"نساء آخر زمن"

[مهدي0315]

المشاركة الأصلية كتبت بواسطة itmaoui

السلام عليكم ورحمة الله

هناك مشكل عويص حقيقة اتهامات مباشرة وتكفير مباشر أنا رجل يا أخي ولست امرأة ومن نصبك ممثلا عن الدين الإسلامي يا هذا
هل هذه طريقة للحوار هل قلت في مداخلتي أن المرأة تزاحم الرجال وتتبرج وأنه لا يعجبني القرآن ولا تعجبني السنة
المهم شكرا على دعائك لي بالهداية والتوبة أما أنت فهل تظن نفسك في غنى عنهما
اللهم اهدني اللهم تب علي

وعليكم السلام ورحمة الله وبركاته
اعوذ بالله ان اكون من التكفرين لا اكفر احد
اللهم ما اهدني فما هديت لا احد في غنى عن الهداية والاستغفار حتى الرسول كان تسغفر الله وانا اكثر الناس في حاجة لها
انما رددت عليك عندما قلت سئمنا ممن يدعون فهم الدين ويأتون يالأسانيد والأحاديث ولا يفكرون في الحفاظ على حرمة النساء
هذه الاسانيد من القران والسنة الشريفة واظن والله اعلم لايوجد احد مسلم يسام من القران والسنة
اما فهمنا للاحاديث والسنة فهمنها كما فهما الرسول والصحابة والتابعين والعلماء
ولا تفهم من كلامي اني اكفر احد لا معاذ الله
اسف لاني ظننتك امراة
وفي الاخير ادعوا لي بالهداية جزاك الله خيرا

[ZINEB_04]

المشاركة الأصلية كتبت بواسطة halimaa777

وهل المنقول تافه
هل المنقول غير مفيد
وهل المنقول غير حضارى
وهل المنقول ينتقص من رجوليتك
بالله عليك اخى ان لم تكن تريد النقاش وتريد التجريح فقط لا تدخل
مللنا من تهجمك
ليس بالضرورة المنقول غير مفيد
فانا لم اقرا هذا الموضوع قبل اليوم
وصاحب الموضوع افادنى ..نعم الرجل اليوم ولا اقل الكل وانما الاغلبية يظن ان الخبز كافى لحياتنا اليوم
ويقول لك الرسول صلى الله عليه وسلم كان يسكن فى بيوت من الطوب وكان ياكل التمر وعندما تقول له قال رفقا بالقوارير وعاشروهن بالمعروف يطاطئ راسه وياتى لك بحجة غير مقنعة
اجل ان كنت اجاهد فى هاته الحياة واعمل واشقى بدل الرجل من اجل عيش كريم اقولها وبصراحة وباعلى صوت انا من نساء اخر زمن .
ويقال لك لماذا تعملين ..؟ هل هذا سؤال منطقى
عندما تتلتزم بواجباتك فى بيتك وتلتزم بها خارجا وتراقب اطفالك وتراعى زوجتك وتحن عليها ولو بكلمة لا تعمل هى .
شكرا لك اختى على الموضوع الشيق والجاد ولا يهمك من يقول منقول ففى الاعادة افادة
جزاك الله الجنة

و الله بردتيلي قلبي اختي في هذا لي قال موضوع منقول وقيلة هو قاري المواضيع كامل لي في النت سبحان الله
اما بالنسبة للموضوع فاقول لمن يتهمون النساء بمثل هذه الاشياء كيما قالوا ناس بكري **لي نحالو ربي في الذرعين عطالوا في الفم **
تعرفوا غير تهدروا برك افحالو و متخلوناش فرصة باه نخدمو. نهار كامل و هوما مكالين لحيوط و يعسو في بنت فلان و مرت فلان راهي تخدم راهي تخرج كل يوم من الدار التاو برواحكم و بالشيء لي فيدكم و روحوا تخدموا على راحكم
**هذه راهي غيرة كي مقدرتوش تنافسونا برك**
طبعا كلامي ليس على الجميع مازالت الدنيا بخير و فيها رجال و نساء

[حمزة بوبعة]

الله يهدينا الى مافيه خير وصلاح
والحمد لله مازلت عازما على ان اتزوج ماكثة بالبيت
لتهتم بشؤون المنزل والاولاد
ومن يقول غير ذلك فهو مخطئ تماما احب من احب وكره من كره
وجزاكم الله خيرا........................................

