الدوارة العيد قرب

ام امجد14 · 2014-09-28, 16:49

لبنات تعيشو افيدونى فى الطريقة الصحيحة لقلى الدوارة

الكرشة المصارين الرئة امممممممم رئة نمووووووووت عليها ههههههههه

المهم رجلى ما يحبهاش بكبوكة نهار العيد يحبها مقلية يحب ريحة القليان يفوح فى الدار

المهم ساعات نقطرها و نديرلها الزيت و نقليها و نتحمل فقعاتها لكن يقولى جات يابسة
وساعات نخليها عادى و نقول الدسم الى فيها يقليها
وانا بصراحة ما تعجبنيش
اعطونى الطريقة الصحيحة حابة تكون طرية و داخلها الطياب فى نفس الوقت

ربى ينووووووووووووووركم

ام ظافر · 2014-09-28, 20:29

اختي لما تقليها في الزيت او ايدامها راح تجي يابسة فعلا
الحل انك تقليها في الكوكوط
نعطيك طريقتي من سنين معتامدتها وما نبدلهاش تجي الدوارة مقلية في اليدام تاعها وايضا طرية روعة وما تلعبش على القلب بزاف
السر في الكوكوط لا فقعات ولا تقعدي مقابلها اصلا
قطعي الدوارة عادي وزيديلها شوي بصلة رقيق جدا حتى لما يطيب يذوب مايبانش يخلي غير بنتو وسنينات ثوم مقطعة رقيقة وورقة رند وشوي ملح وفلفل اسود وحوالي زوج او ثلاث مغارف كبار زيت وماتنسايش راهي فيها شوي مصور فيهم الشحمة باش تجي بنينة
وزيدي كاس ماء واغلقي الكوكوط وخليها حوالي 30د على نار هادية
لما تفتحي الكوكوط لازم ما تلقايش فيها الماء يتشرب كامل ويطري اللحم ويتشوح من بعد في ايدامو
انا نستعمل هذي الطريقة واي ضيف يدخل نهار العيد نذوقوه من الدوارة غير نسخن ونحط مع خبز الدار ماكانلاه يبقى الضيف ينتاظر حتى نقليلو في المقلى
والطعم صدقيني ابن بكثير من المقلى وطري جدا وما تقوليش البصل والثوم لانو اصلا يذوبو ويعدلو من الزهم تاع الدوارة
الله يحضرنا بكامل عافيتنا

**وحدها غريبة ** · 2014-09-28, 22:02

طريقة ام ظافر احسن طريقة أمي معتمدة نفس الطريقة وتجي روعة طرية وطايبة وبنينة
ممممممم بصحتكم مسبقا

السيدة كرمين · 2014-09-28, 22:44

احنا اصلا مانديروهاش يعني مش من عاداتنا نديرو الدوارة كمونية او عصبان

وصباح لعيد نديرو فقط الملفوف مع الشربة وسلاطة وعصائر فقط ،

لكن لما رحت لبيت زوجي لقيتهم يبداو بيها نهار لعيد بصراحة ماعجبتني طريقتهم في قليانها

لما عيدنا وحدنا درتها لزوجي بنفس طريقة ام ظافر لكن مع تغير بسيييييييييط

انوا فالكوكوط ارمي زوز سنون ثوم كيما راهم مبعد تنحيهم بجيه ووريقات رند وفلفل اسود الملح تظيفيه مع لخر

وماء تجي بنينه لأني نتقهم صباح لعيد من الروائح عليها ندير لكوكوط مضطرة زوجي يحبها

ام امجد14 · 2014-09-29, 08:12

ربى يبااااااااااااااارك فيم اختى ام ضافر و كل واحدة جاوبتنى ربى ينوررررررركم

raoufnina · 2014-09-29, 09:47

Great thanks,

عطرالذهب · 2014-09-29, 09:59

دخلت باش نجاوبك لقيت الاخت ام ظافر كفت ووفت لانو طريقتي نفسها صدقيني كي تطيب وتتقلى في نفس الوقت حتى القهمة ماتتقهميش
اممممممم تشهيتها هههههههه

ندى خليل · 2014-09-29, 10:12

و انا بدوري نشكر أم ظافر على الإفادة ربي يبارك فيك

malek nour hane · 2014-09-29, 13:00

شكرااا لصاحبة الموضوع و الف شكر لام ظافر وصفة راااااااائعة شكرااااا

تيماء الله · 2014-09-29, 13:56

سلامي للاخت الي سبقتنا في الطرح والف الف شكر لام ضافر الحق اول مرة نسمع بيها انا مالفا ندير هك للحم يطيب ويتقلى في نفس الوقت ولانو في لكوكوت يجي هابي روعة ومقلي هدا كيفاش يجبو روجي مي الدوارة والله نجرب ربي يباركلك

اسم مرا · 2014-09-29, 14:04

دريها قبل في الكوكوة ومن بعد قليها في الزيت ختي
وتقدري دريها في الكوكوة معا وحدة نتاع بصل رابي
وكي تشوفبها تلقاي الكرشة طابت وتكون كمية الماء قليلة
زدي رابي بصلة اخري معا الطماطم و الثوم وخليها ختي
ينشف الماء قليها تجي بنينا حنا يحبوها هك
بتوفيق

oum radja · 2014-09-29, 16:24

امممممممممممممم شهيتوني وانا صايمة
اعقلي فيها يا ام امجد هههههههههههه
وطريقة ام ظافر هايلة انا تاني نديرهانخليها حتى تنشف و نقطع البصل جوانح ونخليها تتقلى في ليدام تاعها تجي بنينة ومقلية وطايبة في نفس الوقت

shahdanfal · 2014-09-29, 17:13

امممممممممممممممممم انا صايمة والله شهيتوني هههههههه منكم نستفيد والله طريقة ام ضافر احسن طريقة انا تاني كنت نعاني منها هذا العيد ان شاء الله نطبقها الللللف شكر

رجاء المولى · 2014-09-30, 06:17

شكرا للسائلة و للمجيبات
بارك الله فيكم

ام ايمن17 · 2014-09-30, 17:03

اي كنت في الجامعة صحبتي جابتها معاها الدوارا خضرا و قالتلي نقليها انا نخلعت عمرنا ما درناها مقلية تخيلو دارتها في المقلى كيما الفريت جات ياااااااااااااااااااااااااابسا رميناها مباشرة
احنا طريقتنا الوحيدة هي دوارا جواز اتقلي البصلو الثوم نزيدو الطماطم مسكرفجا و الزرودية مرابيا باه تبنن نقلو مليح متنسايش التوابل و الرئيسي هو الكمون الرند و الفلفل احمر الحلو و الحار زيدي الدوارا منقية مليح و مقطعا قطع صغيرة نزيدو الماء و الحميصاو تجي المرقى تعها ناشفاما نقلوها لا في الزيت لا والو و الله تجي كي العمر