استفسار حول عيادة الليزك تونــس

[سطايفية بكل فخر]

نسيت ان اخحبرك ان لا تتسرع بالحقنة حتى تاخذ براي هذين الطبيبين
وكيما قتلك مصحة البخحرة راهي تاع كمون ولكن ميخدمش فيها
بانتظار الراديوات اخي لارفعهم عندي واستشير راي الطبيب فيهم
وانش ءالله ميكون غير الخير

[karim2006]

[karim2006]

الكي رابط العيادة التي سأزورها :
https://www.ophtalmodulac.com/

هته العيادة اخبروني بانهم سيحقنون ابرة افاستين بالعين اليسرى.
ما رأيك بالعيادة و شكرا

[سطايفية بكل فخر]

السلام عليكم مجددا
لقد حملت كل الصور اخي كريم قم بحذفها لان فيها معلوماتك الشخصية
سارسلها للطبيب وارجع لك ما يقول لي
ثم عن العيادة لقد اخبرتك اخي باني اعرفها وهي مصحة للدكتور كمون لكنه للاسف لا يقوم بالفحص فيها هو يتواجد على مستوى مصحة التوفيق الدولية وابنه في المنار 3
وعليه اخي لا تقم بحق اي شيء في عينك حتى تزور احدهما وبدوري سابعث لك براي الطبيب الذي سوف ارسل له ملفك وبعدها قرر اخي
لا تتسرع
وعن تونس اخي راني قتلك عاود عيطلهم واحكم رونديفو وبعدها روح مش شرط تدخل اليوم
انا حاباتك تفوت عند كمون شخصيا مش طاقمه وكلامي هذا لا يعني ان المصحة ليست موثوقة فهي ممتازة ولكن راي كمون اثق فيه اكثر من اي طبيب من طاقمه
وربي يكتبلك الخير ورجاء طمني عليك
وربي يكتبلك الشفاء العاجل يارب

[karim2006]

شكرا ربي يبارك فيك
انا ايضا لن أذهب اليوم سوف اخذ موعد عند دكتور كمون ممكن اسبوع قادم بحول الله اذهب لأقابله شخصيا بحول الله
انا أنتظر رد الطبيب الذي ستشاورينه شكرا ربي يثبت اجرك

[سطايفية بكل فخر]

صباح الخير اخي كريم
حسنا فعلت الانسان لازمو يتريث ويسقسي قبل ما يونقاجي كنت خايفة تكون رحت تخسر دراهمك هكاك برك والمصاريف كتيرة في تونس والله عملت مليح
وانا شخصيا نوثق في كلام كمون ومنعرفش باقي الطاقم تاعو ان شا الله تحكم رونديفو وتفوت عندو ويفهمك بيان انت احكم عند الاب وعند الابن ولي معندوش الغاشي فوت عندو ولي يقوللكوقتها ديرو
هكا احسن واضمن اخي
بخصوص ملفك اخي راني رسلتو لطبيبين مش غير واحد وهم اطباء اكفاء وراني ننتظر ردهم وباذن الله ميكون غير الخير
ربي يشافيك اخي واي حاجة راني هنا
ورغم اني ظروفي متسمحليش نكوناكتي دايما هذي الفترة رايحة نحاول ندخل على جالك ونجاوبك ونرد عليك حتى تشفى ونطمن عليك
ربي يسهلك امورك اخي ونصيحتي ليك حاول تبتعد عن القلق هذي الفترة علابالي مش ساهل انة جان في مقتبلو عمرو تصرا معاه هذي الامور لكن لازم نكونو مومنين ولازم تكون هادئ ومتمسك باعصابك هكا باش متاثرش القلقة على عينك وتازم الجالة راك عارف لاطونسونتاثر في العين
دعواتي لك بالشفا اخي
وانا دائما تحت تصرفك
سلام الله عليكم

[karim2006]

شكرا لكي أختي ربي يفتح عليك
بالنسبة لمزاجي و الله ليس مستقر مرة مليح مرة نفشل خاصة عندما راسلت طبيب بالمغرب قال لي يلزمها 4 حقن و الحقنة تكلف 500 يورو او اكثر
هههههههههههه على أساس الثراء الفاحش لي عايش فيه الواحد .و هناك طبيب آخر قال بأنها ستزول بعد اسابيع .