[وصال الجنة]

السلام عليكم ورحمة الله تعالى وبركاته
حبيت نقول للأخ اللي قال بللي الروابط هاذوك اللي حطيتهم يهدر لك على طلب العلم برك ومايهدرش على العمل بللي لمرا ولا الطفلة إذا تعلمت لازمها تخرج من دارها ،وانا على حساب مافهمت انتوما ضد عمل المرأة على خاطر فيه اختلاط و ....إلخ.وإذا كان خرجتت تتعلم ،مارايحش يكون اختلاط؟؟حاجة باينة يكون.وفي عهد الرسول صلى الله عليه وسلم كانوا النسا يخرجو نورمال .ونفس الشيء بالنسبة للخدمة ،حبيت نقول بللي لمرا إذا خرجت تخدمت ماخرجتش تتمسخر خرجت لحاجة في نفس يعقوب ومافيها والو إذا كانت لمرا متربية.
يعني مافيها والو.وشكون الي قال بللي المراة العاملة مقصرة في دارها؟ماكانش منها خلاص والأمثلة كثيرة.على حساب ماراني نشوف فالمجتمع انتاعنا النسا اللي قاريات وخدامات اولادهم الله يبارك عليهم تربية وقراية والنسا اللي فالدار اللي ماقاريينش نلقاو اولادهم مساكن على قد حالهم ،كيفاه رايحة تربيهم مليح وتعلمهم وهي جاهلة ولامستواها قليل؟ورايحة تقعد والنهار كامل وهي فالقيل والقال إلا من رحم ربي.
باختصار:الأم مدرسة إذا أعددتها أعددت شعبا طيب الأعراق والعكس صحيح.
وحبيت نقول لوحد الأخ كتب بللي لمرا مالازمهاش تخدم ولازم تقعد فالدار وفي نفس الوقت يقول ماعليش كون تكون أستاذة ولا طبيبة ،أنت مع أو ضد عمل المرأة؟
بين لنا رأيك ،إذا موافق قول موافق وإذا لا ما تحطش استثناءات.لأن كل المهن فيها اختلاط كما تدعون.
وعلى حساب هدرتك النسا مايقريوش فالمتوسط والثانوي مالا حتى الرجالا مايقريوش فالمتوسط والثانوي وتاني فالجاميعا ونخليو المجتمع يكون جاهل،ونقعدو نتجادلو في لمرا مالالازمهاش تخدم ونخليو المجتمع انتاعنا يتهدم ويصبح جاهلا ولا بالاك حابين تعلمو الدراري ولبنات لا ومبعد نحصلو فالاولاد لأنو بطبيعة الحال الراجل لازم يخدم يعني دايما عيان وما عندوش وقت لاولادو باه يقريهم ويربيهم وحدو غذن للمرا هي اللي لازمها تقوم بهاذيك المهمة وكيفاه تقوم بيها وهي جاهلة؟.
وحبيت نقول لمرا من حقها تخدم حب اللي حب وكره اللي كره كما قال الأخ اللي قبلي.وربي يسهلك خويا تزوج بيها ماكثة فالبيت على روحك ويجي النهار اللي تندم فيه.
في هذا الزمان يخدمو في زوج وما تتحلش المشاكل خللي يالوكان يخدم الراجل وحدو وخاصة إذا كانو لولاد بزاف تزيد تخلا والله ماقدر عليهم .وقداه من واحد تزوج بوحدة قاعدة فالدار ومبعد كما مايقدرش يعود يحتم عليها الخدمة والأمثلة كثيرة من الواقع.وضرك الخدمة ماشي ساهلة باه تلقاها.
المهم كما قالو اللي قبلي هذي القضية انتاع عمل المرأة مارايحاش تخلص وكل واحد ورايو وعقليتو...وهذا إن شاء الله آخر تعليق لي في كمهذا الموضوع لأنه قضية حرية شخصية.ولمرا تحتاجوها تحتاجوها يارجال..شكون اللي يداوي النسا اتناعكم إذا لمرا ماخدمتش؟شكون اللي يقري اولادكم وخاصة بناتكم؟...إلخ.
ربي يهدي ما خلق ...نبقيكم على خير.
دمتم بود

[سحر الغروب]

هذا هو العصر اللي نحن فيه وكل شي بوقتو لا مترجلات لا نساء اخر زمن

نساء اخر ومن قياة ومراكز ووو و في نفس الوقت ماشاء الله في البيت

و بالعكس ازواجهم فخورين بيهم

وانتوما اقعدوا عسوا وتبعو

كل وحدة راجلها فخور وفرحان بيها.

[djamou09]

صحيح حتى تروا ان النساء تدخلوا في كل شيئ و ذلك من اجل اسرهم او اولادهم لكن لازال بعض الرجال يقومون بواجبهم

[djamel.didin]

ماذا عساي أن أقول
الرجال قوامون على النساء مهما تكن المرأة يبقى الرجل رجلا والمرأة مرأة