راني مرضت

[مشكلتي]

Size="5"]السلام عليكم
قصتي انه زوجي قبل كنت نحكمو يهدر في الفايس بوك وكان ينكر ويقلي راهم يخترقو في حسابي
ماكنتش نصدق 100 ب100 بصح قلت بالاك صح
وفي مرة لقيتو يهدر مع وحدة في ال***** مايقدرش ينكر لانه قالها واش يحب مثل نوع الاكل شخصيته
طوله وزنه ملامح وجه يعني تاكدت لميت قشي ورحت لدارنا وقلتله نطلق وانساني وانسى ولادك اللي هوما زوج دراري رحت حكيت لاهله على اساس يديرو حل مع العلم انه اهله انا الوحيدة في كناينهم اللي يجو عندي ويقعدو ونقيم بيهم ونضيفهم ونمدولهم الدراهم بالملاين مع العلم انه ماعنديش سكنة ومحتاجة لاخر دورو
قعدت في دار اهلي 10 ايام عيطتلي امه قالتلي درك نقله يكريلك دار قدام اهلك ويحولك قشك
مع العلم انه نحنا من ولاية وزوجي يخدم في ولاية اخرى وساكنين في سكن وظيفي
غاضني الحال لانه من اول مشكلة حبت تخربلي داري
هزيت ولادي وروحت بعد ماعيط هو لاختي وقالها تروح برك درك كلش يكون قدامها ***** فايس بوك بورتابل كلش
كي رجعت قررت انه نحكم شهريته باه نلم ندير سكنة لولادي لانه ماعدتش دايرة الامان فيه حتى اهله قلت درك يوقفو معايا بصح كيما حكيتلكم
في الاول قالي نمدلك الشهرية كاملة ولمي للسكنة بصح نهار الخلاص جابلي ربع الشهرية والباقي قالي راه مخبي صح شفت في لافاوار لقيتهم ثم
بصح على بالي بلي راح يجبدهم من ورايا
انا الشيئ اللي خايفة منه انه تكون عنده وحدة وراه يصرف عليها ولا يخرج معاها ودراهمو الاخرين ماحبش يقلي وين راهم
والله دبدبت وماعدتش نرقد لانه ماعتش نصدقو ولا ندير فيه الثقة خفت يجي نهار ويرميني انا وولادي وين راح نروحو اهله راكم شفتو واهلي ماهمش راح يدومولي
مع العلم اني كي تزوجت كان عندي دين كبير ووقفت معاه وبعت ذهبي وسلكت عليه الدين وتعريت وجعت وكي خلص الدين ماعدتش نحوس على صواردو لاني سوفريت ياسر مع الازمة بعد ماعدتش نحب نخمم للشهرية تكفي ولا ماتكفيش هو استغل الفرصة هذه وماعدتش عارفة صواردو وين تروح راه يسلك اكثر من 10 ملاين
درك راني مريضة وتعبانة حاسة بقلبي راح يحبس لاتونسيون البارح لقاهالي الطبيب 9 تاع القلب بصح قالي نورما مي عالابالي بيها مش مليحة
انا درك واش حابة حابة نكسب صحتي نكبر بيها ولادي لانه هو مافيهش الامان
قررت اني نقله روح وخليني نعيش انا وولادي لاني مانقدرش نعيش مع واحد خاين وكذاب صدقوني راني ماعدتش نقدر نخزرله في وجهة
دبرو عليا[/size]

[Amal1995]

ان شاء الله ربي يصلح لك زوجك ويهديكما الى الصواب

[salim 97]

ادعيلو بالهداية

وقوليلو يحبس الفيس

[سماح 2]

ربي يهديه ان شــاء الله

زيدي اصبري عليه + لكــان ماش ع جالكـ ع ولادكـ

[iviline nv90]

