هل هي اخته من الرضاعة فعلا

[مشكلتي]

السلام عليكم اخوتي في الله رمضانكم مبارك مشكلتي باختصار هي ان خطيبي لديه ابنة عم تعيش معهم وهو يقول لي انها اخته من الرضاعة وصراحة مش متطمنة رغم انه متدين لا ادري قلت له شحال من رضعة رضعتها امك مجاوبنيش ويقعد يشاحن فيا عارفني نغير ليوم جات امه وهدي ابنة عمه وكي خرجوا من عندنا شدلها يدها برا وشد يد امه صراحة وصلت اني بكيت وقلت كيفاه يتوشيلها يدها قالتلي امه اخته قلت لها مش داخلة مخي وشفتها تحاول تشاحن لانه هو شد يدها وطلقها من بعد هي شدتلو يدو بطريقة لا ادري مع العلم قبل خطبتي به كان يقول لي انها لما تراه تجري ولا تقابله تحشم منه يعني كي خطبني اصبح اخوها العزيز وتشدلوا يدو والله مفهمت راني نغلي من داخل كيفاش نتاكد انها اخته رح يقولوا موسوسة ومشكاكة كي ندير

[زبدة ذايبة]

هي بالمنطق فقط.

لو كان جات كيما راكي تظني لو كان راهي في بلاصتك.

يعني لو كان راه هي خطيبتوا.

اللهم إلا إذا كان إنسان مايصلحش.

يتمسخر بأعراض قريباتو عادي.

ومع هذا.

تصرفه غير طبيعي بالنسبة لي.

رانا مع خاوتنا ومن العيد للعيد اللي نسلموا عليهم.

او عند العودة من سفر بعيد.

حاولي تفكري في طريقة ذكية تعرفي حقيقة مايجري.

بالتوفيق.

[toulay]

وعليكم السلام ورحمة الله وبركاته
ربي يفرج عليك ان شاء الله
بالتوفيق

[ايمان4]

اظن انت موسوسة بزاف ... قالولك اخته من الرضاعة اخته ... هي واه ممكن تغيري بالصح جربي تتعرفي عليها ممكن عندها خفة دم تخليك حتى انت ما تبعديش عليها ... بعدي عليك الوساوس ياك خطبك انت و ماشي يديك انت و هديك اخته و كل وحدة في مقامها و صايي دركا تقطعي عليه حتى الضحك مع خوته ؟؟ ههه علابالي غيرة قبل الزواج غير take it easy و ربي يسخرلك تخاف تبقاي غير تهدري عليها معاه يكرهك

[قدور بن عاشور]

إذا كانت عشيقته كما تظنين فلن يمسك يدها أمام أمه،
و أصلا علاش يجيبها معه لعندكم؟؟؟

[nihal159]

أختي راكي توسوسي في روحك فالباطل؛ كون جا عينو فيها راهي هي قدامو كل دقيقة و كل ساعة نهار كامل؛ مايخليهاش و يجي يخطبك؛ و عادي جدا كي مسكت يده .

[softech]

هذه هي الطامة التي حلت بمجتمعنا كل شيء عادي و من احتج فهو موسوس
اختي الكريمة عندك الحق تشكي و تغيري
أعرف قصة مشابهة لقصتك لكن الرجل غير متزوج و بحجة اخته في الرضاع صار يختلي بها و الله اعلم ما يفعلان!

اختي تاكدي من الرضاع لا بد ان يكون حسب اقوال اهل العلم 5 رضعات مشبعات او اكثر
و لا تظنوا ان كل من لبس قميصا او اسدل لحية فهو متدين
لاننا في عصر انتشرت فيه كل الحرمات التي لم نكن نسمع بها و حتى زنا المحارم الذي اصبحت قنوات الفسق تنشره في بيوتنا

[ام حسن ضياء]

قلتي في الاول راهي تعيش معاهم ونتي رايحة تعيشي معاهم في دار واحدة؟؟؟نقلك حاجة ادا عادت هكذا غير شوفي حل نتي وزوجك تكري ولا تديري دارك وحدك من الاول هاذي بعيدة عليها وشوفي واش صرالك مابالاك تعود قدامك نتي وزوجك نقلك ىحاجة حنا بخوالنا وعمرهم ما حكمو يدينم خواتتهم غير الام فقط حتا الاخ ميزوجش يكون احتكاك كبير بينوا وبين اختو وراكي عارفة

[غزلانْ]

السلام عليكم


الأمر ليس بالعادي و الأمر يتطلب أن تشغلي بالك
ان كان هذا الشخص متدين ينبغي عليه أن لا يمسك
يد أخته مهما بلغت المحبة على الأقل ليس بالشارع فما بالك ابنة عم و بالرضاعة و ما أدراك
نورمال هذي قد تكون بالنسبة لامرأة لكن لو كنتِ أنتِ مكانه ماسكة يد ابن
عمك لأصبحت نورمال آنورمال
بالتوفيق

[karime amrs]

كما قال الاخوة المشاركون قبلي هذا وسواس و لا اظن انك تنجحي في حياتك بعد الزواج اذا استمريت في هذه العقلية
الوسواس انستي يدمر العلاقة الزوجية اعلمي هذا جيدا
فخلي عقلك كبير فانت مقبلة على امر عظيم و هو الزواج و مسؤولية في بيت زوجك
كوني قد المسؤولية و لا تلتفتي للتفاهات هذه
هذه ليست غيرة انما امور لا ترتقي ان تتكلمي فيها
ربي يوفقك