كعك تلمسان الهمة و الشان من مطبخ ام فاطمة

أم فاطمه · 2017-08-23, 12:17

بسم الله الرحمان الرحيم

احييكم بتحية الاسلام

مرحبا بكم عزيزاتي جبتلكم كعك تلمسان حسب طلب اختي امينة الله يحفضها بي حفضه تفضلوا
بما انو خدمتو شوي صعيبا و يخد الوقت امهاتنا كنو يخدمو كمية كبيرة ويتعونو 5. نساء او اكثر في تحضيره ولهاد جبتلكم نص الكمية

المقادير

كيلو و نص فرينة
250 غ سكر عادي
1\4 لتر زيت
2خمارة حلوى
ملعقة كبيرة شنان
2 معالق كبار حبة حلاوة
2 معالق كبار نافع
و الخميرة (ملعقة كبيرة خميرة الخبز +كاس كبير فرينة + قليل من الملح + الماء ) نتركها تبات ليلة كاملة

طريقة التحضير

في الصباح ضعي الفرينة + خمارة الحلوى و الثوابل و الزيت و نبسوهم مليح وغربليهم في السيار
ضفيلهم خميرة و نلم بالماء و لازم عجينة تجي ناشفة و دلكيها مليح مليح و خليها ترتاح
انا مررتها فمشينة الحلوى كما في الصورة و دريه دوائر متساوية
و حطيهم. في مكان دافئ. حنا كي ندرو كمية كبيرة نسدفوه فوق فراش سبسيال للكعك. و نتركوه يخمر 10سعات تقريبا. حتا كتحكمي الحبة تصبيها خفيفة. اخبزيه وشهية طيب اتمنا انكم تنجحو في تحضيره

حياة نور الدين · 2017-08-23, 13:07

بارك الله فيك حبيبتي في ميزان حسناتك ويستاهل التثبيت واحلى تقيييم

انا هي رزيقة · 2017-08-23, 14:11

الله الله عليك اختي ام فاطمة امممم فعلا همة و شان و زين و بنة ... ربي يباركلك في صحتك حبيبتي و يحفظلك هذوك اليدين تع الفحلات الجزائريات .... الف شكر على مشاركتنا هذ الوصفة الجميلة اختي

سحابة باردة · 2017-08-23, 14:18

يعطيك صحة ام فاطمة الكعك يشهي

أم فاطمه · 2017-08-23, 18:59

السلام عليكن اخواتي الحبيبات شكرا حياة على مرورك و كلماتك الجميلة و المشجعة الله يحفضكا. بي حفضه.

رزيقة. المرحة الله يخليك حبيبتي دائما تشجعني بكلامك الحلو
سحابةلكي بمثل ما دعوتي وشكرا على مرورك. الكريم.

أمنية غفران · 2017-08-23, 21:56

تبارك الرحمان اختي ام فطوم ابداع ماشاء الله عليك ربي يحفظك و يهنيك و يرزقك من نعيمه صحيتي يا الفحلة كي نورتينا بالكعك التلمساني لا يعلى عليه مازال بنته في فمه ان شاء الله نجربه بعد العيد

برك نسقسيك مافيهش البيض ياك و تاني واش هو شنان تقصدي زريعة البسباس والنافع واش هو تاني

ربي يجازيك و في ميزان حسناتك حبيبتي و دمتي متألقة

تحياتي

ملاك ملاكي · 2017-08-23, 22:31

الله يباااااارك فيك حبيبتي راكي فووووور باطباقك وخليتينا نتعرف على تقاليد وشهيولت تلمسان من خلالك يعطيك الصحة

مليكة 1434 · 2017-08-24, 00:28

كعك روعة

belseme · 2017-08-24, 19:01

يشهي اختي يعطيك الصحة
هده الكمية تبان كبيرة شحال من حبة خرجتلك؟

دمعة وابتسامة · 2017-08-24, 22:21

اتعلمين لطالما عشقت تلمسان رغم اني لم ازرها فهي داءما في نضري ساحىرة. باهلها وعمرانها واكلها جعلتني ارجع الي الزمن الجميل فيها بوركتي و شكرا

أم فاطمه · 2017-08-28, 13:12

السلام عليگي اختي امينة سمحلي تاخرت عليكي في الرد كما تعلمين في الصيف تكتر الاعراس وكانت عندي الخياطة ثم ذهبت الى حمام بوغرارة المعدني.

اتمنى انك تزوري تلمسان و تشوفي المناطق السياحية مثل الحمامات ولالة ستي والوريط كلها جميلة واهلا بكي نحطك فوق راسي
الجواب الكعك مندروش فيه البيض بش ميجيش طري اما اسم النافع هو زريعة البسباس والشنان هذا هو اسمه عند العشابين
رني شريتهم بدور بش تتعرفي عليهم اتمنى لكي التوفيق وتحياتي

nihal159 · 2017-08-28, 13:22

الله يبارك يبان يشهي

أم فاطمه · 2017-08-28, 17:20

الشلام عليكم اخواتي الحبيبات ملاك و مليكة بلسم دمعة نهال شكرا على مروركم الكريم تحياتي

ماماخالد · 2017-08-28, 23:37

مشكورة على الوصفة انا نحبو بزاف

hadjer hadjora · 2017-08-30, 13:51

السلام عليكم

بارك الله فيك شحال و انا نحوس عل كيفية كعك التلمسان انا ندير الكعك العادي

و نحب كعك التلمسان شكرا