اين نجدها له تلك الزوجة مازال البحث جاري

[مشكلتي]

مساء الخير انا صاحبة مشكلة اين نجد تلك الزوجة المناسبة لشقيقي واخي العزيز طبعا رايت ردودكم وطبعا بعضها منطق والاخر ضالم وتهجمو عليا كانو ارتكبنا جريمة انا وشقيقتي الاخري طبعا حنا نيتنا نعانو اخي لانو لحد اللحضة وهو كل مانجو للدار ويتكلم علي موضوع زواج وطبعا كما دكرت سابقا هو يعمل عند روحو في محل خاص ببيع ادوات الاعلام الالي ملحقاتها تصليح يعني حالتو لاباس الان عندو رغبة في الاستقرار واكمال نصف دينو وطبعا هو مازال مالقاش وحدة لي تساعدو هو وعقليتو لانو قلتلكم اخي والله انسان طيب جدا وعاقل بزاف وخاطيه البنات ويعرف واش يعمل في حياتو قلتلكم هل تعرفو اين ندهب قلتولي وشريتولي علي بعض اماكن بارك الله فيكم ومشكورين من بنات تاع قري ومدن بعيدة ارياف الخ لكننا وهو بالضبط رانا عايشين هنا في العاصمة وهو ايضا راه ساكن مع والديا وحاب يجبها للدار طبعا بنية زواج ويحوس علي بنت عايلة تاع دار وفي نفس الوقت هي ماكثة ماكثة في الدار اين العيب بعضكم تهجمو عليا ياك قلتلكم انو تعاون والديا وطبعا كاينة لي تربات علي دلك من صغرها وهي في منزل وتعاون دارهم وزد خويا حمد لله راح يوفرلها كل شيء مافهتمش علاش بعض البنات يفهمو بزاف النقص وكاننا جبناها لحبسهااو سجنها وهي اصلا معتادة علي المكوث في المنزل من سن مبكرة حتي انو قال حتي لو تكون تعمل نحبسها من العمل وشاف وحدة تعمل في ميدان الحلاقة تعرف عليها لكنها ماعجباتوش كامل وقاتلو انا نشرط نبقي نخدم في الحلاقة وشاف اخري تعمل عند طبيبة امراض عقلية وتكلم معاها مليح وحس انها مش متحمسة للزواج رغم انو قالنا عندها مستوي سنة 09اساسي وهدا شيء مايهموش لانو مهم يكونو في نفس مستوي دراسي وتفكيري او تكون اقل منو مهم ماتكونش اعلي منو لانو يحس بالنقص الكبير جربناه مرة علي استادة رفض بشدة لانو يعرف انو مايتوالمش معاهم في رؤيته للحياة وطريقة التفكير
المهم انا حاب نطلب منكم هو حاب ياخدها من العاصمة وضواحيها يعني عاصمية للقرب وكل شيء لدارهم اين يجدها سواء ماكثات في البيت ودات مستوي دراسي ضعيف او حتي تكون دات مستوي وماتعملش لانو حسب ماقال لي هادوك لي يخدمو اغلبهم يشرطو تكمل عملها وصغيب باش يقنع وحدة فيهم توقف عملها اللهم ادا وحدة دارت في رايها شفت وحدة حلاقة اخري نعرفوها لكنها تبان شوية ماعجبتناش بصراحة
واش رايكم ممكن تعطوني اماكن هنايا ون نشوفولو وحدة كما يحب ويشوف هو

[محارب الحمق]

يا أخت أعيد عليك ما قلته من قبل, إذا كان خوك عينو كبيرة راح تصعاب المهمة ولازم شويا صبر, محدثك عندو عامين وهو يحوس ومازال ما صابش, الأمر ليس سهلا خاصة مع حال المجتمع. وجوه البرقوق جعلو الباكالوريا في متناول الجميع. في الماضي كانت الباكالوريا لا ينالها إلا من يستحقها وكانت الكثير من الفتيات تحال على المنزل بعد فشلها في الحصول عليها مما جعل مهمة إيجاد الزوجة بالشروط التي ذكرتيها أمرا سهلا. أما الان فكل من هب ودب أصبح يدخل إلى الجامعة وإذا دخلت الفتاة الجامعة معناها مازالني نقرا ومعناها حابة نخدم ومعناها استناوها حتى تكبر وتيأس من إيجاد العمل باش تقبل أي أن الزواج بالنسبة لها مجرد عجلة إنقاذ في سلسلة الأولويات. ماأعلمه هو وجود الكثير من طلبة العلم الشرعي في العاصمة, يمكنكم البحث هناك. مثلا في الكلية التي يدرس فيها الشيخ فركوس أو غيره من المشايخ, يمكنكم أن تجدوا له هناك بنت عايلة متدينة. الله يبارك العاصمة طويلة وعريضة متأكد أنه بقليل من الإجتهاد والبحث والتمحيص ومع التوكل على الله ستجدون ضالتكم

