صدور بالديامو - الصفحة 2

مريم سلمى الجزائرية · 2013-03-27, 20:46

السلام عليكم و رحمته تعالى و بركاته:
عمل رائع ،بارك الله فيك.
كم يبلغ حجم "الديامو" الذي عملت به أختي؟ بارك الله فيك.

نبيلة 81 · 2013-03-28, 15:11

ما يكون غير خاطركم رايحة نحاول نشرح على قد ما قدرت و نشا الله نقدر نوصل المعلومة
وللأسف ما عنديش صور الشرح
الصدر كيما هذا يأخذ حوالي 250 غ كريستال و راه كاين أشكال وألوان وأحجام كيما تحبي
أولا تعملي سلسلة بخيط مزدوج حوالي 276 عين أو تقيسي لروحك الحجم لي تحبيه
ومن بعد تقطعي واحد من الخيطين وتكملي بخيط واحد
تحكمي حبة الكريستال و تدخلي فيها الكروشي وتجبدي الخيط و تسرفيه
و تخلي عين و فالثانية تزيدي تحطي الحبة الثانية وهكذا حتى تنتهي من السطر الأول تغلقيه( يعني تلصقي الحبة الأخيرة فالحبة لي بديتي بها) وتنتقلي للسطر الثاني
فالسطر الثاني والثالث تزيدي بين كل 2 حبات عين
والسطر الرابع والخامس تزيدي بين كل حبة وأخرى عين
وكل ما تطلعي تزيدي العيون حتى فالسطر الأخير يكون عندك بين كل حبة وأخرى 3 عيون
أما عدد الأسطر أنا ندير من 11 حتى 13 كيما تحبي
و أهم شيء أنك ما تزيريش يدك ارخفي على قد ما قدرتي باش ما يجيكش الكريستال مايل
و بالتوفيق يا خواتاتي و أي استفسار راني هنا

khaoula90 · 2013-03-28, 15:21

يعطيك الصحة ملااااح بزافففففف
و حطيلنا الباقي من فضلك و الطريقة
شكرًا

نبيلة 81 · 2013-03-28, 16:05

اقتباس:

المشاركة الأصلية كتبت بواسطة مريم سلمى الجزائرية

السلام عليكم و رحمته تعالى و بركاته:
عمل رائع ،بارك الله فيك.
كم يبلغ حجم "الديامو" الذي عملت به أختي؟ بارك الله فيك.

وعليكم السلام أختي الكريمة
نستعمل الكريستال حجم صغير و المتوسط وأحيانا كي ما نلقاش اللون لي نحوس عليه نستعمل الحجم الكبير
وإذا تقصدي الكمية فهي حوالي 250 غ