احببته لدرجة .....

[مشكلتي]

سلام
انا فتاة عمري 21 سنة منذ حوالي 4 سنوات احببت شخصا و تعلقت به لدرجة لا توصف لكن لا جرأة لي لاخبره ... هذا الشخص لاباس بيه متخلق الله يبارك فيه كل ما احلم به الحشمة و كلش .... لم أستطع تجاوز حبه و قد جائتني عدة فرص خطبوني و لم اتمكن من القبول ... من جهته هو كل مرة كيفاه يبان احيانا يبينلي بلي يغير كي يشوفني مع اي واحد و احيانا لا يبالي ... وشحال من خطرة يقول لخويا لكان نخمم نتزوج نجي لداركم ديراكت ... انا خايفة نضيع وانا نستنى فيه .... في المقابل مقدرتش نحيه من راسي ... ما الحل !!!

[نبض قلبي]

أختي شوفي معايا مليح
اذا طلبك به و نعمت اذا ماطلبكش قوليلي برك كيفاه تروحي تقوليلو
مثلا راني ناوياتك للحلال؟
أختي ماتبنيش حياتك على أضغاث أحلام
كون بغاك راهو جا طلب يدك
ربي يسرلك

[Ibrahim_Tech]

الله يهديك

[بسمـة أمل]

أختي لا تبني أحلامك على الأوهام
واجهي الواقع و لاتتركي سنين عمرك تضيع هباءا باسم الحبّ

[لمسة ابداع]

يا اختي شوفي حياتك
الفرص تجي مرة و لا تعوض
كون جا حابك تاع الصح
كون جاء خطبك مباشرة
ربي يرزقك الزوج الصالح
في القريب العاجل

[_اميرة الصمت_]

الانتظار لن يوصلك لاي مكان ... في الاخير احسنلك تدي شخص لي يحبك ماشي لي تحبيه ....
موفقة أختي

[محمد جديدي التبسي]

مازالك صغيرة زيدي استني شويه؟؟؟
هدا واش حابتنا نقولولك؟؟؟
كيفاه يشوفك مع واحد يغير؟؟
وين راك توقفي مع الشباب ؟ في الشارع ؟ في الجامعة ؟؟
يا اختي هذه أوهام تاع مسلسلات لي تعجبو وحده يدخل من الباب ولع اعذار له استناي مكتوبك ودعك من الأحلام

[زبدة ذايبة]

حبي ولا اقعدي ماراحش يجي يخطبك.

أتهناي.

قال يغير عليك!!!!!!!!!

وين عرفتي الغيرة ولا شفتيها!!!!!!

شفتيه شاف مرة ولا زوج للجيهة اللي راكي فيها

بديتي تبني في قصر من القش!!!!!

سرعان ماسينهار.

واحتمال انه منهار أساسا وانت ماشي جايبة خبر.

قاعدة عايشة في الأحلام والأوهام.

راكي بحال اللي راه يشوف في لمنام ونهلر مايفطن يصيب روحو كان يحلم فقط.

ديريها حلقة قي وذنيك.

ماكانش الحب. كاين الزواج.

وغيرك أشطر.

لو كان تزوجو اللي سبقوك اللي تخايلو كيما انت.

نادرا جدا اللي تتزوج عن (حب).

وإذا حصل هذا. يومها تأكدي أن الرجل بالفعل رجل.

وأغلب الإعجاب يكون من الطفلة.

الشباب بريء من حكايات الحب.

الفتاة هي من تتسبب في استدراج الشاب.

هو ماشي سامع بيك خلاص.

وانت قاعدة تحاصري فيه بحركاتك ونظراتك.

دخلتيلو الشك في نفسه وخليتيه يعيش في شيء لم تكن تخطر على باله.

وفوق من هذا كله وعلى حساب كلامك.

الخطاب عند الباب مدايرين صف.

وانت ماشي موافقة غير على واحد خاطيه العلاقات.

ذنبه الوحيد أنه وليد فاميليا.

ممكن ظروفه لاتسمح بالزواج في هذه الفترة.

خافي ربي

وخلي وليد الناس طرنكيل

مادخليهش في متاهة بسبب ألاعيبك وأوهامك البالية.

كاين رجال ناضجين راهم يجو لعند أهلك يطلبوك للزواج ماعندك علاه تضيعي الفرصة.

هذا الشاب مارحش يجي يخطبك غير روحي تزوجي

إذا كنت فارغة شغل ماتقرايش أو ماعندكش وش يشغلك من الأحسن

تروحي تتزوجي من رجل صالح يكون أستر وأفضل لك من الأفلام اللي راكي مدايرتها.

