وصفات حراير الكوزينة الجزء الثاني - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وصفات حراير الكوزينة الجزء الثاني

موضوع مغلق
 
أدوات الموضوع انواع عرض الموضوع
قديم 2014-11-29, 04:38   رقم المشاركة : 1
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










Mh04 وصفات حراير الكوزينة الجزء الثاني




نظرا لكبر موضوع وصفات لحراير تاع الكوزينة وصعوبة التصفح احيانا ارتايت وبعد اذن طبعا صاحبة الموضوع بريق الامل ربي يهنيها ويرجعهالنا بخير
اني نفتتح الجزء الثاني للافادة والاستفادة
فاهلا بوصفاتكم اللذيذة
فقط اي اخت تضغ وصفة هنا تكتب في البداية اسم صاحبة الوصفة كي تحفظ الحقوق
هيا بسم الله


هاهو رابط الجزء الاول
https://www.djelfa.info/vb/showthread.php?t=1362108



الفهرس ونشكر الاخت ادرونو على المجهود المبذول بارك الله فيها راهي كل مرة تعمل تعديل تقاوه هنا
https://www.djelfa.info/vb/showthread...1712996&page=7
الصفحة 1 :
اللوبيا قرينيي دائمة الحمد
مادلان زينب 83
الخبز العربي بالزبادي زينب 83
الفريكاسي أم محمد تاج
كسرة الشحمة ام خالد اسلام
البطاطا مع الدجاج في الفرن touta2010
البطاطا ام ياسين الزهراء
المقرون بالكريم فريش والغراتان ام اماني 77
البطاطا بالدجاج في الفور ام ماجد
طريقة تجميد السفرجل nihale89
فلان طبقات ام محمد تاج
الصفحة 2:
الرفيس ,التقنتة ,سلّو بنت الحاج
حساء الجزر دائمة الحمد
مطلوع الكوشة لمسة قطر الندى
بغرير louji omri
مطلوع ام نهولة
الوصفة تاع السعلة oum radja
الجلبانة ام ياسين الزهراء
الجلبانة ام محمد تاج
قلب اللوز باللبن للاخت ليليا ريتاج تيارتية
الارز lakhhdar
رولي السبانخ ام ساجد
ترقاد الزيتون ام سهام 02
الصفحة3:
وصفة رخساس الفرينة عازفة الناي
حساء الكابويا او القرعة الحمراء ام محمد تاج
الارز البسمتي ام ياسين الزهراء
قاطو ام نهولة
تارت جينواز ارزاق
الزفيطي ام رحاب/ام طيوبة
ترقاد القارص عازفة الناي
تارت السلق cuisineshowdalatifa
مطلوع ome loudjeine
البيتزا بالكرام فراش oum yousra
حلوى بالزيت yasmalak
كسرة الشعير نبض الفؤاد
الصفحة4:
كسرة الشعير الامنيات
كسرة الشعير katrine
قراتان الباذنجان والبطاطا zahra30
وصفة الباتيسري oum ibrahim
روز ام اماني77
بغرير oum ibrahim
جينواز ام اماني 77
كسرة الشعير touta2010
محجوبة الرخساس دائمة الحمد
كيك بالتفاح و لا بالاجاص malek firdaouss
خلطة للسعال ام سهام 02
الروز المفور عازفة الناي

