كيكــة بالفرمسيــال نتــاع الشربــة أدخلو باه تتأكــدو

الصوامعية · 2013-01-19, 12:02

[IMG]

[/IMG]

الســـلام عليكــــم عضوات وزوار منتدانا الغالــــي على بالي الفضول هو لي خلاكم تدخلو باه تشوفو هذي الكيكة لي فيها الفرميسال إيه فيها الفرميسال مرانيش غالطة واش نقولكم تهبل بريزونتابل و تحمر الوجه قدام الضياف صدقوني كل واحد يشوفها ولا يكلها ما يفهم فيها والو يخسبها مصنوعة بالقطايف
هذي الكيكة راني رايحة نهديها لوحدة عزيزة علينا ونحبوها كااااااامل في آخر الموضوع رايحين تعرفوها منشوقكمش بزاف نخليكم مع المقادير طريقة تحضير والصور من كوزينة الصوامعية

[IMG]

[/IMG]

- 3 حبـات بيــض
- 5 حبــات فرمــاج
- 6 مغارف كبار فرميسـال مقلية في شوية زبدة
- كاس سكر
- نصف كاس زيت
- نصف كاس ماء
- 2 خمارة كميائيــــة ، فاني
- 2 كيسان فرينة
- 2 مغارف كوكاو مرحي متوسط

[IMG]

[/IMG]

في صحن نحط بيض+ سكر + فاني نخلطهم مع بعض + الفرماج ثم الزيت نخلط الكل بالباتور ثم نضيف الماء وفي الأخير الفرينة مع الخمارة و الكوكاو نأخذ مول ندير فيه ورق الزبدة إلى معندكمش تقدرو تدهنوه بالزيت وترشوه بالفرينة نحط طبقة من الفرميسال ونفرغ فوقها خليط الكيكة وندخلها للفرن حتى تنشف كي تطيب نخلوها تبرد شوية ثم نقلبوها ونشربوها بشوية عسيلة ونشبحوها بالمكسرات فقط باش تبقى تبان الفرمسال أنا درتلها كوكاو مطحون خشين إن شاء الله تكون عجبتكم الكيكة وتجربوها أنا في انتضار تطبيقاتكم .

[IMG]

[/IMG]
[IMG]

[/IMG]

هذا الموضوع بأكمله مع الورود راني رايحة نهديه للعزيزة والغالية على قلبي وعزيزة عليكم نتوما ثاني نحبوها كاااااااامل ام رامــــــي شكون ميعرفهاش شكون مجربش ولو وصفة واحدة من وصفاتها المميزة والناجحة
بزاف ناس سجلو في المنتدى على جالها حقيقة أم رامي أنت جوهرة ثمينة في المنتدى لك مني كل الشكر والتقدير والإحترام لمجهوداتك ربي يحفظك ويجعل كل أعمالك في ميزان حسناتك إن شاء الله نكون وفقت في إختيار الموضوع ليليق بقيمتك .
أم رامي بما أن الموضوع بأكمله مهدى لك نتمنى نشوف تطبيقك

[IMG]

[/IMG]
[IMG]

[/IMG]

منال مانو · 2013-01-19, 12:11

عفسة شابة وجديدة .. يعطيك الصحة

نسيبة 2009 · 2013-01-19, 12:11

تسلمي يا احلى صوامعية

basmala farah · 2013-01-19, 12:13

يعطيك الصحة شكرااااااااااااااااااااااااااااااااااااااااااااااا ااااا

oum radja · 2013-01-19, 12:20

يا سلام على الفكرة الرائعة يعطيك الصحة

RANIA32 · 2013-01-19, 12:25

يعطيك الصحة روووووووووووووعة

حياتي نبع امل · 2013-01-19, 12:29

يعطيك الصحة
لرجعت كي نشوف الموضوع ليك نعرف بلي حاجة بيزاغ ولا كاش اختراع
بارك الله فيك

faizarbh · 2013-01-19, 12:30

يعطيك الصحة اختي الصوامعية حاجة فوووووووووووووووور و ري يحفظلنا ام رامي

amel_star · 2013-01-19, 12:42

يعطيك الصحة

أنا أمهم · 2013-01-19, 12:42

ما هذا الإختراع يا الصوامعية ؟؟؟؟؟؟؟؟؟ تبارك الله عليك منين جبتيها؟؟

عجبتني تقول عليها قطايف!!! ما شاء الله

و أكيد أم رامي مزاياها كثييييييييييييييرة علينا, و الله بالنسبة ليا كان الطبخ مجرد واجب نقوم بيه, لكن بطريقة تزيينها خاصة للأكلات الرئيسية أصبح الطبخ عندي متعة كبييييييييرة : هذا أقل ما يمكنني أن أشكرها عليها , ربي يجازيها كل خير.

و شكرا ليك الصوامعية دمت لي من أعز الصديقات.

لمسة حنية · 2013-01-19, 13:16

روووووعة اختى مااشاء الله ابداع واتقاان ربي يحفظك

ام اروى 2 · 2013-01-19, 13:37

فكرة هايلة وجديدة ربي يبارك
غير قلتي نهديها لوحدة غالية علينا عرفتها ام راميمهما شكرنا ومهما دعينا مانوفيوهاش حقها ربي يعطيها وش في بالها

miri_27 · 2013-01-19, 13:46

أسبوع كامل و انت اتهبلي فيا خسارة عليك ياسهيلة فعلا مفاجأة كيكة و لا في الأحلام أول مرة نسمع بيها بالرغم من أننا من نفس المنطقة منين جبتيها ؟ صح تستحقين أن تكوني شيف في منتدانا الغالي لك مني