قسم المنزل و متطلباته - دورة " ربات بيوت واثقااااااات" - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم المنزل و متطلباته

قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ...

 


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

إضافة رد
 
أدوات الموضوع انواع عرض الموضوع
قديم 2017-09-13, 12:02   رقم المشاركة : 61
معلومات العضو
arwa alaa
عضو مميّز
 
إحصائية العضو










افتراضي

اهلا فراشات
ام شمسو تمت مهمت الرمي بنجاح







 

رد مع اقتباس
مساحة إعلانية

قديم 2017-09-13, 12:57   رقم المشاركة : 62
معلومات العضو
ام شمسو محمد
عضو مميّز
 
إحصائية العضو










افتراضي

السلام عليكم و رحمة الله

صبحكم الله بالخير و السرور ...دمتن محلقات و نشيطات و فرااااشااااات

حبيبتي بالقران نرتقي احيك الذي احببتني فيه و بالنسبة لانشغالك الجمالي داخل في برنامج الفراااشة ...ان شاء الله ندخلوه لاحقا في عاداتنا اليومية ...و بوجود فراااشاااات ناعمات كيما ام متين و ام صفصف ما تخافيش تلقاي حاجتك برك ..

شهد نور اليقين نحييك على الانضباط ...الان احنا محتاجين تعاونينا و تفيدينا و تحفزينا ...بحضورك و روتيناتك وافكارك ...بالنسبة للمجالات اللي ذكرتيها مطروحة بالتاكيد و راح نطرقو ليها باذن الله ...نتمنى فقط الحبيبة ام تينة تفتح ميكروها و تطل علينا ..

اروى الاء انا المنطقة المؤسفة عندي هي القاراج ...ما نحبش حتى ندخل ليها ..لانها منطقة زوجي و هو مسيطر عليها ...ما يخلينيش نرمي ...و حتى الترتيب يقولي ودرتيلي الحوايج ...خليهم كيما راهم ..زعما الفوضى المنظمة ...حتى و مش مرتبين عارف الحوايج وين راهم ...و بالنسبة لماعن العشا نحاولو في الدورة نثبتو هذي العادة ..كون تستمري عليها شهر ما تعودش تجيك صعيبة ..

صبحك الله بانوار النبي ام هاجر الطيبة ...انتي والله كل ذلك و خير من ذلك ..

صباح التحفيز و الذكر الطيب حبيبتي ام متين ...هذا مقامك في المنتدى اسال الله ان يجعل ما تقدمين في ميزان حسناتك ..و بالنسبة لخبرتك اللي قدمتيها في مجال غسيل اواني المساء تحديدا نوافقك عليها 100 بال 100 اهم شي ما تخليش التراكم ...العامل نفسي مش بدني هو اللي يخليك تعجزي ...استمري في تزويدنا فضلا حبيبتي ام متين ...

صحكتيني اختي فتاة عادية بالنسبة لامك ...انا راجلي على هذا الموضوع يخرجني ههههه يتعلق بالحوايج بشكل عاطفي و كي يشوفني رميت سروال ما يلبسوش مثلا يزعف و يقول بالاك يجي نهار و نسحقو و يعتبرني مستهترة...هههه...شوفي كيفاش ترضي الوالدة الكريمة







رد مع اقتباس
قديم 2017-09-13, 12:59   رقم المشاركة : 63
معلومات العضو
ام شمسو محمد
عضو مميّز
 
إحصائية العضو










افتراضي

اروى يعطيك الصحة وفقك الله ...انا العشية ان شاء الله نطبق ...الصباح جاوني ضياف ...ذرك استعدي للمهمة الثانية ...ثاني تفرراز ..كي يخلصو لبنات نبداو فيها مع بعض ان شاء الله







رد مع اقتباس
قديم 2017-09-13, 14:06   رقم المشاركة : 64
معلومات العضو
فتاة عادية
عضو مبـدع
 
إحصائية العضو










افتراضي

اقتباس:
المشاركة الأصلية كتبت بواسطة ام شمسو محمد مشاهدة المشاركة
السلام عليكم و رحمة الله

صبحكم الله بالخير و السرور ...دمتن محلقات و نشيطات و فرااااشااااات

حبيبتي بالقران نرتقي احيك الذي احببتني فيه و بالنسبة لانشغالك الجمالي داخل في برنامج الفراااشة ...ان شاء الله ندخلوه لاحقا في عاداتنا اليومية ...و بوجود فراااشاااات ناعمات كيما ام متين و ام صفصف ما تخافيش تلقاي حاجتك برك ..