الصفحة 5:
كيكة بالبرتقال selma 2013

شيفلور في الكوشة ام سراج و ملاك
خبيزة النرجوسة
سينابون بالكريم باتيسيار والزبيب biba04
كرامبل التفاح biba04
الرشتة ام ندى 87
التليتلي ام رحاب
خبزة السلق janah
المغلوقة اسماء 47
ام رزايم ولا شخشوخة طوبرزام ام سراج و ملاك
قلب اللوز minoucha2008
خبز الدار janah
الصفحة6:
خبز النخالة زينب 38
عصير الجزر um alaa
التاي ام عروة
روز بالكابويا ام رحاب
لاتاي oum radja
الرفيس القسنطيني oum loudjeine
لقراتان تاع البطاطا والسلق ام رحاب
ترقاد الزيتون ام ياسين الزهراء
الصفحة 7:
سمك التونة lyzzabel
الرفيس القسنطيني ام ثازيري
حلوة الهندي janah
الحلة دائمة الحمد
البغرير عازفة الناي
كيكة القارص والبرتقال بشرى2008
طاجين الزيتون بالجاج و الشمبنيون lyzzabel
شطيطحة جاج scorpionoir
بيني شفلور لينا 11
شوربة فريك شاوية حرة 05
كريمة الزبدة المورانغي ryhem 16








 


قديم 2014-11-29, 07:53   رقم المشاركة : 2
معلومات العضو
حسيبة2010
عضو فعّال
 
إحصائية العضو










افتراضي

اللوبيا قرينيي دائمة الحمد


راهي نفس طريقة طياب اللوبيا البيضاء ونفس التوابل وانا كي تطيب نعمل ليها الكمون كي نسربيها في الصحان مع شوية زيت زيتون ومعدنوس مقطع وعصرة قارص ا فقط ما ترنخهاش في الليل
شلليها برك بعد لاتنقيها وارميها ما طولش في الطياب واحد الساعة في الكوكوط
وكي تعود الطماطم كعب رخيسة ذرك راهي بشانها طيبيها بيها تجي ابن










قديم 2014-11-29, 09:46   رقم المشاركة : 3
معلومات العضو
زينب 83
مشرف منتديات الطبخ
 
الأوسمة
أحسن موضوع المرتبة الثالثة افضل تقرير ديكوري نجمة المطبخ 
إحصائية العضو










افتراضي

مادلان زينب 83


4 بيض ، 8 ملاعق اكل ممسوحين سكر ، 6 ملاعق ممسوحين زيت ، 8 ملاعق حليب ، واحدة خميرة كيميائية، علبة ياوورت الذوق لي تحبي ،
فاني ،9 ملاعق مملوءة فرينة و تحشي بواش تحبي ، انا درت حبات زبيب وبصحتك













قديم 2014-11-29, 09:51   رقم المشاركة : 4
معلومات العضو
زينب 83
مشرف منتديات الطبخ
 
الأوسمة
أحسن موضوع المرتبة الثالثة افضل تقرير ديكوري نجمة المطبخ 
إحصائية العضو










افتراضي

الخبز العربي بالزبادي ينب 83


هذا اسهل خبز و طري و بينيين
2 علب زبادي يعني ياوورت طبيعي
كاس و نص فرينة ممكن تنقصي او تزيدي حسب الحاجة المهم العجينة جي طرية و شوي ملح و خلاص
يريح 10 دقائق ، اطرحيه رقيق و طيبيه. في مقله تيفال او طاجين لفطير يجي هايل و ساهل لا عجين لاتخمار










قديم 2014-11-30, 08:30   رقم المشاركة : 5
معلومات العضو
ام احمدي
عضو مميّز
 
إحصائية العضو










افتراضي

طريقة الفريكاسي للمتالقة ام محمد تاج
700غ فرينة مع مغرف كبيرة سكر ومغرف كبيرة خميرة الكسرة والملح وبيضة وزوج مغارف زيت وتعجني بالماء وماتجريهاش خليها طرية ومدلوكة مليح خليها تخمر مليح ومبعد قرصيها وخليها ترتاح غير دقائق باش تسهل التشكيل ومبعد شكليها قرصات طوال سمك واحد سنتمتر وخليهم يزيدو يطلعو وسخني الزيت واقليهم وارمي الزيت من فوق باش تتنفخ
الحشو: بطاطا مقلية وبيض مغلي وفرماج وهريسة وكاشير رابي ومايوناز وزيتون اسود بصح بالاكي على السنين نبهيهم واذا للاولاد الصغار ماديريلهمش
والحشوة تقدري تتفنني فيها كيما حبيتي


