حلـوة السيقـــار نتـاع زماااااان بحلـــة جديـــدة

[الصوامعية]

[IMG]

[/IMG]


السلام عليكم جميعا واش راكم لاباس
هذو اليمات راني غير مع الحلويات القديمة نتاع زمان لتربينا عليها بعد حلوة الخطفة جاء الدور على السيقار كنا نحبوه بزاااف زمان ميخطيناش دائما حاضر فالقهوة نتاع العشية راهو إقتصادي ومقاديرو بسيطة وينفع لضيف الغفلة .
علابالي كامل تعرفوه بصح معليش كاين أخوات تودرتلهم الوصفة ولا نساوه وربما كاين لميعرفوش نخليكم مع المقادير طريقة التحضير والصور كالمعتاد


[IMG][/IMG]

- 2 حبات بيض
- 5 مغارف كبار سكر عادي
- 5 مغارف كبار زيت
- كاس حليب
- 1 خمارة كميائية
- فاني - مبشور الليمون - فرينة


[IMG][/IMG]

طريقة التحضير سهلة جدا في صحن عريض نحط : بيض + فاني+ مبشور الليمون + سكر + زيت + حليب نخلط هذو كامل مع بعض ونلمها بالفرينة والخمارة حتى تولي عجينة طرية نقدرو نشكلوها .
نأخذ شوية من العجينة نحلها ونقطعها أشكال يحبوها الأطفال والكمية المتبقية عملتها سيقار المتعارف عليه
ثم نقلوهم بالنسبة للأشكال عملتلهم قلاصاج والسيقار درتلو سكر قلاصي نتمنى يكونو عجبوكم
وعلى رأي المثل الجديد حبو والقديم ما تفرط فيه

[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]

ملاحضة : راني مضاعفة فالمقادير باه عطاتني هذي الكمية الهائلة

أحبكــــــم جميعـــــا وهذا القلب مهدى لكل واحد دخل لموضوعي

[IMG]

[/IMG]

[sbmwhadz]

شكرا جزيلا على الوصفة اللذيذة وعلى رأي المثل الجديد حبو والقديم لاتفرط فيه

[kokotg]

الله يجآآآآزيك بخير وينوووولك اللي فبآآآآآلك

[أنواار الإيماان]

الله يبارك والله غير يعطيك الصحة

[houda2700]

شكرااااا غاليتي ربي يخليك

[janino]

يعطيك الصحة الحلويات القديمة عندها وحد الشارم حنا نقولولها صبيعات العروس فكرتيني في هداكالطابع كان امي عندها كيفو انا راني ديت القلب

[نهى21]

يعطيك الصحة الله خليك للمنتدى كيفاش درتي قلاساج

[تالا تسنيم]

ربي يحفظك حبيبة.............. والله غي فكرتينا بيه .............. تعيشي............. و صحيتي على المقادير............. ربي يرزقك من نعيمه

[ROUMISA]

يعطيك الصحة الحلويات القديمة ليها طعم خاااااص
تحياتي وسلامي

[بشرى2008]

بارك الله فيك

[الوهرانية 1]

الله يبارك والله يحلي ايامك حبيبتي تحياتي ليك وشكرا على الفكرة

[faizarbh]

مممممممممممممممممم انا نموت عليه بالسكر قلاص او العسل يم يم يعطيك الصحة نقول لماما ديرهولنا هههههههههههههههههههههه

[أمال المستغانمية]

والله فكرتينا بيه الله يعطيك ما تتمناي

[الأمنيات]

عندك الصح اختي ماكانش كي حوايج زمان انا سعات نديره اقتصادي تاع الشوماره هههههه
شكراااااااااااااااااااااااااااا

[ام ملاك.]

روعة ماشاء الله بصحتكم