شهد نور اليقين نحييك على الانضباط ...الان احنا محتاجين تعاونينا و تفيدينا و تحفزينا ...بحضورك و روتيناتك وافكارك ...بالنسبة للمجالات اللي ذكرتيها مطروحة بالتاكيد و راح نطرقو ليها باذن الله ...نتمنى فقط الحبيبة ام تينة تفتح ميكروها و تطل علينا ..

اروى الاء انا المنطقة المؤسفة عندي هي القاراج ...ما نحبش حتى ندخل ليها ..لانها منطقة زوجي و هو مسيطر عليها ...ما يخلينيش نرمي ...و حتى الترتيب يقولي ودرتيلي الحوايج ...خليهم كيما راهم ..زعما الفوضى المنظمة ...حتى و مش مرتبين عارف الحوايج وين راهم ...و بالنسبة لماعن العشا نحاولو في الدورة نثبتو هذي العادة ..كون تستمري عليها شهر ما تعودش تجيك صعيبة ..

صبحك الله بانوار النبي ام هاجر الطيبة ...انتي والله كل ذلك و خير من ذلك ..

صباح التحفيز و الذكر الطيب حبيبتي ام متين ...هذا مقامك في المنتدى اسال الله ان يجعل ما تقدمين في ميزان حسناتك ..و بالنسبة لخبرتك اللي قدمتيها في مجال غسيل اواني المساء تحديدا نوافقك عليها 100 بال 100 اهم شي ما تخليش التراكم ...العامل نفسي مش بدني هو اللي يخليك تعجزي ...استمري في تزويدنا فضلا حبيبتي ام متين ...

صحكتيني اختي فتاة عادية بالنسبة لامك ...انا راجلي على هذا الموضوع يخرجني ههههه يتعلق بالحوايج بشكل عاطفي و كي يشوفني رميت سروال ما يلبسوش مثلا يزعف و يقول بالاك يجي نهار و نسحقو و يعتبرني مستهترة...هههه...شوفي كيفاش ترضي الوالدة الكريمة
تسلملي الضحكة.......
أنا في المنزل بحكم متهم حتى تثبت براءته
لأني المتهم الوحيد إذا ما ضاع غرض ما...
بالرغم من أني ارمي فقط ما لا حاجة فيه
أنتي لديك القاراج وأنا لدي السطح
-ممنوع اللمس -
أما في المطبخ فاتبع سياسة
شاور ودير رايك
في انتظار المهمة الثانية
بالتوفيق لاخواتي






رد مع اقتباس
قديم 2017-09-13, 14:31   رقم المشاركة : 65
معلومات العضو
haninefadwa
عضو مجتهـد
 
إحصائية العضو










افتراضي

السلام عليكم ورحمة الله وبركاته أهلا بالعزيزة الغالية أم شمسو







رد مع اقتباس
قديم 2017-09-13, 14:34   رقم المشاركة : 66
معلومات العضو
جهينة اليقين
عضو مميّز
 
إحصائية العضو










افتراضي

السلام عليكم فراشات هذا وين صليت الظهر ودخلت نطل لاني مانعة نفسي في الصباح والا غابني الوقت
وكيم قلت لك ام شمسو كلش راه متراكم لكني راني نبرد فالمناطق الساخنة غير بالعقل لانو دار علي التعب
اليوم بعد ما طيبت القهوة بردت البلاكار تاع الكوزينة فيه الطعام الفرينة السميد يعني فوضى نظمتها في ربع ساعة وكملت روتيني اليومي عادي يعني كل يوم حاجة
المهم راني محافظة على المظهر العام وربي يوفقنا سلامي لكن جميعا







رد مع اقتباس
قديم 2017-09-13, 17:22   رقم المشاركة : 67
معلومات العضو
كلثوم146
عضو مشارك
 
إحصائية العضو










افتراضي

بقدرة الله نبدا يافرشات شكرا شمسو







رد مع اقتباس
قديم 2017-09-13, 17:24   رقم المشاركة : 68
معلومات العضو
ام شمسو محمد
عضو مميّز
 
إحصائية العضو










افتراضي

الروتينات هي الهيكل الرئيسي لتنظيم بناء اليوم عند الفراشة ...و اهم روتين يسير بقية الروتينات هو روتين المساء ....هدفنا هذا الاسبوع هو الانضباط التام على انجاز روتين المساء لتثبيته كعادة اساسية ...ينتج عنها راحة في اليوم التالي ..يتم السير على هذا الروتين لمدة شهر حتى يصبح عادة ما نتعبوش في انجازها و ما نحتاجوش نفكرو فيها ....نديروها هكذا بلا تفكير ...و ينتج عن هذي العادة الجيدة تنظيم يسهل الحصول على باقي الروتينات ..

.

عادة الاسبوع ....روتينات المساء

الكثيرات منا يعانيو من مشكل روتين ما قبل النوم ...و الشكاوي تتراوح بين ....

*راني تعبانة .

*قائمتي لروتين المساء طويلة جدا ..

*زوجي يريدني ...

*الاطفال ما يخلونيش

• نطول باش ندير كل شي في قائمتي

*ما عنديش الوقت

المؤكد انو روتينات المساء هي الاهم بالنسبة لكل اليوم .
حددي وقت ديري فيه روتيناتك المسائية ...كاين اللي يبداها بعد تناول العشا ..و كاين اللي تديرها العشية كي تحضر وجبة العشاء ..كل وحدة وش يناسبها ...كاين 3 اقسام لروتين المساء ..

1-تنظيف المنزل قبل النوم ..حوالي 20د ..



*غرفة الجلوس ...اجمعي و خبي الحوايج ..الالعاب ...المجلات ...الصحون ...الملابس ...الخ

*المدخل و طاولة الطعام ..بردي النقاط الساخنة ..

*المطبخ ..باش تربحي المعركة ابدايها مع اعداد العشاء ديري تنظيف فوري لكل ما تستخدمينه ...يبقالك فقط غسل الصحون .. تلميع الحوض ... تغيير المناشف ..تنظيف الارضية ..

2-التحضير للغد ..



*تفقد المذكرة و التاكد من الجداول والبرنامج ووضع قائمة بما ستعملينه غدا ...و لو ذهنيا

* اجمعي لحوايج باش ما تنسايهمش و حطيهم في مكان قرب الباب ..هكذا تشوفيهم الصباح ..

*تاكدي بلي الاطفال حضرو انفسهم و وجدو حوايجهم للغد

*وجدي الطابلة تاع الفطور ...حطي السنية ..القرع ..الفناجل ...

*شوفي وش راح طيبي و حطي المكونات اللي تحتاجيها ..

*حضري ملابس الغد باش تحافظي على الوقت في الصباح و ما تقعديش محتارة وش تخيري ...و ربما يحتاجو للكي او فيهم بقعة ..هكذا تقدري تصلحيهم بهدوء او تشوفي بديل ..او تنظفي او تغسلي او تركبي قفلة ..بدون ضغط ...و تتخلصي تماما من التوتر

3- اعتني بنفسك ..



*حضري نفسك للنوم

*نظفي وجهك ...اغسلي اسنانك ...رتبي شعرك ..

*خذي ادويتك او فيتامينات

*خذي دوش خفيف او حمام اذا حبيتي

*البسي ملابس النوم

الان احصلي على المتعة بعد انجاز مهام اليوم

*اقراي قصة لاطفالك او جالسي الزوج

*صلي ...اقراي قران ...ديري الاذكار

*شاهدي التلفزيون ...اقعدي على النت ...

*روحي للنوم في الساعة المحددة

كل واحدة راهي حالة خاصة و عندها روتينها اللي يمثلها وحدها ..و لكن اكيد كاينة نقاط مشتركة ...المهم الواحد يدير اللي يناسبو

اما اذا بانلك هذا الشي بزااااف ...

ما تفشليش ابداي بالشوية ..ديري 3 حوايج و ابني عليهم حتان تحصلي على روتين مسائي متكامل ...مهما يكون ماتعجزيش على 10 دقايق تخصصيهم ل....

*تلميع حوض المطبخ ...في الحد الادنى ...اجمعي الاواني في بسينة ...غطيهم و بعديهم و اغسلي الحوض ..

*جهزي ملابس الغد

*اغسلي اسنانك











رد مع اقتباس
قديم 2017-09-13, 17:30   رقم المشاركة : 69
معلومات العضو
ام شمسو محمد
عضو مميّز
 
إحصائية العضو










افتراضي

مرحبا بيك اختي كلثوم ...تفضلي معانا ..







