بقلاوة من مطبخي

شاملة لينة · 2013-08-18, 20:52

راها ما جاتنيش كيما موالفة عياتني شويه درتها في بلاتو جديد ضيعلي السمن

واش رايكم؟؟؟؟؟؟؟؟
مقادير البقلاوة
رطل فرينة
200غ مارغرين صالحة للتوريق
3 بيض
قرصة ملح
الحشو
كيلو كوكاو بدون تحميص
رطل سكر
التحضير
يرحى الكوكاو في الآلة مع السكر متوسطالحجم يمكن استعماله مع القشور
نفرغ الفرينةعلى طاولة العمل
نقطع المارغرينو نضيفها للفرينة الملح نقوم بدعك المارغرين في الفرينة
في حفرة نفقص البيض جملة واحدة نلمها قليلا
في حفرة نضيف كاس الماء بالتدريج و حسب الحاجة
و مرة على مرة نذر الفرينة على الطاولة ندلكها باليد 15 د
نقسمها الى 10 اقراص نحتفظو بيهم في كيس مرشوش بالفرينة
نحل القرص على طاولة مرشوشة بالفرينة و نرفعها للمول
ندهنها بالسمن او المارغرين
و نفس الشيء مع القراص الاخرى الى غاية القرص 5
نحضر الحشو الآن نضيف القليل من ماء الزهر و القرفة وقشور الليمون للكوكاو و السكر قيس ما يتشمخ برك
و نضعه فوق الطبقة ال5
نسوي باليد نضع الطبقة 6 و ندهنها ونفس الشيء بالنسبة مع الطبقات 7 8 9 10 تسوى باليد
نغمس الحواف بواسطة سكين
نقسمها معينات او مربعات نفرغ عليها قليل من السمن الذائب نشربا مليحنزينها بحبت الكوكاو تطهى في 180د لما تطهى نعاود نقسمها باسكين
وهي ساخنةتسقى بالعسيلة دافية ( كاسين سكر كاس ماء شوية شب حجرة ليمون)
و بصحتكم

2013-08-18, 20:56

اممممممممم والله خرجتلك هايلة ومتحووووووووووووفة يعطاك الصحة

شاملة لينة · 2013-08-18, 21:00

الله يسلمك حنونة

oum anas 69 · 2013-08-18, 21:01

يعطيك الصحة عزيزتي البقلاوة رائعة ماخصها والو تاكلوها بالصحة

شاملة لينة · 2013-08-18, 21:05

يعيشك حبيبتي اسعدني مرورك
راكم طلعتولي المورال

Nour el houda93 · 2013-08-18, 22:29

ماعندها ما تزيد
ما شاء الله يعطيك الصحة يا الفحلة
معليش اذا قدرتي تحطيلنا لاروسات
ناوية نجرب ان شاء الله تاع ام انس ساهلة بزاف
اااه ولبلاطو اذا قدرتي الصورة نتاعو
اسمحيلي طولت عليك لووووووووووووول