كسرة الشحمة على طريقة ام خالد اسلام
مساء الخير اختي كسرة الشحمة ذوقها رائع وماتبانش فيها الشحمة لانو نديرو كمية قليلة منها مع البصل والطماطم الثوم وشوية فلفل حار مع شوية ملح وفلفل اسود وكسبر وفلفل عكري وشوية طماطم مصبرة وشوية هريسة نقليهم في الزيت مليح ونزيدلهم شوية ماء ونخليهم على نار هادئة حتى يذبل البصل وكي قريب يطيب نحط كمية قليلة من الشحمة ونخليها شوية على النار ونطفي النار
اما العجبن ندير عيني ميزاني الدقيق مع شوية ملح و زيت وشوية سكر وشووووووية خميرة الكسرة ونلم بشوية ماء ونعجن مليح حتى ترجع ملساء و نشكلها كويرات صغارثم نحل كل وحدة بالقنوط رقيييييييييييييقة ونحط عليها كميه من الحشو ونغلق بكويرة اخرى بعد ما نكون حليتها رقييييييييييييقة ثم نغلق مليييييييييييح الحواشي ونطيبها في طاجين الشخشوخة يكون سخوووووووون على نار هادئة









قديم 2014-11-30, 08:35   رقم المشاركة : 6
معلومات العضو
أم محمد تاج
عضو ماسي
 
الصورة الرمزية أم محمد تاج
 

 

 
الأوسمة
فعالية المطابخ المركز الثالث 
إحصائية العضو










افتراضي

الله يخليك ام الجود ويعطيك صحتك
راني نشوف فيك ماكيش تراجعي في دروسك في الكوزينة شحال من مرة نخليلك اسئلة ههههههه
وضرك حابة طريقتك تاع البطاطا بالدجاج في الفور تاع هذيك المرة راهي هبلتني وماخلاتش فيا ولك الف شكر










قديم 2014-11-30, 09:56   رقم المشاركة : 7
معلومات العضو
حسيبة2010
عضو فعّال
 
إحصائية العضو










افتراضي

touta2010 البطاطا مع الدجاج في الفرن

حكمي الجاج وتبليه بالمخلطة : موطارد ملح زعفران زعتر فلفل حار قلييييييل من القرفة ومغرف خل
ضعي الجاج في الصينية وفوقها البطاطة دوائر مملح سقي وضفي الرند وقليييييل من الزيت وادا محبتيت الزيت صبا لبا ن صحي ولالا هههههههه
وديري حساب الماء لضفتيه من الملح والفلفل الحار
غلقيه بالالمنيوم ولا غطاءتاعه
وبلعيه بالصحة والهنة










قديم 2014-11-30, 09:57   رقم المشاركة : 8
معلومات العضو
حسيبة2010
عضو فعّال
 
إحصائية العضو










افتراضي

أم ياسين الزهراء طريقة ساهلة وخفيفة تاع البطاطا

اقسمي البطاطا اطراف وديريلها الملح الزنجبيل الاكليل والفلفل الاكحل وشوي زيت وشوي ماء برك وحطيها في الفور وغطيها بالالمينوم وطيبي الدجاج انتاعك في الكوكوت ومنبعد نحيه وحمريه على البطاطا اللي طابت وماتنسايش ديري الزيتون والشومبينون في الصوص راهي تجي خفيفة وهايلة










قديم 2014-11-30, 10:02   رقم المشاركة : 9
معلومات العضو
حسيبة2010
عضو فعّال
 
إحصائية العضو










افتراضي

المقرون بالكريم فريش ام اماني77

قطعي السكالوب قطع صغيرة+شوية بصل+ثوم+ملح+فلفل اسود+شزية زبدة قليهم على نار هادئة بعدها زديلهم غير شوية ماء ونخليها تطيب حتى نتحصل على صلصة عاقدة
من جهة طيبي المقرون عادي في الماء

بعد ها نضيف كمية من الكريم فريش وكمية من الجبن للصلصة كي يدوب الجبن نضيف المقرون ونقدمها سخونة