رد مع اقتباس
قديم 2017-09-13, 17:33   رقم المشاركة : 70
معلومات العضو
ام شمسو محمد
عضو مميّز
 
إحصائية العضو










افتراضي

اهلا و سهلا بالحاجة حنين فدوى ...طل القمر ...هيا احكمي مكانك في القسم ...قصدي الفريق ...ههههه...ان شاء الله تكوني بخير حبيبة ...و تلقاي معانا ضالتك في البحث عن الاستقرار رغم كثرة المسؤوليات







رد مع اقتباس
قديم 2017-09-13, 17:37   رقم المشاركة : 71
معلومات العضو
ام شمسو محمد
عضو مميّز
 
إحصائية العضو










افتراضي

ياليت كل وحدة تعطينا فكرة على روتينها المسائي هكذا نستفيدو من تنوع الافكار ...و كذلك اللي تحب تحط نسبة انجازها للروتين كل يوم باش تتشجع للالتزام و تشجع الاخريات







رد مع اقتباس
قديم 2017-09-13, 19:31   رقم المشاركة : 72
معلومات العضو
arwa alaa
عضو مميّز
 
إحصائية العضو










افتراضي

اهلا ام شمسو انا راح نبدى
بالنسبة لروتين المساء
بالنسبة لسينية القهوة كي يشربو الاولاد لعشية الحليب نغسل المواعن يعني الكيسان نتاع الحليب والترموس وكلش ومنبعد نمسحهم ونحطهم مباشرة في السنيوة ونوجدها بكلش منها مغارف سكرية حتى القاطو نتاع الفطور نحطو ونغطيها ونحطها في الصالون الصباح نلقاها واجدة
حوايج الاولاد والزوج نحط في البونكات نتاع الصالون كل واحد ومستلزماتو نحط اللمجة وقرعة الماء
نفرز شوية الدنيا
ومنبعد نتعشاو نلم الطابلة ونلقى الوقت فات منغسلش المواعن
نوجد الاولاد للنوم ويحكمو بلاصتهم
نهتم بروحي نضرب طلة على النت ونرقد
والجانب الديني راني رجعت قصرت فيه
والجانب الجمالي ما عدى الكريمات في الليل مندير والو







رد مع اقتباس
قديم 2017-09-13, 21:31   رقم المشاركة : 73
معلومات العضو
ام متين
عضو مميّز
 
إحصائية العضو










افتراضي

مساءكم طيب يا شاطرات
الشيئ الي فرحني بزاف هو توافد الفراشات وكل يوم تكل علينا فراشة جديدة قديمة ربي يلم شملنا جميعا
حبيت نقولكم ان لو كل وحدة فيكم تقدر توجد العشاء في الصباح مع الغدا اكيد رايحين تحسو براحة كبيرة في المساء وما تبقاوش غير في الكوزينة انا راني مطبقة هذ الفكرة في المساء غير ماعن القهوة والحليب ومن بعد ماعن العشاء
بالنسبة ل27حاجة الي لازم تترمى مازال في الغد نكمل ان شاء الله
اما عن روتين المساء في الايام الاخيرة كنت نكمل العشاء نصلي ونروح لبلاصتي ومانخبش الحس ونطفئ الضوء لكن هذه الا يام غيرت شوية واكيد بتطبيق اقتراحات سيدة الدورة رايحين نوصلو لافضل النتائج
ليلة سعيدة واحلام جميلة







رد مع اقتباس
قديم 2017-09-14, 00:29   رقم المشاركة : 74
معلومات العضو
ghazalt assahra
عضو مشارك
 
إحصائية العضو










افتراضي

مساء الخير
انا عندي روتين المساء يمشي مليح بصح كي تجي في غسيل الاواني و تلميع الحوض نتقاعس السبب هو حنا نتعشاو متاخرين بزاف لعشرة ونص او لحداعش و المشكل هدا ما لقيت ليه حل. ارجو المساعدة







رد مع اقتباس
قديم 2017-09-14, 07:08   رقم المشاركة : 75
معلومات العضو
ام متين
عضو مميّز
 
إحصائية العضو










افتراضي

اصبحنا واصبح الملك لله والحمد لله
°°...اللهم...°°
اجعلنا في هذا الصباح ..
ممن توكل عليك فكفيته
واستهداك فهديته
واستغفرك فغفرت له
واستنصرك فنصرته
ودعاك فأجبته
يارب العالمين
°°...اللهم...°°
نسألك الشفاء لكل روح قيدها المرض و نسألك المغفرة لكل روح
احتواها التراب
صباحكم خير ورضا من رب العالمين






رد مع اقتباس
إضافة رد

الكلمات الدلالية (Tags)
flylady

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 15:49

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2017 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2016 vBulletin Solutions, Inc