اانا منزييدكش اختي اختي الراجل اكويه لا اداويه والله وتقطعي روحك ميستعرف حاشا البعض لكن الاغلبية اسمحيلي قاع انفوت والخيانة اختي والله ونعرفو يبوسلي رجلي والله ويبكي الدم والله ونعرف والدة 40 طفل معاه والله منستحقو لابوبال تعيط اللي خلق ميضيع الخيانة تبرد القلب وتسامحيه مرة والله ميتسقم والله نحلف على المصحف يدير في جيهة وحدخرا انا يعاود ويعاود تسامحيه رايحة تعيشي في شك حياتك كاملة والله متريحي كاين حلين يا انك تتخذي موقف وتنسحبي حفاظا على كرامتك وصحتك لانو صحتك رايحة تروح تاكدي يا انك تبقاي مي متقبليش الوضع مي علاجال ولادك وكرهيلو حياتو والله ابقاي معاه كانو انسان غريب يوكلك ويشربك انت وولادك اقتلي مشاعرك اتجاهو رايحة تريحي وقوليلو ها لافار راك خنت وانا مقبلتش مي علاجال ولادي لانو راك بذراري لكان براسك روحي ومتشوفيش موراك انا عن نفسي نوصل 90 سنا زواج ونفيق بخيانة نروح مي كل انسان وتفكيرو واهلو يدزو معاهم وليدهم واش حسبنك وننصحك دبري على روحك كاش حرفة ها شوفي الدنيا لكان راك بخدمتك متاكدة انك ترفدي ولادك وتروحي هادي هي اتهلاي فروحك وربي يفرج عليك

[زرقـآء اليمآمـة]

السلام عليكم
اختي وهل انت مستعدة لان تضحي بزوجك بهذه البساطة لاخرى وانت لم تظلميه وليس له سبب بان يعرف اخرى ؟؟ ..............
انصحك بان لا تظهري غضبك له ........ وكوني طبيعية ......... لانك ان زدت زاد هو ايضا ..... فاذن ماذا تفعلين قولي له ان يصرف اهتمي بمصروف البيت ونفسك والاولاد ............ لازم ما تخليهش يلمّ الدراهم .......... اي شيء تحتاجيه قوليلو يشريه ولاولادك كل ما يحتاجونه ................ واياك ان تطلبي منه الذهاب وتركك لانك بذلك تربطين الحبل حول عنقك ......... وعنق اطفالك ...............
وربي يصلح الحال ويهديكم

[* الحلم سكر *]

المشاركة الأصلية كتبت بواسطة iviline nv90

اانا منزييدكش اختي اختي الراجل اكويه لا اداويه والله وتقطعي روحك ميستعرف حاشا البعض لكن الاغلبية اسمحيلي قاع انفوت والخيانة اختي والله ونعرفو يبوسلي رجلي والله ويبكي الدم والله ونعرف والدة 40 طفل معاه والله منستحقو لابوبال تعيط اللي خلق ميضيع الخيانة تبرد القلب وتسامحيه مرة والله ميتسقم والله نحلف على المصحف يدير في جيهة وحدخرا انا يعاود ويعاود تسامحيه رايحة تعيشي في شك حياتك كاملة والله متريحي كاين حلين يا انك تتخذي موقف وتنسحبي حفاظا على كرامتك وصحتك لانو صحتك رايحة تروح تاكدي يا انك تبقاي مي متقبليش الوضع مي علاجال ولادك وكرهيلو حياتو والله ابقاي معاه كانو انسان غريب يوكلك ويشربك انت وولادك اقتلي مشاعرك اتجاهو رايحة تريحي وقوليلو ها لافار راك خنت وانا مقبلتش مي علاجال ولادي لانو راك بذراري لكان براسك روحي ومتشوفيش موراك انا عن نفسي نوصل 90 سنا زواج ونفيق بخيانة نروح مي كل انسان وتفكيرو واهلو يدزو معاهم وليدهم واش حسبنك وننصحك دبري على روحك كاش حرفة ها شوفي الدنيا لكان راك بخدمتك متاكدة انك ترفدي ولادك وتروحي هادي هي اتهلاي فروحك وربي يفرج عليك

اها اختي العني ابليس واش هذا الكلام
انا نقلك هذا كلام واحدة ماشي متزوجة و ماعندهاش ولاد
انتي قطعتي رحمة ربي و الا واش .. كاين حاجة يسموها توبة بين العبد و ربي سبحانه يا ما بالك بين العباد
و زيد علاه تستسلم و تقولهم هاكم راجلي لا لا حنونة اذا كان شاطرة تضغط على جرحها خاصة انو ندم و تحاول من جديد و بالاك غلطة و اذا تعاودت لكل حادث حديث ....
و الجملة الاخيرة اذا خدامة و ما نعرف واش شكون قالك الخدمة و المال تعوضها على راجلها و الا تعوض ولادها على والدهم

