الجزء 125 من واش طيبتي اليوم.....مرحبا بالغوالي

[ام سوهيل]

مساء الخير ام رويدة مبروك الكوزينة

[ام سراج وملاك]

انا رقم 9 منعرف شكون لمزهر فيكم في لعشا نتاع ليوم

[زينب 83]

ام رويدة الف مبروك افتتاح الكوزينة حبيبتي ، و أطباقك ما شاء رائعة

ناكاتابيل حبيبتي هذا وسامك




عازفة الناي حبيبتي هذا وسامك




حبيباتي لي راهم غايبات و شاركو في كوزينة 124 لهم أوسمة شرفية لمجهوداتهم في المسابقة

https://www.djelfa.info/vb/showthread...82460&page=118

[عطرالذهب]

مساءالنور والف مبروك كوزينتك ام رويدة ان شاء نكملو المسيرة تاع الكوزينة الماضية

[زينب 83]

عازفة الناي التحلية تشهيييييييييي

شهرزاد الحلوى جميلة ما شاء الله

ام سراج تسلمي علو الوصفة

سجى منورة حبيبتي

ام سراج ههههههه انا طاجين الزيتون رقم 10

[زينب 83]

حقاً حبيباتي كوزينتي كانت رقم 124 و عدد الصفحات كان 124 يعني هذا رقم حظي ههههههه

و كي تجمعو 2 و 4 و 1 نلقاو رقم 7 ههههه رقم الحظ عند الغرب

لكن بما انا مسلمون رقم 7 هو الرقم المميز بالنسبة لينا لي هو عدد السموات و الارض ، عدد التمرات التي أوصى بها سيدنا محمد و عدد الإعادات في كثير من الأدعية ووووووووو

دوك تقولو زينوبة هبلت ولات تحلل في الأرقام ههههههه

[ام رويدة]

المشاركة الأصلية كتبت بواسطة ام سراج وملاك

ام رويدة مبروك عليك افتتاح هاذا الجزء اولا اطباق اختك رائعة ربي يرزقها الذرية الصالحة ويرزق كل وحدة محروةمة من نعمة الامومة بلاما نعلق على اطباقك عجبوني كامل ربي يبارك في انتظار الصور البقية
ضك نعطيك اسرع اكلة سهلة وبسيطة باش نكون انا الاولى طبعا هههههههههههه

شكشوكة السلق





نغسل اوراق السلق جيدا بالماء والجافيل نقطعهم قطع صغيرة من جهة نقلي بصل مقطع مكعبات مع شوي ثوم وشوي زيت وشوي ملح وفلفل اسود وشوي كمون نضيفلو طماطم الحب مطعة مكعبات ومعاها نصف مغرف كبيرة طماطم الباط ممكن تستغناي عنها ومغرف صغيرة هريسة لتحب الحار نقليهم ونزيدلهم السلق مباشرة كي يطيبو نزيد بطاطا مقلية مكعبات و نضيف بيض حسب الكمية انا درت ثلاث بيضات مع شوي دبشة لي تحب تزيد اللحم المرحي تزيد انا مدرتوش

وهاذي ثاني شكشوكة سهلة حطيتها في كوزينة زينب نزيد نحطها هنا

شكشوكة عادية وسهلة التحضير

درت فيها حبا ت بطاطا مشرشمين يعني غليهم في الماء وقشريهم وقطعيهم مكعبات من جهة قليت البصل شرائح في شوي زيت وزدت معاه فلفل حلو مقطع صغير وحبة طماطم الحب وثوم وشوي فلفل اسود وشوي ملح وزدت بطاطا المشرشمة مقطعة وحطيتها فوقهم زادو طابو مليح تقدري تزيدي بيضات من فوق مع شوي دبشة

مممم ام سراج اكيد انت الاولى....يعطيك الصحة حنونة...سيرتو تاع السلق تشهي

[ام سراج وملاك]

زينب نتي مقاري طاجين الزيتون انا عدس كول ودس ههههههههههه من حبي ليه جا من زهري حتى طرف لحم مكانش فيه راني نستنا في رقم 6 شكون ورقم 12 ان شاء الله ميكذبوش ويجابو بصراحة ومولات الكوزينة هيا ثاني لازم تجاوب

[ام رويدة]

المشاركة الأصلية كتبت بواسطة *أم كوثر*

السلام عليكم
يعطيك الصة ام رويدة
كوزينة مربوحة ان شاء الله
وربي يرزق اختك ذرية صاالة سليمة معافاة
جبتلكم اخر مشاركة في الكوزينة لي فاتت

مساءكم سعيد و الف مبروك الاوسمة و الله فرحتلكم و شكرا لكي ام كوثر و النايلا ٠
شكر ا لكي زينب على النشاط و الابداع و الحيوية اللي كان في الكوزينة يعطيك الصحة بارازار وسامي مضاعش في الانترنيت هههههه:d
بصحتكم واش طيبتو كلكم انا اليوم طيبت وصفة اسمهان تع البطاطا مممم يعطيك الصحة انا درتهاب الدجاج و كثرتلها الفروماج و حمرتها وصوص تع الدجاج مممم يعطيك الصحة و ربي يجيبلك الشفاء
درت عصير الهام هايل يعطيك الصحة لهوبة مممم سورتو بارد اووووو


