طرطة السلق

[مليديا 08]

مرحبا

العجينة:
3كيلات فرينة
كيلة ناقصة 2 صباع زيت
م ص ملح
ماء
التحضير :
خلطي الفرينة مع الملح مع زيت وبسيها مليح بيديك ثم طميها بالماء وجيك كما عجينة العرايش، ديريها داخل كيس وخليها ترتاح ساعتين.






الحشو:
السلق
لحم مرحي
بصل
معنوس
ملح وفلفل أكحل
بيض وحليب وفرماج
التحضير:
نقي السلق، أغسليه مليح وغليه حتى يطيب
قطعي البصل أرقيق وديريه في مقلاة مع الزيت، فلفل أكحل والملح، معدنوس وقليه مليح ثم زيديلو اللحم المرحي وخلطي مليح وفي الأخيز أرمي السلق بعد ما طاب وقطرتيه مليح
خليه على نار متوسطة حتى ينشف ثم طفي النار وخليه يبرد







خذي العجينة وقسميها على زوج، واحدة كبيرة على الثانية
خذي الجزء لكبير حليه بالحلال من الأحسن فوق ورق الطبخ وتكون العجينة رقيقة وديريها فوق السنيواة وطلعيلها الأطراف كما les tartes وقطعيلها فرماج من الفوق، ثم ديري الحشو.
في إناء خلطي البيض مع الحليب وملح وفلفل وفرغيهم فوق الحشو
خذي الجزء الثاني من العجينة وحليها رقيقة وديرها فوق الحشو حتى للأطراف وغلقيهم مليح





خلطي صفار البيض مع شوية حليب ودهني به وجه العجينة وجوزي بالفرشيطا من الفوق ودخليها للفرن تطيب تكوني سخنتيه من قبل حتى تطيب أمبعد شعليلها من الفوق وحمريها
أمبعد كولوها بصحتكم





ان شاء الله تعجبكم

[tong2]

روووووعـــــــــــــــــــة بـــــــارك الله فيـــــــــك

[ذكرى أبي]

بارك الله فيك الصور تبين شحال شابة ما شاء الله

[R I A D]

تهبل بارك الله فيك

[سوسن222]

يعطيك الصحة تشهي

[زهرة كل يوم]

يعطيك الصحة باينة بنينة

[مليديا 08]

مرحبا
يعطيكم الصحة وبارك الله فيكم جميعا

[hnina]

بارك الله فيك رايحة نجربها ان شاء الله