حبيت نسقسيكم

[نيفرتيتي.]

تعيشو البنات كاين جماعة تاع نسا قالولي بلي لحم العيد مايتغسلش كي يجي يتحط في الكونجيلاتير
وقالولي بلي يتغسل كي تجي طيبي
واحنا في دارنا نغسلوه وبعد نحطوه في الكونجيلاتير
وانتم يا الحراير واش تقولولي
وقولولي علاش

[أثيلة]

لحم العيد مانغسلوهاش اختي نحطوها ديراكث هكاك فالكونجيلتثور و لما نحبو نجبدوها من قبل و نخلوها تطلق و نغسلوها
وهذا كامل باش ماتروحش بنتها مع الغسل و تبقى ذوقها هو هو لانو لو نغسلوها راح يروح الدم و ترجع سامطة

انا هذا واش قالتلي ماما. و نتمى يفيدوك الاخوات ايضا
سلامي

[أم ياسين الزهراء]

عمرك لاتغسلي لحم الدار يعني المدبوح تروح طعنتو وبنتو ولو كونجليتيه اجبديه وخليه يتنحالو القلاص ومنبعد لوحي قبالى اصلا اللحم مايتغسلش غير اللي نجيبوه من الجزار لانك اعلم كيفاش يحطو

[melissa lola]

تكونجليه هكاك وكي تحبي تطيبيه تغسليه

[نيفرتيتي.]

مليح وشكرا ليكم بصح ام ياسين فيه العظم مكسر كوت تحط طول يبقى العظم في لاصوص

[أم ياسين الزهراء]

انا نحي العضم المكسر قبل مانكونجليه وادا ماكفاكش الوقت كيطيبيه صفي مرقتك ندير هكى

[ام عبدو و ملاك]

انا ما نغسلوش ننقيه مليح من العظم و نخبيه في الكونجيلاتور و كي نطيبو ما نغسلوش ادا كان لحم صافي نورمال و ادا كان العظم فيه نصفي المرقة

[بنت لبحر]

اختي حتى حنا منغسلوهش نحطوه في كونجلاثر وكي نجبدو نطيبو نغسلوه

[***سلمى ***]

اختي اللحم بعد ما يتسلخ يثغسل مالرقبة والداخل ولما يشيح يقصوه في بلاصة نظيفة.مش محتاج يتغسل