنوع اكثر بحسب امكانياتها كاين بزاف افكار نتمنى يعجبكم الموضوع ان شاء الله ربي يبلغنا رمضان ويباركلنا في العيد ويعمر بيوتنا وكوزيناتنا بالذكر مش بالاغاني لبنااااااااااااااات العمر قصير  ويوفقنا نعملو صالحا يرضاه ونشكرو نعمه علينا يااااااااااارب الى لقاء جدييييييييييد في امان الله   |
|||
|
|
|
2013-05-10, 21:54
|
رقم المشاركة : 3 | |||
|
بارك الله فيك اختي فما علينا الا ان نشمر على سواعدنا من اجل ذلك لان شهر رمضان على الابواب و يليه العيد فشكراااااااااا لك |
|||
|
|
|
2013-05-10, 22:03
|
رقم المشاركة : 5 | |||
|
روعة أختي ابداااااع يعطيك الصحة أن شاء الله راح نخدمهم |
|||
|
|
|
2013-05-10, 22:51
|
رقم المشاركة : 7 | ||||
|
اقتباس:
العفو وفيكي اختي ربي يهنيك ان شاء الله اختي ربي يباركلنافي رمضان ويرضى علينا
|
||||
|
|
|
2013-05-10, 22:53
|
رقم المشاركة : 8 | ||||
|
اقتباس:
يسلمك حنونة ربي يبارك فيك
|
||||
|
|
|
2013-05-10, 22:54
|
رقم المشاركة : 9 | ||||
|
اقتباس:
يسلمك اختي نتمنى تجربيهم وتدعيلي معاك
|
||||
|
|
|
2013-05-10, 22:55
|
رقم المشاركة : 10 | ||||
|
اقتباس:
وفيك اختي ربي يبارك فيك
نورتيني |
||||
|
|
|
2013-05-10, 22:59
|
رقم المشاركة : 11 | |||
|
Allah yebarek haylin bssahtek |
|||
|
|
|
2013-05-10, 23:13
|
رقم المشاركة : 13 | |||
|
هايلين اختي بصحتك |
|||
|
|
|
2013-05-10, 23:15
|
رقم المشاركة : 15 | |||
|
يعطيك الصحة اختي ابداع.. جاو هايلين.. بصحتك |
|||
|
|
|
| الكلمات الدلالية (Tags) |
| ...العيد, دلّلي, قرّب, كوزينتك |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