و انا أقول لا إله إلا الله محمد رسول الله

[سطايفية بكل فخر]

معليش اخي يفرجها ربي خلي ايمانك بربي كبير وياسيدي اعتابرو ابتلاء من عندو يجازيك عليه الجنة ان شاء الله
ثم تفرج ان شاء الله ويدبر المبلغ وترجعلك صحتك
ثم انا على هذا الشيء قتلك متروحش البارح لتونس
انا نعرفها وعلابالي باسعارها تشيفري دراهم
الدوا غالي والمسكن والاكل ولافيزيت بزاف تقعد ايام ثما وزيد معاك شخص الاحسن لما تحكم رونديفو تروح قبلو بيوم سيفري جبدة وتتعب من ولايتك لثما مي احسن ما تروح من قبل وتخسر دراهمك هكاك برك
ايضا مجامك هنا حاول تستفسر عن نزل يكون موان شار او بيت للكراء ويكون مش غالي ربما تحتاج تبقا يوم او يومين باش يكونطروليوك
وان شاء الله تفرج من عندو وتكون متحتاجش 4 حقن
ومتحتاجش مبلغ كبير باش تعالج نفسك

[karim2006]

ربي يثبت أجرك اخت غالية ، عندي سؤال اخر نفرض انني قمت بزىاعة عدسة icl هل ستحميني من مشكل النزيف ؟؟
و هل يجب سحب العدسة عند حقن العين ؟؟

[سطايفية بكل فخر]

اهلا اخي كريم تلقيت الرد الاول من الطبيب الاول سوف اخبرك به بعد قليل وعن سوالك ساعود لدي رد اخر ارد عليه واعود

[karim2006]

حسنا انا بانتظارك شكرا

[سطايفية بكل فخر]

عدت مجددا اخي كريم واعذرني للتاخير بسبب غيابي وجدت العديد من الردود تحتاجني وعليه ارد مرة هنا ومرة هناك فسامحني للتاخر
شوف اخي نبدالك براي الطبيب الاول هي طبيبة وكفء بعد رويتها للراديوات وبعد ما اخبرتها عن كل ما قلته لي قالت لي بانها ترى ان الاطباء تاع تونس لي قالولك بلي دير لانجاكسيون هم الاصح وعليه عليك باتباع رايهم يعني هي مع انك تحقن الحقنة وقد سمت لي اسم دواء اخر هوlucentis وحسب مافهمت من كلامها له نفس عمل avastin يعني هو او لافاستان كيفكيف المهم انها مع عمل الحقنة
وهي بدورها نصحتني انك تروح لكمون ومتريسكيش عند حتى واحد اخر
وقد اكدتلي بلي المشكل تاعك سببه ضعف النظر
لذلك عملت مليح كيما رحتش واستنيت الرونديفو تاع كمون
+
الدكتور الثاني مختص في الشبكية وراني نستنا يجاوبي وان شاء الله يجلاوبني عن قريب باش نشوفو رايو
ان شاء الله ميكون غير الخير
+
بخصوص سوالك عن لامبلون وعن الحقنة شوف رايحة نجاوبك حسب معلوماتي البسيطة جواب مبدئي ولكن مش رايحة نجزملك بيه حتى نتاكدلك من طبيب لانو ادرى مني بهذا الشيء
حسب معلوماتي وحسب وشا قرينا والله اعلم l'injection intravitrienne لي كيما رايح ديرها يدخلوها في ابيض العين وتروح في الجسم الخلطي الزجاجي وتفوت للشبكية يعني تدخل في نص العين مش من بدايتها ومش رايحة تفوت على العدسة او القرنية
واذا تذكرت اخر مرة حكينا على icl قتلكم بلي هو ينحط جيست قبل العدسة وعليه اخي الحقنة اصلا مش رايحة تفوت عليه فلا داعي لنزعها اثناء الحقن الشبكية بعيدة على العدسة يفصلهم الجسم الخلطي الزجاجي واصلا لامبلون icl راهي مكوفرياتو العدسة راهو قبلها دونك حسب رايي مكانش ريسك عليه
+
بخصوص سوالك الثاني لامبلون يندار باش تتخلصو من النظارات اخي وتوليو تشوفو مليح ولا دخل له بالشبكية لذلك حسب رايي الشبكية رايحة تبقا ضعيفة ولازم تبقا تسويفي عليها دايما اخي
تعرف علاش الشبكية تضعاف حنا العين العادية عند الانسان تكون كروية وتكون الشبكية سميكة لكن عند الميوب وخاصة لي عندهم ميوبي كبيرة العين تبدا تكبار ويزيد قطرها يعني تروح بالعرض ان صح التعبير وعليه هذاك الاتساع في العين ياثر على الشبكية ويخليها ضعيفة مثا باش تفهم لاستيك وتجبدو ياخي يرقاق هكاك تقريبا وشا راهو يحدث عند الميوب
وزرع الامبلون راهو لتصحيح الريوة وليس لتقوية الشبكية والله اعلم
هذا جواب مبدئي فقط حسب معلوماتي وتحليلي رايحة نتاكدك من الجواب من عند الاطباء
وان شاء الله ميكون غير الخير اخي كريم
وكي ليوم ترتاح وتولي تشوف بيان وامورك قازوز ههه
حينما يرد علي الطبيب الثاني نجاوب اخي واي سوال عندك راني هنا
فقط نصيحة اخرى حاول متكثرش القعاد في الميكرو لانو اشعة الميكرو طول تهبط للشبكية لانها تحوي مستقبلات الضوء وحساسة جدا له واصلا شبكيتك ليست على ما يرام
ادخل اقرا الجواب او سقسي واخرج متبقاش بزاف فيه
وربي يشافيك اخي