[toulay]

السلام عليكم
خوك على حساب الشوفة يشرط بزااااااااااااااااااااااااااااااااااااااااف ونسيتي حاجة مذكرتيهاش هنا قلتي جاي شويا معقد
l'essentiel ربي يلاقيه بالانسانة المناسبة ان شاء الله
بالتوفيق

[visa uk]

اختي بالشروط الي تكلمتو عليها هي صعبة مش مستحيلة اكيد كاينات بزاف بنات مستوي ضعيف او متوسط تاع متوسط او حتي ثانوي المهم انا حسب مافهمتك تريدونها تاع دار وداري محتشمة الخ كاينة في العاصمة بنات تاع دار عر هوما اختي ومازال ماتزوجوش انا في حومتي كاينات بنات هاد كاليتي نلقاهم يخرجو بزاف برا يشرو كرهو من دار او كاينات لي عملو تربصات ويعملو ميادين كثيرة خياطات حلاقات الخ من حرف فهمتي هادوك ايضا يوالموه متقاربين بزاف في مستوي الخ لدا اكيد كاين مش كما تحوسو جامعيات او مرفهات ثريات طبعا مهم مستوي مغيشي واجتماعي تاعها وتاع عائلتها فهمتكم فهمتكم كما يقول زن العابدين

[لمسة ابداع]

ربي يرزقو انشااااء الله زوجة صالحة تقر بها عينه في القريب العاجل

قوليلو يدعي ربي لا تذرني فردااا و انت ارحم الراحمين

[نجاة^^]

يا اختي والله حيرتيني بهاذ الموضوع تاعك كيفاه جاري البحث يعني هذوك النصائح الاولى كامل مكفاتكش كيف سيساعدك الناس وهم لا يعلمون بظروفكم او جيرانكم او بنات العايلة تاعكم او او (بلاك راكي تحوسي عليها في المنتدى هذيك حاجة اخرى)
المهم خوك ربي يرزقو ان شاء الله زوجة صالحة تعينه على الحياة اما قضية والديك نتوما اولى من غيركم في رعايتهم والله أعلم
اسمحيلي على الكلام القاسي ولكن اللي في قلبي قلتو والسلام

[ريان برهوم]

ختي تبانلي حسبما ارى خوك مبيه لا مستوى ديراسي لا مكوث في داار خوك يحوسعلى الزين على حساب مراني نشووف علاش عاصمة كامل ملقيتوش وحدة ربي يهدي مخلق زيدي شووفي خوكتبانلي ديفو فيه بلنسبة لوالديكم نتم لي ترعاهم ماشي مرت خوكم اووكي ومنيش نجرح فيك

[نُـون]

سلام ...الان اخبرك أن سؤالك في غير محله أين نجدها هل تنتظرين ان تبرز لك احداهن وتخبرك راني هنا
والله عجب!
لا يمكنك ايجاد زوجة لاخيك هنا وان اشاروا لك بل اسالي معارفك اقاربك جيرانك من حولك. اما ما تفعلينه فهو مضيعة للوقت
صح عيدك

[صُبح الأندلس]

يا اختي ما تهجمنا عليك ما ظلمناك لكن شروط أخيك تعجيزية يا خدامة أو قراية و تتوقف أو مستواها ضعيف جدا و كأننا في عهد الاستعمار؟شكون لي ماراهش تقرا في هذا الوقت الآن أقل شيء الثانوية و طبعا حتى لو كانت ماكثة في البيت مع الوقت تبانلها تكمل قرايتها و لو بالمراسلة أو تخدم لانام أو لا أدري...بنات اليوم صعب تعجنيها كما تحبي و أيضا اذا كانت موالفة في بيت أبوها تخدمهم عادي و حقهم عليها لكن أهل زوجها ليس واجب عليها خدمتهم.أمك انت تخدميها و خوك و الزوجة تخدم زوجها فقط و لوخدمت أهل زوجها فتفضل منها فقط.
المهم أخلصوا النبية و ابحثوا عن الزوجة الصالحة مهما كان وضعها لأن العاملة ليست كافرة على كل حال.