وصفات حراير الكوزينة الجزء الثاني - الصفحة 2

idron0 · 2014-11-30, 18:46

حساء الجزر دائمة الحمد

حبات جزر حسب الكمية لي راح تعمليها
حبة بطاطا
عرف كرافس
تقطعي كلش رقيق وتقليه مع مغرف صغير زبدة وملح وانت تحركي وامرقي بكمية ماء ماشي ياسر
خليه يطيب ثم ارحيه وارحي معاه كمية فرماج ورجعيه يهز الغلوة وطفي عليه
الا تحبي زيت الزيتون زيديلو مغرفة عند التقديم .

إضغط هنا لرؤية الصورة بحجمها الطبيعي.

ام سراج وملاك · 2014-11-30, 19:03

مطلوع الكوشة لمسة قطر الندى

اختي ام وسيم انا ندير خبز في الكوشة ويخرج هشوش وخفييف ميتشبعش انا عندي المقادير بالضبط 250 فرينة 2 مغارف كبار زيت انا ندير زيت زيتون مغرفة كبيرة سكر ومغرفة كبيرة خمار نديرهم مع بعض ونبسهم ونبدا ندير الماء دافي ونخلي العجينة شويا مطلوقة منيبسهاش ونخليها تخمر مبعد نفتحها وهادي الكمية تخرجلك خبزة وادا حبيتي كثر ضاعفي كع المكونات تخلها تخمر تاني وديرها في الكوشة تخرجلك هايلة وخفيفة

مقدسية · 2014-12-01, 06:26

ماشاء الله وصفات راااااااااااااااااااائعة
يعطيكم الصحة لبنات

لميس اميرة · 2014-12-01, 07:42

أم ماجد من فضلك حطي فالمقدمة الرابط تاع الوصفات الجزء الاول

و شكرا لكن اخواتي

أم ماجد · 2014-12-01, 08:38

اقتباس:

المشاركة الأصلية كتبت بواسطة zawali.dz

أم ماجد من فضلك حطي فالمقدمة الرابط تاع الوصفات الجزء الاول

و شكرا لكن اخواتي

الف الف شكر للتنبيه راني اضفته في المقدمة

SAMAH SAMAH · 2014-12-01, 10:59

louji omri بغرير

اختي اسمحيلي عالتاخير موالفة نخدموا بالطريقة التقليدية حكمني التفنيين جربت وصفة من النت
هذي الوصفة فورية ما تسنايهاش تخمر
2 كاس سميد رقيق نص كاس فرينة مغرف متوسطة خميرة نصف م ص سكر 2 خميرة قاطو ملح م ص 3 كيسان ما دافي
تحطي في ميكسور سميد فرينة خميرة سكر ملح الما و تخلطي 5د من بعد زيدي خميرة القاطو و خلطي 2د و ابداي طيبي
طيبت في مقلة تيفال و خرجتلي 12 حبة يجي خفييييف

مطلوع ام نهولة

بول فرينه 1بول سميد 2مك خميره الخبز 1مك سكر وخلطي بماء دافئ
خليه 10د ثم اعجنيه شويه وضيفي الماء حطيه يخمر ثم قطعيه قريصات جوزيهم في السميد
و قرصيهم في سنيوه تكون مدهونه و خليهم يخمرو من بعد طيبيهم
يكون الفرن سخن مليح شاعل من فوف و من تحت
اللي تطيب ديريها في ساشي نيلون 2د و بصحتك

idron0 · 2014-12-01, 11:21

الوصفة تاع السعلة oum radja

شوفي جيبي مغرف حبة حلاوة مع عود صغير تاع عرق سوس شلليهم و حطيهم في كاس وديري عليهم ما مغلي
وغطيهم
كي يطلقو صفي الخليط و حليه بمغرف عسل حر و اعطيه يشربها دافية قبل ما يرقد
يبات راقد ان شاء الله ومايكحش .

idron0 · 2014-12-01, 11:30

الجلبانة ام ياسين الزهراء

طيبيها صوص بلونش وانا ندير معاها حبة طوماطيش ماتخافيش ماتاثرش راهي تجي بنينة يعني ارحي البصل والثوم والطماطم وداوي القدرة انتاعك كيما موالفة ولوحي القرنون يطيب ومنبعد ديري كلش في بلا للفور وكل حبة قرنون فرغي عليها حبة بيض ومن فوق الفرماج وماتنسايش للمرقى ديري الكرام فراش راهي تزيد البنة وادا درتيها بالجاج ديريلو من الفوق الملح ولوحي للفور راهي تجي اممممممممممممممممم والبيض يجي هايل منضر وبنة هكى نديرها لولادي باش نقلش الجلبانة وياكلوها .

idron0 · 2014-12-01, 11:34

الجلبانة ام محمد تاج

حنونتي مرقي مرقة بيضاء عادي باللحم ولا بالدجاج خثريها مليح ومبعد حطي الجلبانة تاعك في بلا تاع الفور وفتتي فوقها الدجاج ولا لي بولات تاع اللحم ستفيهم وفقسي بالبيضة مثلا ديري حسب افراد العائلة البيض وخليه مجمول ورديها للفور غير يطيب البيض وبسسسسسس .