قال تحبي !!!!!!!!!!!

ماتزيديش تبعيه وتقاطعيلو في الطريق.

ماعندك بيه حتى علاقة.

طروشي لولد ومن بعد تروحي تتزوجي بواحد مقتدر ماديا.

غير ريحي.

وكل ماتفعلينه فيه الإثم والذنوب والمعاصي.

استغفري الله وابتعدي عن الشاب.

وإذا وافق أهلك على خاطب ماعندك علاه تخلي لحلال وتروحي للحرام.

بما أنك وليتي تشوفي للرجال وتتوهمي الحب فهذا يعني أنك لست صغيرة

من الأحسن توافقي على زواجك.

وكلما بكرتي بزواجك يكون أشرف وأستر وأطهر وأحفظ لك من البقاء عانس تحلمين بالحب و.......

[بـــيِسَة]

اختي متضيعيش حياتك و انت تستناي فيه

و الا مقبلتيش اقبلي بالاول الي يجي يخطبك و خليك منو و نحيه من راسك بالصلاة و الدعاء لله و هكدا و الله معاك و الله يهديك ...

[ام البنوتة]

صارحيه بالاك هو ثاني يحبك
نعم النصيحة يا تلميذة .لاحول و لاقوة الا بالله خربتو المجتمع باخلاقكم الوضيعة .فسدتو و حابين تفسدو الجنس الاخر ثاني.يا لطيييف

[toulay]

وعليكم السلام ورحمة الله وبركاته
يا اختي ربع سنين وانت تحب فيه وفي المقابل هو مادار حتى خطوة وتبع معايا مليح قال لخوك لكان نخمم نتزوج يعني اذا خمم لانو على حساب واش قال مكانش فكرة الزواج في راسو لحد الان
انت قاعدة ضيع في روحك وضيع فالفرص
نصيحتي ليك غير اقبل بواحد ملي يجوا يخطبوك وانسى هذ الشخص لانو لو كان يبادلك نفس الشعور لوكان يسبق هو الاول ومايخلي حتى واحد يديك ويدير المستحيل باش تعيشوا فالحلال تحت سقف واحد
يبينلك بلي يغير كيفاش يبين هذا
يا اختي الحب مواقف وافعال اذا عينو يبين كاين الباب
خمم بعقلك واخطيك من العواطف وكونك قافزة
ولفيما يخص كيفاش تنساه داوم على قراءة القران والاستغفار راح تنسى حتى اسمو
بالتوفيق

[المطمئنّة]

السّلام عليكم ورحمة الله وبركاته


أختي الغالية، إذا كانت لكِ علاقة بهذا الشّخص فاقطعيها فورا واستخيري الله تعالى إذا تقدّم لكِ، فمجرّد الإعجاب والمشاعر لا تبني البيوت..
ومن كان يريد أن يبني بيتا على أساس سليم فليأتِ البيوت من أبوابها..

لكن لا تتعبي نفسكِ بخصوص مسألة (من جهته هو كل مرة كيفاه يبان احيانا يبينلي بلي يغير كي يشوفني مع اي واحد و احيانا لا يبالي) وحذارِ ثمّ حذارِ من الاختلاط بالجنس الآخر فأنت امرأة مسلمة..
إذا كان يريد حقا خطبتك فليتقدّم لأخيك أو لوليّ أمركِ مباشرة لأنّ العلاقات التي تكون خارج اطار الشّرع لا يُكتب لها النّجاحُ أبدا..
أتمنّى لكِ التوفيق في دينك ودنياكِ.

[أم رقية نسرين]

قال يغير قال والله ضحكتيني علاه ضلي تهدري نتي مع اي واحد ؟؟؟؟؟ هادو المسلسلات واش قاعدين يديرو فيكم
ربي يهدينا أجمعين

[manil.didi]

استيقضي مناحلام وردية ستاخذك الى الهاوية

[ع.عيسى]

لم لا تفتحي الموضوع مع امك ، بحيث تخبر اخاك بطريقة غير مباشرة انها تريد تزويجك منه ، واخوك يفتح الموضوع معه و بعرضك عليه ،و يخبره انهم موافقون اذا تقدم لخطبتك ..هذه الخطوة مافيها حتى عيب ..في هذه الحالة اذا تقدم لك اللهم بارك ، اما اذا تحجج بالعمل والدراسة وغيرها فمن الافضل ان تنسيه ولا تضيعي عمرك على وهم وسراب