الجزء 189 من كوزينة حراير الجلفة ..كوزينة أغلى حراير

[عروبة وطن]

مسااااء الخير
بصحتكم كامل واش طيبتو الله يبارك كلش فور
تفضلو محاجب حااارين درتهم لبارح

[حياة نور الدين]

هدا عشايل البارح وفطوري اليوم من لحيتوا بخرلوا ههههه

[حياة نور الدين]

طيموشة. بصحتكم حبيبتي ويعطيك الصحة


عروبة المحاجب رزوووعة بصحتكم

نهال بصحتك الاطايب من يدين ست الكل ربي يحفظها

[mosta*limoges]

عروبة بصحتك محاجب حاريييين يعطيك الصحة
حيوتة الله يبارك لحوت يشهي مع الروز بصحتكم
نخليكم حبيباتي في آمان الله و صحا عشاكم مسبقا

[حياة نور الدين]

عشايا جواز جلبانة بليبولات وسلطة والحمد الله

[عروبة وطن]

حيوتة وموستا صح عشاكم
حياة انا نموت على الروز والحوت راه يشهي بصحتكم

[حياة نور الدين]

تحلية الكرامال والموز لك طيكموشتي واسمحيلي على التاخير

انا استعملت ديكوجال ذوق كرامال ولي مهعندهاش تعمل كرامال تحطيى كمية من ىالسكر في كسرونة وتخليه حتى يرجع كرامال نضيفوا كاس حليب به مغرف مايزينة ونخلط ونزيد مغرف زبدة نخلط ونطفي

طلعت الشانتيي وضفتلها مغارف ديكوجال ( ضيفوا الكرامال لي درتوها) بعدها في كؤوس التقديم نحط ديكوجال او كرامال فوقها موز مقطع وبعدها الكريمة ونعاود ديكوجال وموز وكريمة والتزيين حسب الرغبة

[فاتي 05]

صح عشاكم لحراير و راني شفت واش حطيتو يعطيكم الصحة و العافية يارب و يدوم النعمة على الجميع
عشانا قوارب البطاطا بالدجاج تفضلو

[طيور الجنان]

صح عشاكم اخواتي .
سوسو اختي القاطو ساهل ماهل هههههه اليوم تضت على 6 قلت ندير شوية قاطو مةالفة نديرو تاع الاخت رماضنة يجي هايل و يوجد بالخف.
ام هدول بصحتكم المقارون و المناظر روعة صحرا الله يبارك بصح قوليلي ماكنش العقارب؟
طيموشة بصحتكم الشربة و البغرير اممممم يشهو.
حيوتة الروز مع الحوت روووووعة يعطيك الف عافية.
عروبة بصحتكم لمحاجب مطرح مايسري يمري. ام مهدي بصحتكم لعشا حنونة .

[طيور الجنان]

نهال بصحتك الاطايب بصح كون جيت معاك نضارب معاك على صحن الفول كون ناكل قنطار مانشبعوش ههههه. و التحلية خرجتلك فووووور.
ام مهدي بصحتكم الجاج و البيري ربي يدوم النعم و يكثر الخير.
فاتي بصحتكم الكيكة و عشاك روعة.

[طيور الجنان]

صباح الخير عليكم ان شاء الله تكونو بالف خير جبتلكم كيكة من الارشيف للفطور هيا بصحتكم.

[حياة نور الدين]

صباح الانواى الغاليات

سعيدة يعطيك الصحة على القاطو خسارة صائمة خخخ خبيلي حقي هه

فاتي عشاك يشهي حبيبتي بصحتكم حنونة

عشايا اابارح كما قلتلكم جواز جلبانة جات بنيينة هههه







ودرت بسبوسة للقهوة بصح مصورتش تابلات كانت مبلوكيا جبتلكم من الارشيف

[nihal159]

المشاركة الأصلية كتبت بواسطة idem16a

مساء الخير يا جماعة الخير،كيف احوالكم،،ان شاء الله بخير رااااكم فوووور باطباقكم الرائعة،والله محلاها لمة،بدون استثناء من المالح لحلو،راااكم كامل في القمة
اليوم درت ديسباسيتو لحياة جربت طريقتها اولا،وثانيا كانو عندي غير ثلاث بيض،،،،اثنان لديسباسيتو،والثالثة نستعملها للعشاء اذا كتب ربي ،نمشو بالحساب ههعهه،حتى يجي راجلي فليل يجيب معاه،،
البارح العشاء اللي هو فطوري شربة فريك،بيتزا ومرقاز مع المطلوع لكن ما صورتش المرقاز كان يطيب،وراجلي كانت كرشو تسينيالي من الجوع
صورتلكم شوية كواليس طريقتي في المطلوع،لكن نصهم راحو، (شق برق)هههه اذا فهمتو هاذي اللهجة
مادابيا تشوفو منظر تاع البلكون تاعي في الكوزينة تاع الربيع،هنا اللي نحي الغمة تاعي،ونقعد مع ولادي

المشاركة الأصلية كتبت بواسطة idem16a

هذا البالكون من جهة الكوزينة،،،دنيتلكم الريدو،لانو كاين بعض من اولاد الجيران يقعدو ،،،وهاذي الارض يغرسو فيها في بعض الاحيان قصبر ومعدنوس،،او الدلاع،،او الكورجات اي القرعة،او الشفلور،،،،لو كان صورت مليح راح تشوفو اشجار المندرين والبرتقال
ايا درك خلصوني دراهم حق الفسحة هههههه

أم مهدي يعطيك الصحة؛ الطابلة راهي تشهي؛ و الطلة من البالكون تشرح النفس الله يبارك رووووعة؛ تقول راكي فالجنة ؛ الدنيا مقابلتك خضرا تهبّل؛ بصحتك حبيبتي.

[mosta*limoges]

حياة حبيبتي واش نقولك يعطيك الصحة وواش راكي متمنية عجبتني خاصة انها فيها لكراميل ان شاء الله نجربها في اقرب وقت شكراا جزيلا ربي يخفظلك دعاء و خوتها . و بصحتك واش تعشيتي و لبسبوسة تشهي ربي يبارك و صيامك في الجنة .
فاني بصحتك قوارب لبطاطا يعطيك الصحة
سعدووود كل صباح تخمي فينا و تجبينا لحلووة يا حلوة يعطيك الصحة.
فطوري مقرونة هدا وين راني ندخل كنت في المدرسة مع بنتي كانو مخرجينهم قالك خصنا متطوع من الاولياء يروح معانا ايا رحت معاهم ههه قلت نتهنى من لكوزينا دخلت لقيت لفطور يستنى فيا

[nihal159]

المشاركة الأصلية كتبت بواسطة بيان 5

طيموشة سحابة ام مهدي فاتي يعطيكم الف عافية ماشاء الله عليكم كل كلمات الإعجاب قليلة في مبدعات الكوزينة
نهال حبيبتي يا منقذة الكوزينة جبتلك غداي بينما نقدر ندير حاجة حلوة باروك والله تستاااهليي كل خييير
غدايا روطي الدجاج لإلهام
وعشايا بيتزا ان شاء الله

أهلا بيونة؛ الله يبارك الروتي خرجلك يشهي و السلاطة ماعندي مانقول يمممممي فكرتني في السلاطة تاع يما ههههههه والله؛ شكرا ليك و بصحتكم؛ربي يقدرك على الحمل و التربية و الخدمة.