ممكن نضيفلها لي شومبنون تجي هااايلة خاصة الاطفال اكييييد راح يحبوها

اما الغراتان
تعملي صوص بيضا او حمرا بصدر الدجاج
تقلي الخضار لي عندك
تحضري البيشاميل
تحطي في المول شوية بيشاميل من بعد الخضر تحطي فوقها شويةمن صلصة المرق باه مايجيش الغراتان ناشف من بعد الجاج مفتت ثم الخضار شوية لاصوص نتاع المرقة ثم طبقة بيشلميل وندخلها للفرن










قديم 2014-11-30, 12:13   رقم المشاركة : 10
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










افتراضي

اقتباس:
المشاركة الأصلية كتبت بواسطة أم محمد تاج مشاهدة المشاركة
الله يخليك ام الجود ويعطيك صحتك
راني نشوف فيك ماكيش تراجعي في دروسك في الكوزينة شحال من مرة نخليلك اسئلة ههههههه
وضرك حابة طريقتك تاع البطاطا بالدجاج في الفور تاع هذيك المرة راهي هبلتني وماخلاتش فيا ولك الف شكر
اخاه حابين يسرقوا معجباتي
المهم دون اطالة التلاميذ ينتظروا
تبلي الدجاج في اكياس الشواء كالعادة تتبيلة تاعك وانت راكي 4444444444 فيها من فلفل اسود كصبر موطارد ثوم هريسة ملح طماطم فلفل لحمردبشة زبدة وادهني الدجاج مليح من داخل وبرا وكاش مابقات تتبيلة زيديها ملعقة ماء وحطيهم داخل الكيس والى الفور حتى يطيب الدجاج ونزيد نقص الطماطم حب دوائر
اقلي البطاطا دوائ ر كبيرة نص قليان وحطيها في بلاطو وزيدي فوقها لاصوص اللي تخرج من الكيس وحطي الدجاج من قفوق وخليه يتحمر والبطاطا تدي بنة لاصوص اممممممممم ولا اروع
خليك من لبنات ركزي معايا
نفس الطريقة كي شكرني الشيخ احم احم احم نهار الجمعة كي جيت من الامتحان لقيت روزا دارت نفس الطريقة وبدل البطاطا دارت ارز ام ماجد السهل في المقلة ومن ذكائها زادت لاصوص اللي خرجت من الكيس دارتها فوق الارز في المقلة جا 4444444444444 واععععععععععععععععع الشيخ شكرها اكثر مني












قديم 2014-11-30, 12:25   رقم المشاركة : 11
معلومات العضو
أم محمد تاج
عضو ماسي
 
الصورة الرمزية أم محمد تاج
 

 

 
الأوسمة
فعالية المطابخ المركز الثالث 
إحصائية العضو










افتراضي

ام الجووووود روووووووعة انتظري تطبيقي في اقرب الآجاااااااال










قديم 2014-11-30, 13:23   رقم المشاركة : 12
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

طريقة تجميد السفرجل nihale89

قصيه ابراج وحكيه بالقارص مليييح وبسرعة
ومن بعد حطيه يفور شوية برك قيس ما يخرج فابور
وكي تحطيه يفور حطي الجهة المثقوبة تحت
وحطيه في اكياس ولا علب وكونجليه










قديم 2014-11-30, 13:53   رقم المشاركة : 13
معلومات العضو
touta2010
عضو فضي
 
الصورة الرمزية touta2010
 

 

 
الأوسمة
وسام نجمة التطبيقات 
إحصائية العضو










افتراضي

فلان طبقات لام تاج الحبيبة
نص لتر حليب وزوج مغرف كبار سكر ومغرف كبيرة نشا وباطة فلان نوارة فراز كلش يغلي وحطيه في لي رامكان ولا مول الكايك وخليه يبرد مليح ويتماسك وزيدي عليه الطبقة الثانية
نفس المقادير بصح هاذ المرة فلان شوكولاطة وفرغيه على طبقة الفراز وزيدي خليه يبرد ويحكم روحو وزيديلو الطبقة الاخيرة وهي:
كاس ونص ماء وزوج مغارف سكر وزوج مغارف نشا وباطة فلان نوارة فاني غلي كلش وحطيه على طبقة الشوكولاطة وخليه يبات من الاحسن باش كلش يتماسك ويجمد رووووعة










