2 أنواع قاطو تاع حليب

nado77 · 2009-10-01, 11:43

السلام عليكم , اليوم أقدم لكم المحقن و الكروكي

المحقن :

المقادير :

4 بيضات , كأس سكر , كأس و ربع زيت , شكارة خميرة كيميائية , شكارة فاني ,مبشور القارص , فرينة.

طريقة التحضير :

اخلطي البيض مع السكر جيدا أضيفي الزيت و استمري في الخلط بواسطة الخلاط ثم الفاني و مبشور القارص و بعد ذلك الخميرة و الفرينة و خلي العجينة شوية مرخوفة.
ثم أحضري المحقن أو اللمبوط و شكلي به حلقات أو سيقارات حسب الرغبة و أدخليه الفرن على نار متوسطة.

الكروكي :

المقادير :

8 بيضات , كأس و ربع سكر , كأس و ربع زيت , مبشور القارص , 2.5 شكاير خميرة , كاكاو , 250 غ مايزينة , فرينة, شكلاطة , كاوكاو محمص و مرحي للتزيين.

طريقة التحضير:
اخلطي البيض مع السكر جيدا بواسطة الخلاط الكهربائي,أضيفي الزيت و استمري في الخلط ثم مبشور القارص و المايزينة و بعد ذلك الخميرة ثم أقسمي الخليط الى أثنان , نصف أضيفي له 2 مغرفة كبيرة تاع الكاكاو ثم أضيفي لكليهما الفرينة و خلي العجينة شوية مرخوفة .

في صينية ادهنيها بالزيت ضعي عجينة سوداء و ابسطيها قليلا و ضعي فوقها نفس الحجم عجينة بيضاء ثم روليها و مدديها في البلاطو المدهون بالزيت. و أدخليها الفرن على نار متوسطة.
بعدما تطيب ذوبي الشكلاطة و أدهني الكروكي بها و زينيها بالكاوكاو المرحي و قطعيها على شكل مقروطات .

و شهية طيبة