صاحبة الموضوع اديها من ملررا و خدامة و الله يا انا في مكانك - مع انو ما نعتقدش كاين واحدة تحاسب على الخيانة و تكرها قدي و لاسباب ...- مي نقلك اذا فحلة رجعي راجلك انتي درك مجروحة و من حقك مي راكي تحاسبي فيه على قبل ردي بالك هو عرف غلطتو و حلل و حلل و رجعك و انتي رجعتي خلاص عملي على ربي و ادعي و ابداي صفحة جديدة و ربي معاك يا رب

قـــالو بكري * اللي صبرت دارها عـمرت **
و انتي اذا حابة تعمر دارك و ما تخربش اصبري و راح توصلي و تتهناي ان شاء الله

[السي محمد]

من خلال قرائتي لما بين السطور و خلف الحروف

بدأت اتفهّم لماذا زوجك يتكلم مع اخرى

و كأني بك من النساء اللواتي تحب السيطرة على الرجل و نكدية و تتخذين قرارات غبية مثل قرار الطلاق و الذهاب لبيت العائلة

اتخيّلك من النساء كثيرات الصراخ و العويل و التنقريش في البيت


لا ادري لماذا وصلتني هذه الصورة عنك من خلال كتابتك لمشكلتك

لا يوجد رجل فيه ذرة شرف و عزة نفس يقبل بان يُعطي مُرتبه كاملا لزوجته

تبًا ....... من انتِ حتى يعطيك راتبه الشهري؟؟؟؟

بأي حق تطلبين راتبه كله بيدك؟؟؟

حتى الطفل الصغير يغضب عندما تاخذين منه حبة الحلوى او لُعبته المُفضّلة فكيف تطلبين راتب زوجك الذي يشقى لأجله و يتعب؟؟؟


اتعلمين الرسالة التي يفهمها من طلبك هذا؟؟؟

يفهم انك تعتبرينه فاشل و عاجز و غبي و تافه لدرجة انك تاخذين امواله لبناء بيت؟؟

اي رسالة غبية هذه تبعثها الزوجة لزوجها : انت عاجز و فاشل و لا اثق فيك لتسيير البيت بطريقة جيدة ؟؟؟

متى تفهم النساء ان الرجال لا يفهمون كلامهن بنفس الطريقة
و انهم يختلفون في تفسيرهم لكلامهن؟؟؟

متى تفهم النساء ان هذا الاختلاف هو سبب المشاكل و الطلاق ؟؟؟
=============

ثم أين كنتي اول مرة عندما تعرّف على هذه ( الاخرى) ؟؟؟؟

دائما اكتب هذا السؤال لمن تطرح مشكلة مع زوجها

ما الذي يوجد في المراة الثانية و لا تملكينه انت؟؟؟

ما الذي تعطيه له هي و انت تجحدينه؟؟؟

ما الذي يجذبه إليها و ينفره منك؟؟؟


حاولي الاجابة على هذه الاسئلة و حينها ستجدين الحل لمشكلتك


اعلم ان اغلبية النساء تكره الاجابة على هذه الاسئلة و ترفض التفكير فيها

لكنها الحقيقة و الواقع الذي ترفض النساء مواجهته


=========

انا دائما اكتب بقسوة و شِدة في مثل هذه المواضيع

لأن القسوة و الرأي المعاكس الواضح و الصريح هو ما تحتاجه النساء في بعض الاحيان

انت مخطئة في معاملتك لزوجك و طبيعي ان يلتفت إلى من يجد راحته معها و لو كنت مكانه لكنت بعثتك لأهلك من زماااان

[iviline nv90]

المشاركة الأصلية كتبت بواسطة nasser26

مزية النسا ميخموش التخمام الرجولي هذا .... حسبتك راجل راه يهدر

ان شاء الله تطيحي في واحد حار كما راكي تهدري وتعرفي ربي مليح

اختي صاحبة الموضوع متديريش على الهداري تاع التحريض وتاع بنات الزنق حاشا لي ميستاهلوش ... عندك سلاح لي هو الدعاء ركعتين في جوف الليل والله ربي راح يسقم الامور ... واش تحبي حتى انا منحبش الراجل يعمل هكا وهو متزوج لانو عندو ام ولادو ومستحيل راح تتخلا عليه اذا تهلا فيها ... صح انا قدرت ضروفك ماشي ساهلة باش يخونك أقرب الناس ليك مي انا نضن مسألة وقت وحوار جاد وربي يهديه وما يشوف غير فيك يارب ان شاء الله

اأختي اخطيك من الهدرة تاع المسترجلات من صنف ابليس مزية ربي اخلق وفرق

ربي يفتح عليك ان شاء الله

منردش عليك لانو جواب الاحمق السكوت بسكوتي تعرف شكون وليد الزنق يا المتربي يا الراجل .

