الصالون المغربي ...سطايفية

[stayfiya]

سلام
كيف الحال حبيباتي
اليوم حبيت ندير موضوع شامل للصالون
المغربي بزاف يدخلو يسقصيو عليه قداش
يرفد الكتان كيفاش يتفصل واش نحتاجو فيه
بالنسبة للسداري باش تفصليهم لازم تكيلي
المطرح تاعك انا لي حطيتو في موضوعي قست على
حساب مطرح نتاع الصوف.
طولو 1متر و 80 و عرضو 70سم و ارتفاعو 18سم
لكان نتي شريتي مطارح البونج
اكيد راح تحكمي عليهم القيس
باش مايجيوكش صغار او كبار اوكي
و بالنسبة للمخاد انا درت مخاد عاديين 60 طول و 35عرض
و الكاريات الصغار 40/40 سم و الكاريات لكبار انا مادرتهمش
بصح طول الوحدة 70 و عرضها 50 سم
حطيت من قبل موضوع وريت
فيه كيفاش يتفصلو لي اوس هاو ليكم الرابط
https://www.djelfa.info/vb/showthread.php?t=1426661
و بالنسبة للستائر هاذو باتروناتهم و فيهم القياسات










و هاذو لي موديل تاع لي صالون ماروكان
ممكن يعجبوكم و تهزو منكم افكار






https://m.youtube.com/watch?v=llaj8C58H5Y


ان شاء الله تستفادو من الموضوع
اختكم السطايفيه

[منى العلم نور]

ربي يعيشك هذا وش كنت نحوس عندي مدة وانا حابة نعرف كيفاش نفصل التفريشات واالكاش ريدو بقات حاجة برك اذا مفيهاش ثقالة

[stayfiya]

ياختي قولي واشنهي هي لا عرفت مانبخلش ختي

[منى العلم نور]

هذوك المخاد الطوال الي تجي وحة فوق وحدة ولي جو اسطواني ومشكورة اسمحيلي على الديرونجموا بصح في خاطري نخيط واحد ربي يعطيك واش تتمناي ختي

[نور الامل 12]

شكرا جزيل الشكرخاصة البترونات راكي افدتي بيهم الكثير ربي يعطيك متتمني ويجعل في ميزان حسناتك
ودائما متالقة ورائعة

[سمراء الدنيا]

يعطيك الصحة و ربي يجازيك خير الجزاء

[janino]

كنت بحاجة ليهم الف شكرعزيزتى

[آيه الرحمان]

يعطيك الصحه اختي بارك الله فيك وربي يجازيك بالخير

[تسنيم مسلمة]

في ميزان حسناتك إن شاء الله
قولو آمين يا لبنات

[ويناروز]

[•~ندية الجوري~•]

الله يبارك في عمرك و أعمالك غاليتي سطايفية

ديماً عندك المُفيد ...~

[fadilasor]

يعطيك الصحة سطايفية الفحلة

[ميساء ميساء]

ربي يعيشك شكراا

[sarra5]

ya3tik lsaha stayfia mawdou3 raw3a

[stayfiya]

المشاركة الأصلية كتبت بواسطة منى العلم نور

هذوك المخاد الطوال الي تجي وحة فوق وحدة ولي جو اسطواني ومشكورة اسمحيلي على الديرونجموا بصح في خاطري نخيط واحد ربي يعطيك واش تتمناي ختي

شوفي يا ختي منى نتي لااااكان حبيتي ديري مخدة فوق مخدة راكي تكيلي طول لمخدة ب عرض المطرح و عرضها 35 ل 40سم و ديري لفتول غير في الفوقانية و تلصقيهم في بعضاهم بالسكراتش و لا حبيتي ديري تاع الاسطوانات راهم يتباعو واجدين. نتي غلفيهم فقط و من رايي قبل ما تبداي تخيطي اضربي دورة توال لي يبيعو لي صالون. و قلبي و شوفي راح تهزي افكار اكيد و برك نشالله نكون فدتك

المشاركة الأصلية كتبت بواسطة نـدِيـّة الجـُوريْ ~

الله يبارك في عمرك و أعمالك غاليتي سطايفية

ديماً عندك المُفيد ...~

صحيتي ندية حبيبتي ربي يسلمك

المشاركة الأصلية كتبت بواسطة sarra5

ya3tik lsaha stayfia mawdou3 raw3a

اااا سرسورة باينة نتي لي درتيلي النجوم تعرفيني نموت عليهم هههههه
مشكورين حبيباتي على الردوود الف شكر