و الحمد لله

منورة حبيبتي ام كوثر...زيدي جبيلنا اخر الروائع في كوزينتك
ومممم على اطباق نتكبال..يعطيها الصحة

[mosta*limoges]

هل تقبلون ضيفة غريبة وجديدة بينكم

[ام سراج وملاك]

حقا ام رويدة الاوسمة كاينين ولا مكانش باش اذا مكانش شوفي من ضك واش تمديلنا وسام واحد ميكفيش هههههههههههه نتمسخر برك المهم نبقاو كيما هكذا ناشطين ولي عندها معلومة متبخلش لاشة تكون معروفة من قبل ضك نكتبلكم تدبيرة بلاكش تفيدكم

[ام رويدة]

المشاركة الأصلية كتبت بواسطة chahrazed g

وصفة الغريبية و عطر البيستاش و قليلا من الملون و التزيين بالبيستاش الوصفة هزيتها من العضوة اماني

شكرا غاليتي...والله عجبتني بزااف

المشاركة الأصلية كتبت بواسطة saja hamed

توحشتكم توحشتكم يااااااااااسر ومبروك الكوزينة الجديدة ام رويدة

وحنا توحشناك ما تزيديش تغيبي...الله يسلمك اختي

المشاركة الأصلية كتبت بواسطة wahibaazel

اختي ام رويدة مبروك عليك العتبة الجديدة ،اطباقك واطباق اختك ماشاء الله [

الله يسلمك حبيبتي

المشاركة الأصلية كتبت بواسطة "سندوسة يسمين"

الف مبروك افتتاح الكوزينة الجديدة
انشاء الله نكونو قريبين
تحياتي ليكم يالفحلات

الله يسلمك منورة غاليتي

المشاركة الأصلية كتبت بواسطة سرور2

السلام عليكم اختي مبروك عليك الكوزينة ان شاء الله بالصحة ولهنا ليك ولكامل الاخوات

لفراز كياش ندرولو باش نخبوه لرمضان ممكن طريقة لو سمحتو

الله يسلمك حبيبتي

[ام سراج وملاك]

تدبيرتي هيا بسيطة بلاكش كامل تعرفوها
الفول طبعا معندوش وقت يعني يجي فترة ويطول باش يكون انا الفول لي يطيبو بيه البربوشة او شكشوكة الفول نقطعو طراف ونغسلو بالجافيل والماء مليح ومبعد نحطو في ككوطة مع شوي ملح ماشي بزاف وشوي زيت وماء ونقفل الككوطة ونطيبوه شوي ماشي بزاف مبعد نحطو في كسكاس ونخليه يقطر من الماء ونديرو في علب او صاشيات مشرين جدد نظاف هاذوك الصغار ونقسمو فيهم ونخبيه في المجمد لفترة طويلة حتى كي ميكونش وقت الفول صدقوني كي طيبو بيه كانو جديد وثاني الفول لي نشرشموه لي حباتو كبار نقيهم من لقشور ونغسلهم مليح بالماء وشوي جافيل ونخليهم يقطرو ونديرهم في صاشيات صغار ونخبيهم في لمجمد نهار لي ميكونش وقتو نجبد ونستعملو

[عازفة الناي]

زينوبة 83 الف شكر على الوسام فرحت بيييييييييييييييييييييييييييييييييه بزااااااااااااااااااااااااااااف
عطورة توحشتك يا بخيلة درتو العرس والباب عند الباب و ما تفكرتينيش حتى بشوي سلاطة واااااااااااااااااااااااااااااااع زعفت هههههههههههههههههههههههههههههه
mosta*limoges الف اهلا وسهلا بيك
زينب 66 دارتها بيها النت ؟؟؟؟؟؟؟؟؟؟؟؟؟؟
شكرا لكل اللي عجبتهم التحلية انتظرو جديدي قريبا وجدو بورتموني معمر دراهم برك هههههههههههههههههههههه

[عازفة الناي]

المشاركة الأصلية كتبت بواسطة زينب 83

حقاً حبيباتي كوزينتي كانت رقم 124 و عدد الصفحات كان 124 يعني هذا رقم حظي ههههههه

و كي تجمعو 2 و 4 و 1 نلقاو رقم 7 ههههه رقم الحظ عند الغرب

لكن بما انا مسلمون رقم 7 هو الرقم المميز بالنسبة لينا لي هو عدد السموات و الارض ، عدد التمرات التي أوصى بها سيدنا محمد و عدد الإعادات في كثير من الأدعية ووووووووو

دوك تقولو زينوبة هبلت ولات تحلل في الأرقام ههههههه

راكي 44444444444444444444444444
عجبني التحليل