قديم 2014-11-30, 17:09   رقم المشاركة : 14
معلومات العضو
أم تيم الله
عضو مميّز
 
الصورة الرمزية أم تيم الله
 

 

 
إحصائية العضو










افتراضي

و الله يعطيكم الصحة نفحتوني عندي طبخات بزاف المرة الجاية نصور و نحطهم

ربي يعاونكم مشكورين










قديم 2014-11-30, 18:38   رقم المشاركة : 15
معلومات العضو
idron0
عضو ذهبي
 
الصورة الرمزية idron0
 

 

 
الأوسمة
وسام التقدير 
إحصائية العضو










افتراضي

الرفيس ,التقنتة ,سلّو بنت الحاج

**شوفي الرفيس تاعنا نوجدوه بالطريقة المعتادة بالسميد ويطيب في الفرن ومن بعد يتفتت ويتغربل مليح ونفوروه على الماء وهنا نعطيك عفسة نديروها باش يجي منسم وبنته امممم ما شاء الله
الماء تاع التفوار نحط فيه عيدان قرفة ممكن 5 اعواد ونفور عليه ونعاوده بالحليب وماء الزهر يعني نرشه بيهم ونعاود نفوره زوج مرات.
وفي الاخير ندير له العسل واللوز مدشش.

إضغط هنا لرؤية الصورة بحجمها الطبيعي.



**الوصفة تاع التقنتة اللي حطيتها وجدتها بالسميد رقيق تاع المطلوع ، قليتو في الطاجين وبعدها زدت له البندق مقلي ومطحون رقيق والدهان والعسل.

إضغط هنا لرؤية الصورة بحجمها الطبيعي.



**والوصفة تاع سلّو راهي مغربية وانا نديرها بطريقتي الخاصة ههه عدلت فيها انا ندير فيها زريعة الكتان تجي لذيذة.
تحتاجي: 600غ زريعة الكتان،600غ جلجلان، رطل لوز أو كوكاو ،كيلو فرينة، نص رطل دهان تاع الميزان ماشي مرغرين وحوالي كيلو عسل
تحمري الجلجلان وزريعة الكتان في طاجين تاع المطلوع بصح بالاكي ينحرقوا ولا البنة ما تجيش مليحة، وكي يبردوا اطحنيهم في الرحى تاع القهوة - كهربائية -
وثاني اقلي اللوز في الكوشة حمريه مليح واطحنيه معليش الى بقى شوية مدشش
والفرينة اقليها في الطاجين ويدك معاها تحركيها باش ما تنحرقش ، غادي تتكور لك عادي وكي يرجع لونها بني فاتح غربليها في صفاية وحلي الكرات اللي ترباو فيها
وخلطي كل المقادير مع بعض: خليط الجلجلان وزريعة الكتان واللوز والفرينة، ممكن تضيفي شوية بسباس وحبة حلاوة مطحونين حسب الذوق، وأسقي كل شيء بالدهان وخلطي بيديك حتى يولي الخليط متجانس وزيدي العسل وشربيها مليح باش تقدري تلميها كالعجينة كيما شفتي في الصورة
ممكن تحليها في سني ويكون سُمكها 3 سم وتخليها تبات وغدوة من ذاك تقطعيها وتحطيها في كيسات
البنة تاع سلو ما نحكيلكش ألذ ما يكون، غير نديره تطير في السما

بالصحة والراحة .

إضغط هنا لرؤية الصورة بحجمها الطبيعي.










موضوع مغلق

الكلمات الدلالية (Tags)
الثاني, الجسم, الكوزينة, حراير, وصفات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 09:20

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc