ܨܓܨ ๘彡 نصائح من تجاربكم من خلال القاطوا لي عملتوه في عيد الفطر 2015 彡๘ܓܨ.ܨ

[crono]

السلام عليكم و رحمة الله و بركاته صح عيدك اختي ملاك و عيد جميع الاخوات الله يتقبل منا و منكم فكرة موضوعك هايلة هكدا كل الاخوات يستفادو خاصة المبتدئات
أنا نصيحتي للمبتدئات كي يوجدو العجينة ليجي معسلة كيما تع البقلاوة ولادزيريات اخلوها ترتاح مليح و لما طيب نعسلها بعسيلة باردة وحلوتنا سخونة ولا بالعكس كي تكون الحلوة باردة العسيلة تكون سخونة
لي عودة

[R@K]

ماشاء الله كل عام و انتم بخير

[reema star]

افكار رائعة انا درت قاطو تاع الغربال ومصلحليش نظن من المايزينة لخاطر درت فيه. كاس مايزينة وكاس سكر وكاس زيت و3 بيضات وحدة خميرة وفاني هبطلي لمورال شكرا على معلوماتكم

[wala]

كل عام وانتم بخير هناك انواع من الكوكاو اشروا الكوكاو الكبير مافيهش الريحة نوع الفرينة هو لي يرمي المرغرين استعملوا سيم حتي تع المقروط استعملوا سيم يجي رووعة باش تبلي الحلوي وتغبريها فنجان ماء الزهر ب 2 شاربات ومعطر اللوز او فاني

[wala]

كي تطلوا الحلوي عرايش او اي نوع قلاساج استعملوا شباك الشواية فيها 2 وحة فوق الطبسي مباشرة وسقي الحلوي بالغراف كي ينزل القلاساج ضعيهم في الالشباك الثاني يكون فوق طبق اخر والله يفرج مليح ارجو اني وصلت الفكرة

[wala]

طابع سريع كوري العجينة كويرات صابلي او طرونية كاين لي يقول الطابع ثم اطبعيهم بالطابع لي يستعمل في حلوي الشباكية لي تتقالا وتتعسل اضغطوا مليح قريب لللاسفل كي تطيب زينوا تلك الخطوط باشيكولا ارجوا اني وصلت الفكرة

[مسلمة بالفطرة]

أختي قاطو الغربال فيه كاس و نصف مايزينة او ما تكثريش الخميرة هاذي نصيحتي حابة من الأخوات تعطوني وصفة ناجحة الصابلي و النتيجة صابلي هش لأنو الوصفات كثيرة

[ام نسمة]

السلام عليكم كل عام وانتم بخير
نصيحتي هي عن نوعية العسل اللي نعسلوبيه القاطو والبقلاوة بلاما تدوري بزاف كاين نوعين هما الانسب والالذ للتعسيل ....الاندلس والزهرة
اما المرجان وعععععععع ثقيل بزاف وبنته ماشي شابة ............لي عودة للموضوع مع نصائح اخرى

[إكرام ملاك]

المشاركة الأصلية كتبت بواسطة مسلمة بالفطرة

أختي قاطو الغربال فيه كاس و نصف مايزينة او ما تكثريش الخميرة هاذي نصيحتي حابة من الأخوات تعطوني وصفة ناجحة الصابلي و النتيجة صابلي هش لأنو الوصفات كثيرة

السلام عليكم

شكراا لتواجدكم

بالنسبة للصابلي هذا لي خدمتوا هذا العام رووووووووووعة حطيه في فمك يذوب

ܨܓܨ ๘彡 صابلي عيد الفطر 2015 彡๘ܓܨ.ܨ

[وفاء الياسمين]

السلام عليكم ملاك تقبل الله منا و منكم
تحياتي لجميع الاخوات ، فكرة جميلة جدا، جزاكِ الله خيرًا

كل عام نتعلمو و نزيدو ندو الخبرة لأن الممارسة تُكسِب الخبرة

بالنسبة للعسل جربت كثير انواع لقيت بلي عسل نونورس يعني الدب أحسنهم على الاطلاق بدون منازع و الله أعلم
حتى مرات نطيب في الدار و نشري باطا صغيرة نخلطها باش الذوق نتاعو يجي شباب

بالنسبة للسابلي فيها عفايس تخليها تجي تذوب في الفم مع الوصفة اكيد
انا ندير فيها زوج صفار و حبة كاملة و نص كاس مايزينة و خطرات نزيد شوي كي نكون حابا نخلطلها كاكاو و لا حلوة الترك
و عندك حاجة اغسلي يديك بالما بارد قبل ماتبداي لانك مع السخانة و الزبدة طرية راح تولي سائلة و تخرجلك من العجينة و يجي الشكل دياله مشققو مكرفس
و كي تديري البيض ديري بالشوي حتى تولي كريمة باش تزيدي شوي لانه لو اديريه على دربة تتفكك العجينة و اجي صعيبة باش تلميها
و كي تديري الفرينة ماتكثريش الخميرة رشة برك يعني نص مغرف او اكثر قليلا فقط وديريها وسط الفارينة ماشي في الزبدة ديراكت
وكي تديري الفرينة ما تعجنيش العجينة حاولي تدوريها باش تتلم مليح وما تكثريش تحراك خاطرش توليلك يابسة و كي تطيب اديرلك فقاعات و تخسر الشكل
اذا عجنتيها خسرتيها
و كي تجي تحليها ما تكثريش الفرينة و كي يبقاولك لطروف زيديلهم من العجينة الجديدة باش تحافظي دايما على قوام طري وماتنسايش لعجينة ديريها طرية مليح
باش كي تجي تحليها بالفرينة تولي مليحة
و طيابها يكون بيض يعني غير تنشف و يتبدل لون العجينة نحيها باش تبقى طرية و تذوب في الفم
و هذه النصائح تنطبق على كل الحلويات الجافة
وحاجة اخرى ما تخبيهاش في ليكيسات يشربلها الدسم و تيبس تمتم ديريها في علبة بلاستيكية كي تجي تقدميها ديريها في ليكيسات
حتى نشفا بكري الحلويات الجافة مانديروهاش في ليكيسات نديرو غير لمعسلة يقولك تيبس و عندهم الحق

كثرت عليكم الهدرة
ربي يوفق في امان الله

[Amani Madridista]

المشاركة الأصلية كتبت بواسطة إكرام ملاك

السلام عليكم ورحمة الله

من بين النصائح لي لقيتها في هذا المرة

أولا من قبل لما نكون راح نخدم التزيين في الحلوى تاع صابلي او تاع الطلية

كنت نستعمل الكيس ونثقبوا أو الحقنة تاع الحلوى





لكن هذه المرة جربت حاجة جديدة ما نعرف الا جربتوها من قبل أو لا

وهي حقنة الطبية



المهم تكون جديدة يعني تخرجيها من الكيس تاعها من بعد تزيدي تنظفيها بالماء

وتوضعي فيها الطلاء لي راح تستعمليه




والنيجة جد جد راااااااائعة

والنتيجة من هنا

Hadi fikra hayla
Mrc khti

[إكرام ملاك]

السلام عليكم ورحمة الله

النصيحة الموالية


بخصوص الطلية





لما تحضري البيض وتخفقيه حتى يصبح كالثلج لا تضيف له السكر الناعم مباشرة
بل ضعي السكر الناعم في وعاء ثم أضيفي عليه البيض المخفوق

لان بهاته الطريقة تضمني أن الخليط يكون كما تحبي وفي نفس الوقت تضمني أن السكر يكفيك
لآنوا مرااات تلقاي روحك حطيتي كل السكر لي عندك لكن ما كفاش باه تتحلي على خليط المناسب
وممكن ما يكونش عندك لي راح يشريلك


بالتوفيق

[سماح 88]

نصيحتي فيم الحشو انتاع الباقلاوة الكوكاو من الافضل تطيبيه كاين الي يخلوه نئ وتقلك راح يطيب من بعد لا ما يطيبش والبنة انتاع لا الكوكاو الطايب افضل بكثير وصح عيدكم

[مياسم الصمت]

السلام عليكم ورحمة الله وبركاته
عيدكم مبارك وكل عام وأنت بخير
فكرة مميزة أختي اكرام بارك الله فيك
لدي بعض الملاحظات
* بالنسبة للعسل الذي تحدثت عنه الاخوات والطعم الذي يميزه مثل عسل المرجان ذاك الطعم الخاص هو نكهة العسل تضاف
لكن طبعا هناك من لا يحب هذه النكهة في العسل التجاري
لذلك الاخت تقتني العسل الذي يناسبها
* بالنسبة للباقلاوة ولتسريع العملية انا نحل القريصات بالحلال نسبيا فقط ثم نحل الثانية ومن بعد نذوب الزبدة وندهن بها طبقة واحدة ونحط الطبقة الثانية على الاولى
ونحل ونتركها جانبا
نروح لقرصة ثالثة ورابعة ونعملهم في اثنين كما الاولتين
طبعا نحط الزبدة الذايبة بيناتهم
من بعد نحطهم في اربعة مع بعض وما ننسى نحط الزبدة الذايبة على الوجه الي يكون بين الطبقات ونحل بالحلال نسبيا
حتى نكمل الطبقات المرغوب فيها ثم في الاخير نجمع الطبقات ونحلها دفعة واحدة وطبعا تكون مفصولة بالزبدة

هذه الخطوة تخليني ما نبذل جهد كبير في ترقيق العجينة ومرات تجيني خشينة
نرقق قد ما نقدر وما نحب وتجي مورقة ومقرمشة

لي عودة مع افكار اخرى من تجاربي

[ام ورود]

المشاركة الأصلية كتبت بواسطة مياسم الصمت

السلام عليكم ورحمة الله وبركاته
عيدكم مبارك وكل عام وأنت بخير
فكرة مميزة أختي اكرام بارك الله فيك
لدي بعض الملاحظات
* بالنسبة للعسل الذي تحدثت عنه الاخوات والطعم الذي يميزه مثل عسل المرجان ذاك الطعم الخاص هو نكهة العسل تضاف
لكن طبعا هناك من لا يحب هذه النكهة في العسل التجاري
لذلك الاخت تقتني العسل الذي يناسبها
* بالنسبة للباقلاوة ولتسريع العملية انا نحل القريصات بالحلال نسبيا فقط ثم نحل الثانية ومن بعد نذوب الزبدة وندهن بها طبقة واحدة ونحط الطبقة الثانية على الاولى
ونحل ونتركها جانبا
نروح لقرصة ثالثة ورابعة ونعملهم في اثنين كما الاولتين
طبعا نحط الزبدة الذايبة بيناتهم
من بعد نحطهم في اربعة مع بعض وما ننسى نحط الزبدة الذايبة على الوجه الي يكون بين الطبقات ونحل بالحلال نسبيا
حتى نكمل الطبقات المرغوب فيها ثم في الاخير نجمع الطبقات ونحلها دفعة واحدة وطبعا تكون مفصولة بالزبدة

هذه الخطوة تخليني ما نبذل جهد كبير في ترقيق العجينة ومرات تجيني خشينة
نرقق قد ما نقدر وما نحب وتجي مورقة ومقرمشة

لي عودة مع افكار اخرى من تجاربي

سلام اختى. صحيح هو عسل المرجان مليح فقط كاين بزاف ميحبوش ريحة نتاعو....انا صراحة مرة عسلت بيه بقلاوة درتها بالجوز واللوز...وريحة العسل طغاة على ريحة الجوز وكل من ياكلها يقولي بنينة لكن فيها ريحة غريبة....وبالنسبة ليا افضل عسل للبقلاوة هو عسل نونورس....اما المرجان بنتها هايلة في المقروط
وثاني حاجة حبيت نسالك عن طريقتك في حل عجينة البقلاوة....يعني لما تحليهم ميلصقوش في بعضاهم...وهل تجيك مورقة مليحة....
انا ندير هده الطريقة لكن بالنشا....يعني نحل ثلاثة او اربع كويرات شوي....ثم نحطلهم النشا بيناتهم ا بدون ما نكثر ..ونحطهم على بعضاهم ونحلهم مع بعض ثم نفكهم من بعض ونحط وندهن بين كل وحدةبالسمن....حقيقة تخرجلي مورقةو رقيقة
لكن عجبتني طريقتك عصفورين بحجر واحد....فقط من فضلك لوكان تزيني تشرحيلي......وهل يجوك مورقين وميلصقوش في بعضاهم
شكرا جزيلا للمعلومة....