[karim2006]

شكرا ربي يهنيك
المهم غدا سوف اخذ موعد عند دكنور كمون هاتفيا بحول الله

[karim2006]

لقد أخذت موعد عند الدكتور كمون يوم 4 أفريل بحول الله .
المهم نسيت أمر مهم جدا و هو عند زيارتي لعيادة بن موسى بقسنطينة و بعد اتمامي ل oct وangiographie قال لي الدكتور بن موسى أن العرق الذي تسبب بالنزيف لم يظهر بالراديو !!!!!
هنا يطرح السؤال اين سيتم حقن الابرة ؟؟
مادام العرق او الشريان الذي نزف لم يظهر
فعلا امري غريب هههه

[سطايفية بكل فخر]

المشاركة الأصلية كتبت بواسطة karim2006

لقد أخذت موعد عند الدكتور كمون يوم 4 أفريل بحول الله .
المهم نسيت أمر مهم جدا و هو عند زيارتي لعيادة بن موسى بقسنطينة و بعد اتمامي ل oct وangiographie قال لي الدكتور بن موسى أن العرق الذي تسبب بالنزيف لم يظهر بالراديو !!!!!
هنا يطرح السؤال اين سيتم حقن الابرة ؟؟
مادام العرق او الشريان الذي نزف لم يظهر
فعلا امري غريب هههه

السلام عليكم اخي كريم
شفت عملت مليح هكا احسن وهاهو سهلك ربي وعطاك موعد قريب مي مقتليش واش من كمون فيهم الاب ولا الابن
+
اعلم انك تنتظر الاجابات بفارغ الصبر
بدون اطالة لقد رد علي الطبيب الثاني وكما قلت لك هو مختص في امراض الشبكية وهو كفء
وفي رده جواب لسوالك اخي هههه راك خطفتها مني وهي طايرة
المهم لقد راى الراديو تاع عينيك وقالي بلي النزيف لي حدثلك بسيط ومش خطير هذي المرة لانو مفيهش néovésseaux هذي الاخيرة هي عبارة عن تشعب غير طبيعي للعروق واتساعها في الشبكية وانت الحمد لله هذي المرة مش هي لي سبتلك المشكل وكان نزيف بسيط من كاش vesseaux بسيط وفعلا قالي بلي ميبانش العرق لي سبب النزيف يعني كيما قالك بن موسى وهذا وشا وضحولهم الراديو لكنه اخبري انو منقدروش نكون سير بلي راهو سامبل ورايح يمر مرور الكرام عليه لانو مهمش عارفين اذا صح هذا العرق نيوفيسو او وقالي مش ممكن ابدا نكونو سير بلي راهو مش هو وعليه نصحني انك دير الحقنة تفاديا لاي اخطار على العين تاعك خاصة اذا راك تشوف الاشكال مديفورميين لانو واحد من اعراض النيوفيسو ولانو هذو النسو فيسو هو الخطر الاكبر على الشبكية وان شاء الله متصلش ليهم
بخصوص منطقة الحقن فستحقن في الشبكية اخي والاطباء ادرى بالمنطقة المحددة للحقن فمتقلقش روحك من هذي الجيهة
+
هههه شريان كامل وعلاش رانا في القلب راهو عرق صغيرون مسكين بصح عمايلو كبار هههه للاسف وباذن الله تشفى وتعافى لانو حسب كلام الذكتور هذي المرة جات بسيطة
وبعد ما هدرت مع هذو الزوج اطباء لاي اثق فيهم كثيرا نقلك اتكل على ربي وروح لكمون واذا قالك دير حقنة ديرها اخي وربي يشافيك ويعافيك
ومابقالي غير ندعيلك دعوات الخير بشالفاء واي حاجة تحتاجها او سوال راني هنا اخي
شفاك الله