idron0 · 2014-12-01, 15:33

قلب اللوز باللبن للاخت ليليا ريتاج تيارتية

قلب اللوز باللبن للاخت ليليا اللي دايما نخدموو بصح ساعات نديرو محشي والطرقة هدي رفدها على قناة سميرة يجي هايل بوصفة ليليا
هاهم الصور تاع الكواليس للاسف الصور مش واضحة مليح وثانيك ماجانيش كيما موالفة نخدمو

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

كيما راكم تشوفو نقسم العجين الى قسمين نفرش القسم لول ونذرذر فوقو كمشة تاع كوكاو ولا لوز مرحي بقشورو مانكثرش غير شوي باش مايجيش ثقيل ومن بعد نحط شوي كاكاو في صفاية ونرش غير بالعقل فوقو انا كان عندي كاكاو اسود من الاحسن بني
ومن بعد نضيف القسم الثاني تاع العجين كيما راكم تلاحظو في الصور

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2014-12-01, 18:58

الارز lakhhdar

قطع لحم او دجاج او سمك اوحتى لحم مرحي لاجل البنة في كوكوت +سنات ثوم +طماطم حب ومرحية وخضر مقطعة رقيقة +ملح وتوابل ونركز خصوصا على الكمون ونمرق بكمية قليلة انتاع ماء مثلا اذا كانت كمبة الارز رطل نمرق بكاس ماءونضيف ورقة رند ونغلق الكوكوت دون ارز بعد 10د اوربع ساعة نفتح الكوكوت ونفرغ الارز انتاعي في المرق حيث يكون الارز اكثر من المرق يعني يشرب المرق دون انه يطيب ثم نفرغ اللرز غير المطهو في كسكاس ونخليه يفور ونغطيه حتى نشوف كل حبة وحدها ومن الاحسن ان لايكون الارز من النوع المفور وشهية طيبة.

idron0 · 2014-12-01, 19:12

رولي السبانخ ام ساجد

قطعت قطعة صدر دجاج رقيق وقليتو في شوي زيت وملح وفلفل ابيض وزنجبيل واضفت كمية من السبناخ المقطع حتى ذبل
نخلط 2 بيضات +2 مغارف فرينة +2 مغارف شابلير+نص كيس خميرة حلويات +ملح ونزيد الخليط تاع السبانخ ونخلط مليح ونحطو فوق ورق الطهي ونسويه على شكل مربع ونحط في الفرن يطيب. ما يطولش في الطياب.
نخرجو من الفرن وننزع من ورق الطهي وونقلبو ونحط فيه كريمة الفرماج /نخبط اربع حبات فرماج مع شوي حليب/ ومن فوق شوي فرماج رابي وعملت نص حبة طماطم مقطعة مربعات صغار ونلوي ونخليه في الورق شوي حتى يتماسك تقدري تحشيه بواش تحبي.

إضغط هنا لرؤية الصورة بحجمها الطبيعي.

ام كوكو · 2014-12-01, 20:59

يعطيكم الصحة البنات ما شاء الله عليكم
dronفيتي و كفيتي روعة الاطباق

ام سراج وملاك · 2014-12-02, 08:43

ترقاد الزيتون ام سهام 02

شلحي الزيتون وديريه في الماء المملح وغيري الماء كل 3ايام اوكل 5 ايام وذوقيه انا غيرتلو كل 5 ايام واقعد لي 15 يوم وكاين ليقعد اكثر ذوقيه كتشوفي راحت المرارة بدلي الماء وضيفي الملح والحار والرند والكرافس والبسباس والليمون الثوم قصبرحب وفلفل اكحل حب وسكنجبير و الجزر ضيفي الخضر لتحبيها و زيدي الخل الابيض و في الاخير شوي زيت باه ما يتعفنش
حبييت انقول لك كل زيتون وكالتي اتاعو الزيتون لرقدتو العام الفات قعد قريب شهر باه راحتو المرارة وانا نغيرو في الماء وتع هذا العام ما طولش

ام سراج وملاك · 2014-12-02, 08:50

وصفة رخساس الفرينة عازفة الناي

سهلة و بنينة تجي قاطو اممممممممممممممممممممممم :d:d
لعمل 2 كسرات نكيل بعلبة زبدة 250غ ( ممكن تستعملي الكيل اللي متعودة عليه)
نحتاج 2 كيلات فرينة
فنجان زيت
ملعقة سكر+ ملعقة حليب بودرة
ملح + سانوج
ملعقة صغيرة خميرة كيميائية
ماء للعجن
نخلط المكونات كلهامع بعض ونلم بالماء بالشوي حتى نتحصل على عجينة طرية ورطبه نتركها ترتاح مدة 15د
نقسم العجين الى 2 وبعدها نحل الكور بالحلال ونحط الطجين يسخن ونطيبها عادي
بالف هناء و شفاء