[amira mira0097]

مهما يكوون راهوا ابو ولادك والزواااج فيه فيه مشاكل بصح لازم تصبري و تولي بالك ادعي و صلي
بصح متخميييش تخلي ولادك بدون اب و بابلاضافة ادا خانك مرة اكييد رح يخونك ثاني مرة سافي لازم تخفي في مستقبل ولادك ماشي فييه هو و ركزي على السكنننة و ربي معاك

[iviline nv90]

المشاركة الأصلية كتبت بواسطة pgcd

اها اختي العني ابليس واش هذا الكلام
انا نقلك هذا كلام واحدة ماشي متزوجة و ماعندهاش ولاد
انتي قطعتي رحمة ربي و الا واش .. كاين حاجة يسموها توبة بين العبد و ربي سبحانه يا ما بالك بين العباد
و زيد علاه تستسلم و تقولهم هاكم راجلي لا لا حنونة اذا كان شاطرة تضغط على جرحها خاصة انو ندم و تحاول من جديد و بالاك غلطة و اذا تعاودت لكل حادث حديث ....
و الجملة الاخيرة اذا خدامة و ما نعرف واش شكون قالك الخدمة و المال تعوضها على راجلها و الا تعوض ولادها على والدهم

صاحبة الموضوع اديها من ملررا و خدامة و الله يا انا في مكانك - مع انو ما نعتقدش كاين واحدة تحاسب على الخيانة و تكرها قدي و لاسباب ...- مي نقلك اذا فحلة رجعي راجلك انتي درك مجروحة و من حقك مي راكي تحاسبي فيه على قبل ردي بالك هو عرف غلطتو و حلل و حلل و رجعك و انتي رجعتي خلاص عملي على ربي و ادعي و ابداي صفحة جديدة و ربي معاك يا رب

قـــالو بكري * اللي صبرت دارها عـمرت **
و انتي اذا حابة تعمر دارك و ما تخربش اصبري و راح توصلي و تتهناي ان شاء الله

هدا راي وحدة لدغت من نفس الجحر اختي ولك حرية التفسير ورايك انت راي وحدة عندها ولاد مي مداقتش طعم الخيانة ونقلك لنعكس الاية هل هو راح يبقى عليا الجواب عندك ونظن كلانا انسان ولنا نفس المشاعر ومتقوليليش مرا وراجل لنو ربي نهار نوقفو قدامو مراحش يقول النسا من والرجال من كيف كيف تقبلي مروري

[Malek12]

الله يهديه و يصلح الحال إن شاء الله

[salem1985]

اختي ربي يصبرك والله قطعتي قلبي هدزهما رجال هدا الزمان ربي يجيب الخير

[hano.jimi]

اختي اكيد انكي احسستي بالاهانة عتدما عرفت بعلاقة زوجكي مع امراة بالفيسبوك لكن انتي لا تعرفي المراة ممكن تكون متزوجة اوعزباء لا تهوى الرجل المتزوج وانها تكون مجرد صداقة لا غير
اختي اهتمي باولادكي اشتري قطعة ارض وشجعيه على بنائها او بيت صغير .واجبريه ان يرد لكي ذهبكي الذي بعتيه لاجله اوبقيمته يعطيكي نقود وافتحي حساب بنكي خاص لكي وضعيه فيكي
وخصصي لاولادكي حساب بنكي وكل شهر يضع لهم مبلغ
واما انتي اهتمي بنفسكي بجمالكي وبه لكي لا يجد اي ثغرة ضدكي ويبرر بها اي خيانة
ربي يصلح الاوضاع ويسعدكي .

[SKYALGERIA]

هذا الفيس بوك صناعة يهودية جاء ليدمر الأخلاق و القيم .
منذ أن ظهر لم نرى الخير لا في البلاد و لا في العباد . ربي يستر